Taldyqorǧan qalasyndaǧy Nazarbaev Ziiatkerlık mektebınıŋ 12-synyp oquşysy Sezım Ertanatov Garvard universitetınen şaqyrtu aldy.
Jas jetkınşektıŋ bılım aludaǧy jetıstıkterı, qatarlastary arasynan daralaityn köşbasşylyq qasietterı, ülken jūmys qabılettılıgı Sezımge öz josparyn jüzege asyruǧa mümkındık berdı. Öitkenı, AQŞ-taǧy eŋ tanymal universitetterdıŋ bırıne tüsu - būl kezdeisoqtyq emes, qajyrly eŋbek pen tynbai ızdenudıŋ nätijesı.
Garvard oqu orny- joǧary bılım beru standarttarymen tanymal amerikandyq, elitalyq universitetterdıŋ bırı.
Sezım Garvardtyŋ kompiuterlık ǧylymdar bölımınde bakalavriatqa tüsudı josparlap otyr. Onyŋ sözınşe elımızde sandyq tehnologiiany damytu älı de keşeuıldep jatyr. Jetkınşek öz bılımın jetıldıru arqyly otandyq IT salany ılgerıletudı közdeidı.
- Menı ärqaşan aqparattyq tehnologiialar teoriialyq jäne matematikalyq tūrǧydan qalai jūmys jasaityny qyzyqtyrady. Qazırgı uaqytta men Java, C ++, PHP siiaqty baǧdarlamalau tılın üirendım. Men sondai-aq türlı veb-saittardy jasaǧandy, derektı filmder tüsırgendı jäne redaksiialaǧandy ūnatamyn, - deidı Garvardtyŋ bolaşaq studentı.Sezımge därıs berıp jürgen matematika pänınıŋ mūǧalımı Zuhra Nurlyhanovnanyŋ aituynşa, jas jetkınşektıŋ bolaşaqta tabysty maman boluǧa barlyq mümkındıgı bar. Ol öz betınşe oquǧa qabılettı, belgılı bır mäseleler men sūraqtardy şeşudıŋ ärtürlı nūsqalaryn meŋgergen. Maqsattylyq pen sanaly basymdylyq - onyŋ eŋ myqty qasietterı. Onyŋ tapqyrlyǧy tek matematika sabaǧynda ǧana emes, jalpy mekteptıŋ özın-özı basqaru «Köşbasşylyq» salasynda da aiqyn körındı. Mektep qabyrǧasynda Sezım bırqatar erıktıler qozǧalysyn ūiymdastyrdy, käsıptık baǧdarlau komitetın aşty jäne BŪŪ modelı oiyny boiynşa qalalyq konferensiia ūiymdastyrdy. Sonymen bırge ol informatika jäne qazaq tılı pänderınen «Jas ǧalym», «Daraboz» atty halyqaralyq, respublikalyq olimpiadalarynyŋ jüldegerı jäne jeŋımpazy atandy.
- Sezım, menıŋ oiymşa, respublikanyŋ köptegen mektep oquşylary üşın özınıŋ tabandylyǧy men naqty josparlau qabıletınıŋ arqasynda älemdegı eŋ üzdık universitetke tüse alǧan adamnyŋ ülgısı boldy. Taldyqorǧan qalasyndaǧy Nazarbaev Ziiatkerlık mektebınıŋ tarihynda Sezım - Garvardqa şaqyrylǧan ekınşı oquşymyz», - deidı direktordyŋ oqu ısı jönındegı orynbasary Erali Bijanov.
Ūqsas jaŋalyqtar
