Mäjılıs deputaty Baqytjan Bazarbek 27 säuırde Mäjılıstegı ükımet saǧatynda "Bolaşaq" baǧdarlamasynda bırqatar zaŋbūzuşylyqtar baryn aityp, qūqyq qorǧau organdarynyŋ qatysuymen tekserıs jürgızudı, sondai-aq biudjet qarajatyn qaitarudy ūsyndy, dep habarlaidy "Adyrna".
Onyŋ aituynşa, "Bolaşaq" baǧdarlamasyna qatysty täsılder men saiasatty qaita qarau qajet.
"Baǧdarlama aiasynda kadr daiarlau kezınde jıberılgen zaŋbūzuşylyqtardy estıseŋ, jaǧaŋdy ūstaisyŋ. "Bolaşaq" baǧdarlamasy boiynşa konkursqa talaptarǧa mülde säikes kelmeitın 881 ümıtker jıberılgen. Sonyŋ ışınde 340 adam 7 mlrd 659 mln teŋge kölemınde stipendiia alyp, şetelde oqyp jür. 15 ümıtker boiynşa respublikalyq komissiianyŋ şeşımı mülde joq, bıraq olar bılım aluda. 151 stipendiia jospardan tys berılgen, al limitten tys taǧaiyndalǧan qarjy kölemı – 2 mlrd 519 mln teŋge. 71 ümıtker jasyryn türde bır-bırıne kepıl bolǧan. Keltırılgen şyǧyn – 876 mln teŋge. Jalpy, şynyn aitqanda, jaŋalyqtardy qarap otyrsaŋ, kezektı bır äkım taǧaiyndalady da, 3-4 jyldan keiın "Bolaşaq" tülegı retınde sybailas jemqorlyq qūqyqbūzuşylyǧyna bailanysty jauapqa tartylady. Sonda bız jalpy "Bolaşaq" arqyly kımderdı daiyndap jatyrmyz degen sūraq tuyndaidy", – dedı deputat.
Onyŋ aituynşa, sondai-aq ministrlıktıŋ jekelegen lauazymdy tūlǧalaryna qatysty keibır epizodtardy qylmystyq ıs qozǧauǧa negız bolatyn jaǧdailar retınde baǧalauǧa bolady. Osyǧan bailanysty ol mynadai ūsynystaryn aitty:
"Bırınşıden – Joǧary auditorlyq palatanyŋ (JAP) esebı qorytyndysy boiynşa "Bolaşaq" baǧdarlamasy aiasynda mamandar daiarlauǧa jūmsalǧan qarajatty qaitaru jönınde talap-aryzdar beru qajet. Menıŋ baǧalauymşa, şamamen 10 mlrd teŋge turaly söz bolyp otyr. Būl – şetelde negızınen tegın bılım alyp jatqan keibır tūlǧalardyŋ balalary men tuystaryna jūmsalǧan qarajat. Ministrlık olardyŋ tızımın aşyq ärı naqty jariialauy tiıs. Ekınşıden – Bas prokuratura men qūqyq qorǧau organdarynyŋ qatysuymen komissiialar qūryp, JAP anyqtaǧan şamamen 10 mlrd teŋge kölemındegı zaŋbūzuşylyqtarǧa qatysy bar barlyq lauazymdy tūlǧalardy anyqtau qajet. Üşınşıden – joǧary oqu oryndarynda sifrlyq kurstardy engızuımız kerek. Atap aitqanda, sifrlandyru negızderı, jasandy intellekt, aqparattyq resurstardy basqaru, elektrondyq üderıster men qūjat ainalymy. Iаǧni, bılım beru standarttaryn tolyq qaita qarau qajet", – dep tolyqtyrdy mäjılısmen.
Sondai-aq ol ǧylym salasynda lobbi bar ekenın, al "Skopus" pen "Tomson Reiters" bazalaryndaǧy jariialanymdar bizneske ainalyp ketkenın atap öttı. Osyǧan bailanysty, onyŋ pıkırınşe, mūndai jariialanymdardyŋ mındettılıgın alyp tastap, ǧylymi eŋbekterdı Joǧary auditorlyq palata men Ǧylym jäne joǧary bılım ministrlıgı ūsynǧan ūlttyq jurnaldar arqyly baǧalau qajet.
