Myqty ekonomikanyŋ negızı - joǧary üsteme qūny bar ärtaraptandyrylǧan önım öndırısı. Mūndai öndıruşılerge oblystaǧy käsıporyndardyŋ bırı – «Baǧaşar Meken» JŞS jatady.
Kompaniia naryqta 2009 jyldan berı jūmys ısteidı jäne europalyq standarttarǧa säikes önım şyǧarady. Käsıporynda avtokölıkterge arnalǧan etilenglikol negızındegı antifriz, tosol, salqyndatqyş şyǧarylady jäne alǧaşqy otandyq öndıruşı bolyp sanalady. Serıktestıkte täulıgıne 200 tonnaǧa deiın, mausymdyq kezeŋde 3 000 tonnaǧa deiın önım öndırıledı.
Öndırıste 120 adam jūmys ısteidı. Önımderı naryqqa NORD, ALFA, Z-COOL markaly antifriz, «Teplyi dom» jylu tasymaldaǧyşy, «Sever-40» tosoly brendterımen ūsynylady.
Şeteldık brendter tarapynan bäsekelestıkke qaramastan atalǧan kompaniia önımderı joǧary sapaly sipattamalarynyŋ arqasynda avtohimiialyq önımderdıŋ bölşek sauda naryǧynda öz ornyn tapty. Qazırgı taŋda käsıporyn öndırıs kölemın ūlǧaityp, ösıp keledı. Dese de nesie alyp ainalym kapitalyn tolyqtyru qajet.
- Bızge jeŋıldıktı şarttarmen nesie aluǧa memlekettık qoldau kömektesedı. Osylaişa, subsidiialaudyŋ arqasynda «Alfabank» EB AQ-da alynǧan kredit boiynşa syiaqy mölşerlemesın «Damu» qory 14 paiyzdan 6 paiyzǧa deiın tömendettı. Qordyŋ nesie somasynyŋ 39 paiyz mölşerındegı kepıldıgınıŋ arqasynda bız qajettı kölemde nesiege qol jetkızdık», – deidı kompaniia direktory İgor Poezjalov.Atalǧan serıktestık «Biznestıŋ jol kartasy – 2025» baǧdarlamasy aiasynda memlekettık qoldauǧa ie boldy.
Ūqsas jaŋalyqtar
