Jetisý óńirinde qurylǵan servıstik-daıarlaý ortalyǵy Uıǵyr aýdanynda óz jumysyn bastady. Ortalyqtyń barsha jańa tehnıkalary kóktemgi egin egý maýsymyna qyzý qatysýda. Búginde servıstik-daıarlaý ortalyǵynda jergilikti bıýdjetten bólingen. 550 mıllıon tengege satyp alynǵan 39 tehnıka bar.
- Ortalyqtyń tehnıkalyq parki Bahar aýyldyq okrýginiń aýmaǵynda ornalasqan. Bizdiń mindet - servıstik-daıarlaý ortalyǵymen kelisimge otyrǵan aýylsharýashylyq kásippen aınalysatyn qojalyqtarǵa qyzmet kórsetý, - dedi servıstik-daıarlaý ortalyǵy bas dırektorynyń orynbasary Quralbek Bekmuhambetov.
«Jetisý» Áleýmettik-kásipkerlik korporaııasy» Ulttyq kompanııasy» Akıonerlik qoǵamy ókilderi bergen málimette jańa servıstik-daıarlyq ortalyǵy "Jarkent krahmal-sirne zaýyty" JShS bazasy negizinde qurylǵan. Búginde servıstik-daıarlaý ortalyǵynyń enshisinde 39 tehnıka bar. Olar joǵary tehnologııalyq múmkindigi bar tuqym sepkishter, egin jınaýǵa negizdelgen kombaındar, taǵysyn taǵylar. Ortalyqtyń quziretindegiler júgeri jáne dándi daqyldar egetin qojalyqtarǵa kómek beredi.
Jalpy Almaty oblysy aýmaǵynda 51 servıstik-daıarlaý ortalyǵy jumys isteıdi. Olar túrli baǵytta qurylǵan: "Qan qyzylshasy", "Júgeri", " Dándi daqyl," "Kókónis", "Kúrish", "Kartofel" jáne "Mal azyǵy" baǵytynda jumys isteıdi. Olarǵa 1200 tehnıka 11 mlrd.teńge qarjylyq lızınge berilgen. Óńirde servıstik-daıarlyq ortalyqtaryn qurý nátıjesinde 250 shaǵyn jáne ortasha qojalyqtar biriktirilgen. Nátıjesinde 1 myń adam turaqty jáne 12 myń adam maýsymdyq jumyspen qamtylǵan.
