Almaty oblysynda kásippen aınalysamyn degenderge múmkindik zor. Muny úıde qarap otyrmaı, qoldan kelgenin kásipke aınaldyrǵan Iýldýz Turaeva aıtyp otyr. Jas kásipkerdiń sheber qolynan shyqqan buıymdardy óńir turǵyndary paıdalanyp ta júr. Sebebi Uıǵyr aýdanynyń Shonjy aýylynyń turǵyny Iýldýz Turaeva qoǵamǵa qajetti taýar óndiredi. Ol jýyrda ǵana memlekettik qoldaýdyń arqasynda jeke tigin ehyn ashqan edi.
2019 jyly Iýldýz Turaev kásip bastaý nıetimen Almaty oblysynyń Kásipkerler palatasyna júginip, kásipkerlik negizderi boıynsha «Bastaý Bıznes» oqytý jobasyna jazylǵan.. Oqytý barysynda Iýldýz toqyma buıymdaryn shyǵarý jobasyn ázirledi. Nátıjesinde joba «Jas kásipker» baǵdarlamasy aıasynda 500 000 teńge kóleminde grantqa ıe boldy.
- Jastaıymnan tigin isimen aınalysýdy armandaıtynmyn. Basynda hobbı retinde qaradym. Úı ishi men týystaryma jıyntyqtar jasap júrdim. Osydan keıin men bul hobbıdi jeke kásipke aınaldyrýdy sheshtim. «Atamekenniń» aýdandyq fılıaly tarapynan maǵan bıznesti ashý jáne damytý úshin jan-jaqty qoldaý kórsetildi. Qazir biz toqyma ónimderiniń 20-dan astam túrin shyǵaramyz. Ónimder tek bizdiń aýdanda ǵana emes, kórshiles aýdan men qalalarda da úlken suranysqa ıe, — deıdi jas kásipker.
Granttyq qarjylandyrýǵa Iýldýz Týraeva zamanaýı tigin jabdyqtaryn satyp aldy. Onyń aıtýynsha, ónimder «Baby comfort» brendimen «Shonjyda jasalǵan» markasymen shyǵarylady. Tigin ehynda jeti adam jumys isteıdi. Olar barlyq túrdegi toqymanyń 25 túrin jasaıdy, onyń ishinde qalyńdyqtyń jasaýy, perzenthanadan shyǵarý jıyntyqtary, ár túrli jastaǵy balalarǵa arnalǵan jıyntyqtar, as úıge arnalǵan jıyntyqtar, tósek-oryn jıyntyqtary, qonaq bólmege arnalǵan jıyntyqtar, júk kólikterine arnalǵan perdeler, qyzdar men jańa týǵan nárestelerge arnalǵan kıimder jáne basqalar.
Osy jyly kásipker óndiris kólemin arttyrý maqsatynda qosymsha jabdyqtar satyp alyp, jobany keńeıtýdi josparlap otyr.
