Almaty oblysynda käsıppen ainalysamyn degenderge mümkındık zor. Mūny üide qarap otyrmai, qoldan kelgenın käsıpke ainaldyrǧan Iýlduz Tūraeva aityp otyr. Jas käsıpkerdıŋ şeber qolynan şyqqan būiymdardy öŋır tūrǧyndary paidalanyp ta jür. Sebebı Ūiǧyr audanynyŋ Şonjy auylynyŋ tūrǧyny Iýlduz Tūraeva qoǧamǧa qajettı tauar öndıredı. Ol juyrda ǧana memlekettık qoldaudyŋ arqasynda jeke tıgın sehyn aşqan edı.
2019 jyly Iýlduz Tūraev käsıp bastau nietımen Almaty oblysynyŋ Käsıpkerler palatasyna jügınıp, käsıpkerlık negızderı boiynşa «Bastau Biznes» oqytu jobasyna jazylǧan.. Oqytu barysynda Iýlduz toqyma būiymdaryn şyǧaru jobasyn äzırledı. Nätijesınde joba «Jas käsıpker» baǧdarlamasy aiasynda 500 000 teŋge kölemınde grantqa ie boldy.
- Jastaiymnan tıgın ısımen ainalysudy armandaitynmyn. Basynda hobbi retınde qaradym. Üi ışı men tuystaryma jiyntyqtar jasap jürdım. Osydan keiın men būl hobbidı jeke käsıpke ainaldyrudy şeştım. «Atamekennıŋ» audandyq filialy tarapynan maǧan biznestı aşu jäne damytu üşın jan-jaqty qoldau körsetıldı. Qazır bız toqyma önımderınıŋ 20-dan astam türın şyǧaramyz. Önımder tek bızdıŋ audanda ǧana emes, körşıles audan men qalalarda da ülken sūranysqa ie, — deidı jas käsıpker.Granttyq qarjylandyruǧa Iýlduz Turaeva zamanaui tıgın jabdyqtaryn satyp aldy. Onyŋ aituynşa, önımder «Baby comfort» brendımen «Şonjyda jasalǧan» markasymen şyǧarylady. Tıgın sehynda jetı adam jūmys ısteidı. Olar barlyq türdegı toqymanyŋ 25 türın jasaidy, onyŋ ışınde qalyŋdyqtyŋ jasauy, perzenthanadan şyǧaru jiyntyqtary, är türlı jastaǧy balalarǧa arnalǧan jiyntyqtar, as üige arnalǧan jiyntyqtar, tösek-oryn jiyntyqtary, qonaq bölmege arnalǧan jiyntyqtar, jük kölıkterıne arnalǧan perdeler, qyzdar men jaŋa tuǧan närestelerge arnalǧan kiımder jäne basqalar. Osy jyly käsıpker öndırıs kölemın arttyru maqsatynda qosymşa jabdyqtar satyp alyp, jobany keŋeitudı josparlap otyr.
Ūqsas jaŋalyqtar
