Almaty oblysynda 23 jasar kásipker Abzal Ákimbek mýzykalyq aspaptar jasaıtyn sheberhana ashty. Qolóner sheberi jylyna 200-den astam ulttyq aspap shyǵarady. Ónimdi úlken qyzyǵýshylyqpen mádenıet maıtalmandary, mýzykalyq mektepter men mekemeler satyp alýda.
Abzal Ákimbek - Eńbekshiqazaq aýdanyndaǵy Rahat aýylynyń turǵyny. Ol jastaıynan ulttyq mýzykalyq aspaptarǵa, olardyń tarıhy men óndirisine qyzyǵýshylyq tanytyp keldi. Mektep qabyrǵasynan bastap, ásirese, jazǵy demalys kezinde mýzykalyq aspaptar jasaý sheberhanasynda tájirıbe jınaqtady. Kolledjden keıin ol taǵy bir jyl sheberhanada jumys istedi. Ýaqyt óte kele úıdiń aýlasynda shaǵyn eh uıymdastyrdy. Osylaısha jeke hobbıi kásipke aınala bastady. 2019 jyly Abzal «Bastaý Bıznes» jobasy boıynsha kásipkerlik negizderine oqýdan ótti. Sol jyly ınnovaııalyq ıdeıasy úshin 2,5 mln teńge kóleminde grant aldy.
Memlekettik qoldaýdyń arqasynda men hobbıimdi tabysty iske asyrdym. Kómek surap Kásipkerler palatasynyń aýdandyq fılıalyna júgindim. Kóp uzamaı «Jas kásipker» baǵdarlamasy boıynsha 2,5 mln teńge grant utyp aldym. Osy qarajatqa stanoktar men quraldardy satyp aldym. Qazirgi tańda sheberhanada menimen birge taǵy úsh adam jumys isteıdi, - dedi jas kásipker.
Sheberhanada Abzal Ákimbek aspaptardyń 50 túrin daıyndaıdy. Olardyń arasynda dombyra, prıma dombyra, qobyzǵa qyzyǵýshylyq joǵary. Sondaı-aq jetigen, daýylpaz, sybyzǵy, sherter jáne basqa da ulttyq aspaptar erekshe tanymal. Ónimderdi artıster, óner mektepteri jáne iri mádenı mekemeler satyp alady. Sonymen qatar syılyq retinde de buıymdar jaqsy ótedi.
Biz jylyna 200-den astam aspap daıyndaımyz. Óndiris isinde otandyq jáne sheteldik materıaldardy paıdalanamyz. Mysaly, jańǵaq aǵashyn, shyrsha, úıeńki, qyzyl aǵashty, afrıkalyq tropıkalyq aǵashtardy qoldanamyz. Sondyqtan sapaly buıym ázirleý biz úshin óte mańyzdy shart. Mýzykalyq aspaptardyń kópshiligin ulttyq naqyshty saqtaı otyryp, erekshe etnostılde daıyndaımyz, - dedi Abzal Ákimbek.
Kásipkerdiń aldaǵy ýaqytta otandyq jáne halyqaralyq kórmelerge qatysyp, ónimin tanymal etýdi maqsat etip otyr.
