Almaty oblysynda erekşe qajettılıkterı bar käsıpker Aidar Mamanov 5,5 myŋ basqa arnalǧan qūs fermasyn aşudy josparlap otyr. Nysannyŋ qūrylysy aǧymdaǧy jyly aiaqtalady.
Aidar Mamanov 29 jasta. Alaköl audanynyŋ Qyzylqaiyŋ auylynda düniege kelgen. Joǧary oqu ornyn bıtırıp, Taldyqorǧanda äskeri qyzmette boldy. 2016 jyly jazataiym oqiǧa bolyp, Aidar bel omyrtqasynyŋ jaraqat aldy. Alaida ol auyr synaqqa tötep berıp, jıgerlıne tüstı. Otbasylyq käsıptı jalǧastyryp, odan ary keŋeituge şeşım qabyldady.
«Janūiamyz būrynnan qūs şaruaşylyǧymen ainalysyp keledı. Üi aulasynda tauyq, qaz jäne üirek ūstap kelgenbız. Üide bos otyrmai, qolǧabys bolyp, otbasylyq käsıptı döŋgeletudı oiladym. Ata-anammen aqyldastym. Şeşımımdı qoldady. Osylaişa «Atameken» käsıpkerler palatasyna jügınıp, käsıpkerlıktı qoldau şaralary turaly keŋes aldym. Istıŋ qyr-syryn üirenu üşın «Bastau Biznes» jobasyna oquǧa jazyldym», - dedı ol.2019 jyly Aidar Mamanov Alaköl audanynda «Eŋbek» memlekettık baǧdarlamasy aiasyndaǧy «Bastau Biznes» käsıpkerlık negızderıne oqytudan öttı. Onda alǧaş ret biznes turaly bılım alyp, käsıptı jürgızu men damytudyŋ qyr-syryn üirendı. Qaisarlyq pen eŋbek öz jemısın berdı. Aidardyŋ biznes-jobasy memlekettık baǧdarlamalar aiasynda qarjylandyruǧa qol jetkızdı.
«Bır jyl būryn «Damu» qory boiynşa 1 million teŋge kölemındegı grantqa, keiın «Biznestıŋ jol kartasy – 2025» baǧdarlamasy şeŋberınde 2,5 mln teŋge somasynda qaitarymsyz grantqa ie boldym. Būl qarajatqa inkubator, şaǧyn traktor, ūsaqtaǧyş jäne basqa da qajettı jabdyqtar satyp alyndy. Qazır şamamen ai saiyn 200-400 bas qūs satamyz. Bolaşaqta qūstardyŋ sany köp bolady. Sebebı qūs fermasyn aşudy josparlap otyrmyz», - dep atap öttı jas käsıpker.
Ūqsas jaŋalyqtar
