«Atameken» ūlttyq käsıpkerler palatasynyŋ Eŋbekşıqazaq audandyq filialynyŋ basşysy Baqytgül Düisebekovanyŋ aituynşa, 2020 jyly käsıpkerlerdı qoldau oidaǧydai jüzege asyryldy. Olarǧa jan-jaqty qyzmet körsetılıp, türlı keŋester berıldı. Sonyŋ ışınde sättı şyqqan 113 jobaǧa 467 281 286 teŋge bölındı.
– Jeke käsıp aşuǧa qyzyǧatyndar sany jyl saiyn artyp keledı. Äsırese, jastar jaǧy öte belsendı. Būǧan, ärine, quanasyŋ. Öitkenı, jastar – elımızdıŋ bolaşaǧy. Bız ötken jyly pandemiia qiynşylyqtaryn bastan ötkıze jürıp käsıpkerlıktı qoldau jūmystaryn nazardan tys qaldyrmadyq. Nätijelı jūmyspen qamtudy jäne jappai käsıpkerlıktı damytudyŋ 2017–2021 jyldarǧa arnalǧan «Eŋbek» memlekettık baǧdarlamasy aiasynda «Bastau Biznes» jobasy qolǧa alyndy. Osy joba negızınde onlain formatta 300-den astam adam oqyp, arnaiy sertifikattar aldy. Jalpy mūndaǧy oqu kursy 12 modulden tūrady. Onda käsıpkerlıkke qajettı marketing negızderı, qarjy sauattylyǧy, biznes-jospar äzırleu, biznes-ideiany taŋdau siiaqty baǧdarlamalar bar. Alǧan bılımderınıŋ deŋgeiın anyqtau üşın kursqa qatysuşylar arnaiy test tapsyrady. Sarapşylardyŋ baǧalauynan ötkender grant alu mümkındıgıne ie bolady. Qysqasy, mūnda kelgen adam käsıpkerlıktıŋ qyry men syryn jan-jaqty meŋgeredı, – deidı Baqytgül Düisebekova.Qazırgı taŋda osy jobaǧa qatysqandardyŋ ışınde öz käsıbın aşqandar barşylyq. Sonyŋ bırı – Esık qalasynda tūratyn Äsem Tynaibekova. Onyŋ anasy Gülnär otyz jyl boiy tıgınşı bolyp jūmys ısteptı. Äsemnıŋ boiyna ana tälımı kışkentaiynan daryǧan. Söitıp ol otbasymen aqyldasa kele tıgın sehyn aşuǧa bel buady. Osy maqsatta «Atameken» ūlttyq käsıpkerler palatasynyŋ filialyna qarasty kursta bır aiǧa juyq oqidy. Biznes-jospar qūrudy üirenedı jäne taǧy basqa mümkındıkterdı meŋgeredı. Nätijesınde, 200 myŋ teŋge kölemındegı grantqa qol jetkızdı.
– «Jas käsıpker» baǧdarlamasy maǧan köp närsenı üirettı. Sonyŋ arqasynda jolymyz aşyldy. Bes adamdy jūmyspen qamtyp otyrmyz. Bız türlı firmalar men kompaniia jūmysşylaryna arnaiy kiım tıgumen ainalysamyz. Bolaşaqta tıgın sehyn keŋeitu mäselesı de josparymyzda bar. Memlekettıŋ men sekıldı käsıpkerlıkke ūmtylǧan jastardy qoldaǧanyna rizamyn. Erınbei eŋbek etseŋ, käsıbıŋ näsıbıŋe ainalady. Oǧan eş kümänım joq, – deidı tıgın sehynyŋ iesı Äsem Tynaibekova. Aita bersek, mūndai jarqyn mysaldardy audan öŋırınde köptep kezdestıruge bolady.
Bolat MÄJİT Eŋbekşıqazaq audany
Ūqsas jaŋalyqtar
