Biyl Almaty oblysynda «Bastau Biznes» oqytu jobasy aiasynda käsıpkerlık negızderı boiynşa 3 myŋ adamdy oqytu josparlanuda. Bırınşı lektı oqytu säuırdıŋ 26-synan bastaldy. Būl turaly «JETISÝ MEDIA» aqparattyq alaŋynda ötken brifing barysynda oblystyq käsıpkerler palatasynyŋ käsıpkerlıktı qarjylai emes qoldau körsetu bölımınıŋ basşysy Säniia Nauryzbaeva mälımdedı.
Spikerdıŋ aituynşa, nätijelı jūmyspen qamtudy jäne jappai käsıpkerlıktı damytudyŋ 2017-2021 jyldarǧa arnalǧan «Eŋbek» memlekettık baǧdarlamasy aiasynda jüzege asyrylyp jatqan «Bastau Biznes» jobasy azamattardy käsıpkerlık daǧdylarǧa üiretuge baǧyttalǧan. Ötken jyly joba boiynşa öŋırdıŋ 3022 jūmyssyz jäne ısın jaŋa bastaǧan käsıpkerı biznestıŋ qyr-syryn üirenıp, 2039 adam jalpy somasy 1,8 mlrd.teŋge qarjylandyruǧa qol jetkızdı.
– Oqytu 5 baǧyt boiynşa ūiymdastyrylyp, osy jyldyŋ qyrküiek aiyna deiın jalǧasady. Karantindık şaralarǧa bailanysty oqytu onlain formatta jürgızılıp, 21 kün ışınde ötkızıledı, – dedı Säniia Nauryzbaeva.Jobaǧa Halyqty jūmyspen qamtu ortalyǧynda tırkelgen jūmyssyzdar, sondai-aq erekşe qajettılıkterı bar adamdar, zeinetkerlıkke jetpegen 50 jastan asqan adamdar, NEET sanatyndaǧy jastar, az qamtylǧan nemese köpbalaly otbasy müşelerı, auyl şaruaşylyǧy kooperativterınıŋ müşelerı, qonys audaruşylar men qandastar qatysa alady. Jazylu üşın ümıtkerler tūrǧylyqty jerı boiynşa Halyqty jūmyspen qamtu ortalyqtaryna jügınu kerek. Keiın berılgen joldama boiynşa «Atameken» öŋırlık palatasyna nemese onyŋ filialyna jügınedı nemese atameken.co saity arqyly tırkeledı. Ary qarai «Atameken» qatysuşylar arasynda oqytu jürgızıp, onyŋ qorytyndysy boiynşa sertifikat tapsyrady. Osy sertifikatpen joba tülegı 200 AEK kölemınde qaitarymsyz grant nemese 6 paiyz jeŋıldetılgen nesie aluǧa mümkındıgı bolady. Aita keteiık, 2017-2020 jyldar aralyǧynda oblysta «Bastau Biznes» jobasy boiynşa 13 505 adam käsıpkerlık negızderıne oqyp, onyŋ ışınde 5 137 joba 74,2 mlrd.teŋge somaǧa qarjylandyryldy. Oblystyŋ jūmyspen qamtudy üilestıru jäne äleumettık baǧdarlamalar basqarmasynyŋ halyqty jūmyspen qamtu bölımınıŋ basşysy Äliia Esımjanovanyŋ aituynşa, biyl 49 979 jūmys ornyn, onyŋ ışınde 26 258 tūraqty jūmys ornyn qūru josparlanǧan. Bügınde 14 myŋnan astam jūmys orny aşylǧan, onyŋ ışınde 11,6 jūmys orny memlekettık baǧdarlamalar aiasynda qūryldy. Aǧymdaǧy jyly «Eŋbek» nätijelı jūmyspen qamtudy jäne jappai käsıpkerlıktı damytudyŋ 2017-2021 jyldarǧa arnalǧan memlekettık baǧdarlamasyn ıske asyru üşın 17,8 mlrd.teŋge bölındı. Būl qarajat käsıptık oqytuǧa, şaǧyn nesielendıruge, granttarǧa, äleumettık jūmys oryndaryn qūruǧa baǧyttalatyn bolady
Ūqsas jaŋalyqtar
