«Adal» partııasy músheleriniń qatary taǵy bir tanymal azamatpen tolyqty. Ol – Taraz qalasynyń bas ımamy Amantaı Sádıev, dep habarlaıdy "Adyrna" ulttyq portaly zakon.kz-ke silteme jasap.
Amantaı Sádıev Ońtústik Qazaqstan oblysynda dúnıege kelgen, Almatydaǵy Islam ınstıtýtyn bitirip, rýhanı bilim alǵan. 23 jyldan astam Atyraý oblysynyń, Aqtóbe qalasynyń, Taraz qalasynyń jáne basqa da eldi mekenderdiń bas ımamy qyzmetin atqardy. Ol óziniń qyzmeti jolynda adamdardyń qıyn ómirlik synaqtardan ótýine jáne destrýktıvti dinı aǵymdarǵa ilespeýine kómektesti.
Amantaı Sadıev «Adal» partııasyna kirý týraly sheshimin óziniń dinı qyzmeti barysynda el azamattarynyń kóptegen ózekti máseleleri týraly biletindigimen túsindirdi. Amantaı Sadıev osy máselelerdiń kóbin óziniń múmkindikterine oraı sheshti, biraq qazir saıası partııanyń qyzmeti sheńberinde dinı qaıratkerdiń emes, el azamatynyń atynan sheshim qabyldaýdyń jańa deńgeıine ótti.
«Adal» partııasyna Amantaı Sadıev partııanyń bastamalary men baǵdarlama jobasymen tanysqannan keıin kirýge sheshim qabyldady.
– Men bas ımam qyzmetin atqara otyryp, túrli salalardy kórdim. Aımaqtardyń máselelerinen habardarmyn. Olardyń damýyna úles qosýǵa árqashan ázir boldym. Mundaı múmkindikti men «Adal» partııasynyń baǵdarlamasyn júzege asyrý arqyly kórdim. Ol baǵdarlama ómirdiń kóptegen baǵyttaryn qamtıdy: bárine belgili jáne ózekti máselelerdi sheshýge atsalysady. Sonymen qatar, men partııanyń depýtattyqqa kandıdattardy zerttep, olardyń kópshiligimen sóılestim. Maǵan partııanyń basymdyqtary men onyń belsendi músheleri unaıdy. Olar ár túrli salada úlken tájirıbesi bar qurmetti adamdar. «Adal» – memleketti jańǵyrtýdyń tamasha ıdeıalary bar jigerli adamdardyń partııasy. Maǵan áleýmettik sala, bilim berý jáne aımaqtyq damý baǵdarlamasyndaǵy bastamalar óte unady. Munyń bári meniń partııaǵa qosylý týraly sheshimime áser etti. Elimizdiń damýyna óz úlesimdi qosa alamyn dep úmittenemin, – deıdiAmantaı Sadıev.
Kezindegi ımam Qazaqstan – din bılikten bólingen zaıyrly memleket ekenin eske saldy. Sondyqtan ol saıası qyzmetpen dinı jetekshi retinde emes, zaıyrly eldiń azamaty retinde aınalysatynyn atap ótti.
«Adal» partııasy saıası keńesiniń múshesi Eldar Jumaǵazıev Amantaı Sádıevtiń partııa qataryna qosylýyna qatysty óz pikirin bildirdi: «Árıne, partııa músheleriniń qatary halyq arasynda tanymal azamattarmen tolyǵyp jatqany qýantady. Eger biz naqty Amantaı Sádıev týraly aıtatyn bolsaq, men búkil aımaqtyń bas ımamy partııanyń bastamalaryn aǵartý úshin óz qyzmetin toqtatqanyn estigen emespin. El ómirin jaqsy jaqqa ózgertýge úlken yqylasy bar adamdar kez kelgen partııa úshin úlken mańyzǵa ıe».
Sondaı-aq, Amantaı Sádıev partııa logotıpine qyzyǵýshylyq tanytqanyn aıtty. «Adal» logotıpi meni birden qyzyqtyrdy. Sebebi ol mańyzdy qundylyqtardy beıneleıdi», – dep túsindiredi Amantaı Sádıev. Musylman sımvoly – 8 qyrly fıgýra partııanyń progressıvti damýyn, basymdyqtary men baǵyttarynyń ámbebaptyǵyn bildiredi.
Ortasyndaǵy kishirek ólshemdegi «juldyz» eldiń azamaty – adamdy, onyń qundylyqtaryn, qajettilikteriniń basymdyǵyn bildiredi. Gúl – jańarýdyń, jasampazdyq pen órkendeýdiń sımvoly. Kóktem men balǵyndyqtyń, jańanyń jarshysy. Jasyl tús – ósý men órkendeýdiń, turaqtylyq pen jańa bastamalardyń sımvoly. Bul jaǵymsyz emoııalar men agressııany týdyrmaıtyn eń úılesimdi, teńdestirilgen, tabıǵı tús.
