16 säuır künı Aqtauda «Turgundar amanaty» partiialyq jobasy şeŋberınde «Amanat» partiiasynyŋ ūiymdastyruymen «Üidı basqaru: jauapkerşılık, senım, nätije» atty öŋırlık forum öttı. Auqymdy ıs-şara tūrǧyn üi-kommunaldyq şaruaşylyǧy salasynyŋ özektı mäselelerın talqylaityn maŋyzdy dialog alaŋyna ainaldy.
Forumǧa Maŋǧystau oblysynyŋ äkımı Nūrdäulet Qilybai, Qazaqstan Respublikasy Parlamentı Mäjılısınıŋ deputattary Edıl Janbyrşin men Samat Mūsabaev, «Amanat» partiiasy hatşysy Erjan Jylqybaev, partiianyŋ oblystyq filialynyŋ töraǧasy Nūrbek Qarasaev, mäslihat deputattary, memlekettık organdardyŋ ökılderı, sondai-aq mülık ielerı bırlestıkterınıŋ belsendı müşelerı qatysty.
Kezdesudıŋ negızgı taqyryby – köpqabatty tūrǧyn üilerdı basqaru tiımdılıgın arttyru jäne tūrǧyn üi-kommunaldyq şaruaşylyǧynyŋ zamanaui jüiesın damytu. Jiynda injenerlık infraqūrylymdy jaŋǧyrtu, ortaq mülıktı kütıp ūstau, kommunaldyq tölemderdıŋ aşyqtyǧy men ädıldıgın qamtamasyz etu mäselelerı qaraldy.
Sonymen qatar mülık ielerı bırlestıkterı men tūrǧyndardy praktikalyq tūrǧyda qoldau mäselesıne erekşe nazar audaryldy. «Turgundar amanaty» jobasy aiasynda azamattardyŋ bastamalaryn süiemeldeu jäne qūqyqtyq sauattylyǧyn arttyru közdelıp otyr. Būl – jauapty ärı belsendı azamattyq qoǧam qalyptastyruǧa baǧyttalǧan maŋyzdy qadam.
Forum barysynda «Amanat» partiiasynyŋ Maŋǧystau oblystyq filialy men öŋırdegı basqaruşy jäne servistık kompaniialar qauymdastyǧy arasynda yntymaqtastyq turaly memorandumǧa qol qoiyldy. Būl qūjat tūrǧyn üi qoryn basqaru sapasyn arttyruǧa jäne özara ıs-qimyldy jüielı türde jolǧa qoiuǧa mümkındık beredı.
Is-şara aiasynda mülık ielerı bırlestıkterı men päter ielerı kooperativterınıŋ belsendı ökılderı alǧys hattarmen marapattaldy. Sondai-aq partiia qataryna jaŋa müşelerdı saltanatty türde qabyldau räsımı öttı.
Forumdy qorytyndylaǧan oblys äkımı Nūrdäulet Qilybai tūrǧyn üi-kommunaldyq salany damytudyŋ strategiialyq maŋyzyn atap öttı.
– Basty maqsatymyz – tūrǧyndarǧa qolaily, qauıpsız jäne sapaly ömır süru ortasyn qalyptastyru. Būl baǧytta infraqūrylymdy jaŋǧyrtu, sifrlyq şeşımderdı engızu jäne qyzmet sapasyn arttyru jūmystary jüielı türde jalǧasuda. Tek bırlesken ärı jauapty jūmystyŋ nätijesınde naqty ärı tūraqty jetıstıkterge qol jetkızuge bolady, – dedı öŋır basşysy.
Aita keteiık, öŋırde tūrǧyn üi qoryn jaŋǧyrtu jūmystary jüielı türde jürgızılude. 2011-2025 jyldar aralyǧynda 56 köpqabatty tūrǧyn üige kürdelı jöndeu jürgızıldı. Biyl būl jūmystar jergılıktı biudjet esebınen jalǧasady.
Bügınde Maŋǧystau oblysynda 1 938 köpqabatty tūrǧyn üi bar, olardyŋ 1 076-sy kondominium nysany retınde tırkelgen. Qalǧan üilerdı tırkeu jūmystary qarqyndy türde jalǧasuda.
Forum saraptamalyq pıkırtalastar seriiasymen qorytyndylanyp, qatysuşylar sala damuynyŋ praktikalyq şeşımderı men aldaǧy qadamdaryn talqylady.
