«HHI ǧasyrdaǧy Alaştyŋ Aq joly» jalpyūlttyq baiqauynyŋ jeŋımpazdary anyqtaldy. Bügın Astana qalasynda «Aq jol» demokratiialyq partiiasy jyl saiyn ötkızetın «XXI ǧasyrdaǧy Alaştyŋ Aq joly» jalpyūlttyq baiqauynyŋ biylǧy qorytyndy kezeŋı öttı.
Alaş qozǧalysynyŋ saiasi täjıribesın, ekonomikalyq baǧdarlamasyn jäne ruhani mūrasyn qazırgı Qazaqstan qoǧamyn jaŋǧyrtu konteksınde zerdeleu men nasihattaudy maqsat etken «XXI ǧasyrdaǧy Alaştyŋ Aq joly» jalpyūlttyq baiqauy biyl 11-şı ret ötkızılıp otyr.
Baiqaudyŋ aşylu saltanatynda «Aq jol» partiiasynyŋ töraǧasy, Mäjılıs deputaty Azat Peruaşev baiqaudyŋ ideologiialyq maŋyzy, Alaş taqyrybyn keŋınen nasihattau partiianyŋ basty maqsattarynyŋ bırı ekenın aityp öttı.
- Alaş ideiasynyŋ özegınde ekonomikalyq quattylyq, täuelsız memlekettı qūru, demokratiia, parlamentarizm sekıldı bırqatar baǧyttar bar. Alaş arystary osy baǧyttyŋ ärqaisysyn da teŋ ūstady. Olardyŋ ideiasy älı de öz qūndylyǧyn joǧaltqan joq, joǧaltpaidy da. Bügınde bıreuler Alaşty tarih, ötken zaman dep esepteidı. Men olarmen kelıspeimın. Sebebı, Alaş ideiasy är qazaqtyŋ qanynda bar. Būl bızdıŋ bügınımız ben bolaşaǧymyz. Būl baiqaudyŋ partiiamyz üşın de maŋyzdylyǧy joǧary. Alaş ideiasy partiiamyzdyŋ basym baǧyty bolyp tabylady. Sebebı, Alaş mūrasynan elımızdıŋ saiasaty men ekonomikasyna qatysty qajettınıŋ barlyǧyn tabuǧa bolady. Būl jalpyūlttyq baiqau öz jalǧasyn taba beredı. Osy baiqaudyŋ ırgetasyn saluǧa at salysqan tūlǧalarǧa alǧysym şeksız. Bügın baiqauda baq synap otyrǧan jastarǧa sättılık tıleimın. Alaşty zertteu arqyly älı talai jaŋalyqty aşasyzdar. Tek qana Aq jol! - dedı Azat Tūrlybekūly.Atap ötu kerek, būǧan deiın Oralda ötken biylǧy baiqaudyŋ II kezeŋıne saraptau komissiiasy baiqauǧa tüsken jūmystardy tekserıp, 4 nominasiia boiynşa jalpy sany 40 üzdık jūmysty ırıktep, qyzu pıkırsaiystyŋ nätijesınde aqtyq kezeŋge 13 üzdık jūmys ötken bolatyn. Elordada ötken baiqaudyŋ aqtyq kezeŋıne “Egemen Qazaqstan” bas direktory, QR ŪǦA akademigı Dihan Qamzabekūly töraǧalyq etse, ädılqazylar alqasy müşelerınıŋ qatarynda L.N.Gumilev atyndaǧy Euraziia ūlttyq universitetı qazaq ädebietı kafedrasynyŋ professory, filologiia ǧylymdarynyŋ doktory Saǧymbai Jūmaǧūl, L.N.Gumilev atyndaǧy Euraziia Ūlttyq Universitetı qazaq ädebietı kafedrasynyŋ meŋgeruşısı, filologiia ǧylymdarynyŋ kandidaty Qaiyrbek Kemeŋger men QR ŪǦA korrespondent-müşesı, filologiia ǧylymdarynyŋ doktory Amantai Şärıp sekıldı belgılı alaştanuşy ǧalymdar boldy. Ädılqazylar alqasynyŋ şeşımımen «HHI ǧasyrdaǧy Alaştyŋ Aq joly» jalpyūlttyq baiqauynyŋ jüldegerlerı men jeŋımpazdary bolyp myna avtorlar tanyldy: - «Alaş ideiasy jäne Ekınşı respublika» nominasiiasy boiynşa: I oryn Qūldan Süleimen (Maŋǧystau oblysy); II oryn Ötemıs Aigül (Almaty qalasy); III oryn Töreqūlova Kamşat (Maŋǧystau oblysy); - «Qazırgı zaman şyndyǧy aiasyndaǧy Ahmet Baitūrsynūly mūrasy» nominasiiasy boiynşa: I oryn Sman Jansaia (Aqtau qalasy); II oryn Abdrahim Miras (Almaty qalasy); III oryn Eralyūly Madiiar (Taraz qalasy); - «Alaş qairatkerlerınıŋ ekonomikalyq közqarastary jäne käsıpkerlıktı damytu» nominasiiasy boiynşa: I oryn Jylqaidarova Gülım (Astana qalasy); II oryn Mūhtasarqyzy Aqerke (ŞQO); III oryn Buteev Baktiiar (Qaraǧandy qalasy); - Alaş tarihynyŋ «aktaŋdaqtary» nominasiiasy boiynşa: I oryn Sisenova Dinara (Maŋǧystau oblysy, Jaŋaözen qalasy) II oryn Qamieva Nūrgül Erbolatqyzy (Atyrau qalasy); III oryn Jauynbai Jylqybaiūly (Astana qalasy); «Ahmet Baitūrsynūly» atyndaǧy syilyqtyŋ iegerı Jastlek Nadiia (Oral qalasy); Jas alaştanuşylardy qūttyqtai otyryp, ǧylymi ızdenıs jolynda sättılık tıleimız!
Ūqsas jaŋalyqtar
