«HHI ǵasyrdaǵy Alashtyń Aq joly» jalpyulttyq baıqaýynyń jeńimpazdary anyqtaldy. Búgin Astana qalasynda «Aq jol» demokratııalyq partııasy jyl saıyn ótkizetin «XXI ǵasyrdaǵy Alashtyń Aq joly» jalpyulttyq baıqaýynyń bıylǵy qorytyndy kezeńi ótti.
Alash qozǵalysynyń saıası tájirıbesin, ekonomıkalyq baǵdarlamasyn jáne rýhanı murasyn qazirgi Qazaqstan qoǵamyn jańǵyrtý konteksinde zerdeleý men nasıhattaýdy maqsat etken «XXI ǵasyrdaǵy Alashtyń Aq joly» jalpyulttyq baıqaýy bıyl 11-shi ret ótkizilip otyr.
Baıqaýdyń ashylý saltanatynda «Aq jol» partııasynyń tóraǵasy, Májilis depýtaty Azat Perýashev baıqaýdyń ıdeologııalyq mańyzy, Alash taqyrybyn keńinen nasıhattaý partııanyń basty maqsattarynyń biri ekenin aıtyp ótti.
- Alash ıdeıasynyń ózeginde ekonomıkalyq qýattylyq, táýelsiz memleketti qurý, demokratııa, parlamentarızm sekildi birqatar baǵyttar bar. Alash arystary osy baǵyttyń árqaısysyn da teń ustady. Olardyń ıdeıasy áli de óz qundylyǵyn joǵaltqan joq, joǵaltpaıdy da. Búginde bireýler Alashty tarıh, ótken zaman dep esepteıdi. Men olarmen kelispeımin. Sebebi, Alash ıdeıasy ár qazaqtyń qanynda bar. Bul bizdiń búginimiz ben bolashaǵymyz. Bul baıqaýdyń partııamyz úshin de mańyzdylyǵy joǵary. Alash ıdeıasy partııamyzdyń basym baǵyty bolyp tabylady. Sebebi, Alash murasynan elimizdiń saıasaty men ekonomıkasyna qatysty qajettiniń barlyǵyn tabýǵa bolady. Bul jalpyulttyq baıqaý óz jalǵasyn taba beredi. Osy baıqaýdyń irgetasyn salýǵa at salysqan tulǵalarǵa alǵysym sheksiz. Búgin baıqaýda baq synap otyrǵan jastarǵa sáttilik tileımin. Alashty zertteý arqyly áli talaı jańalyqty ashasyzdar. Tek qana Aq jol! - dedi Azat Turlybekuly.
Atap ótý kerek, buǵan deıin Oralda ótken bıylǵy baıqaýdyń II kezeńine saraptaý komıssııasy baıqaýǵa túsken jumystardy tekserip, 4 nomınaııa boıynsha jalpy sany 40 úzdik jumysty iriktep, qyzý pikirsaıystyń nátıjesinde aqtyq kezeńge 13 úzdik jumys ótken bolatyn.
Elordada ótken baıqaýdyń aqtyq kezeńine “Egemen Qazaqstan” bas dırektory, QR UǴA akademıgi Dıhan Qamzabekuly tóraǵalyq etse, ádilqazylar alqasy músheleriniń qatarynda L.N.Gýmılev atyndaǵy Eýrazııa ulttyq ýnıversıteti qazaq ádebıeti kafedrasynyń professory, fılologııa ǵylymdarynyń doktory Saǵymbaı Jumaǵul, L.N.Gýmılev atyndaǵy Eýrazııa Ulttyq Ýnıversıteti qazaq ádebıeti kafedrasynyń meńgerýshisi, fılologııa ǵylymdarynyń kandıdaty Qaıyrbek Kemeńger men QR UǴA korrespondent-múshesi, fılologııa ǵylymdarynyń doktory Amantaı Shárip sekildi belgili alashtanýshy ǵalymdar boldy.
Ádilqazylar alqasynyń sheshimimen «HHI ǵasyrdaǵy Alashtyń Aq joly» jalpyulttyq baıqaýynyń júldegerleri men jeńimpazdary bolyp myna avtorlar tanyldy:
- «Alash ıdeıasy jáne Ekinshi respýblıka» nomınaııasy boıynsha:
I oryn Quldan Súleımen (Mańǵystaý oblysy);
II oryn Ótemis Aıgúl (Almaty qalasy);
III oryn Tórequlova Kamshat (Mańǵystaý oblysy);
- «Qazirgi zaman shyndyǵy aıasyndaǵy Ahmet Baıtursynuly murasy» nomınaııasy boıynsha:
I oryn Sman Jansaıa (Aqtaý qalasy);
II oryn Abdrahım Mıras (Almaty qalasy);
III oryn Eralyuly Madııar (Taraz qalasy);
- «Alash qaıratkerleriniń ekonomıkalyq kózqarastary jáne kásipkerlikti damytý» nomınaııasy boıynsha:
I oryn Jylqaıdarova Gúlim (Astana qalasy);
II oryn Muhtasarqyzy Aqerke (ShQO);
III oryn Býteev Baktııar (Qaraǵandy qalasy);
- Alash tarıhynyń «aktańdaqtary» nomınaııasy boıynsha:
I oryn Sısenova Dınara (Mańǵystaý oblysy, Jańaózen qalasy)
II oryn Qamıeva Nurgúl Erbolatqyzy (Atyraý qalasy);
III oryn Jaýynbaı Jylqybaıuly (Astana qalasy);
«Ahmet Baıtursynuly» atyndaǵy syılyqtyń ıegeri Jastlek Nadııa (Oral qalasy);
Jas alashtanýshylardy quttyqtaı otyryp, ǵylymı izdenis jolynda sáttilik tileımiz!
