Memlekettık rämızder künı qarsaŋynda Almaty oblysynyŋ äkımı Marat Sūltanǧaziev Qonaev qalasyndaǧy Berdıbek Soqpaqbaev atyndaǧy saiabaqta balalarmen kezdestı.
Erkın formatta ötken kezdesuge 35-ke juyq bala qatysty. Aşyq aspan astynda ūiymdastyrylǧan jüzdesu barysynda oquşylar oblys äkımıne özderın qyzyqtyrǧan sūraqtaryn qoiyp, Qazaqstannyŋ memlekettık rämızderınıŋ tarihy men maŋyzy turaly pıkır almasty.
Kezdesu barysynda Marat Sūltanǧaziev balalarǧa Memlekettık Tu, Eltaŋba jäne Änūrannyŋ täuelsız Qazaqstannyŋ basty nyşandary ekenın aityp, olardy qūrmetteu är azamattyŋ paryzy ekenın atap öttı.
Sondai-aq äkım memlekettık rämızderge qatysty qyzyqty derektermen bölıstı. Äsırese, kök Tudyŋ ǧaryş keŋıstıgıne köterılıp, älemnıŋ eŋ biık şyŋdarynda jelbıregenı turaly aitylǧan mälımetter balalardyŋ erekşe qyzyǧuşylyǧyn tudyrdy.
Şara barysynda balalar memlekettık rämızderdıŋ avtorlary, olardyŋ män-maǧynasy jäne Qazaqstannyŋ halyqaralyq deŋgeidegı jetıstıkterı turaly sūraqtar qoidy. Kezdesu aşyq dialog formatynda ötıp, jas qatysuşylar öz oilaryn erkın jetkızuge mümkındık aldy.
Oblys äkımı mūndai kezdesulerdıŋ jas ūrpaqtyŋ boiynda patriottyq qūndylyqtardy qalyptastyruda maŋyzdy röl atqaratynyn atap öttı.
“Memlekettık rämızder – bızdıŋ täuelsızdıgımızdıŋ, bırlıgımızdıŋ jäne eldıgımızdıŋ belgısı. Olardy qūrmetteu – tuǧan elge degen qūrmettıŋ körınısı”, – dedı Marat Sūltanǧaziev.
Aita keteiık, Memlekettık rämızder künı jyl saiyn 4 mausymda atalyp ötıledı. Būl kün qazaqstandyqtardyŋ eldık qūndylyqtarǧa degen qūrmetın arttyruǧa jäne öskeleŋ ūrpaqtyŋ patriottyq tärbiesın nyǧaituǧa baǧyttalǧan türlı ıs-şaralarmen erekşelenedı.
