Búgin buqaralyq aqparat quraldarynyń ókilderi «AMANAT» partııasy respýblıkalyq saılaýaldy shtabynyń jumysymen tanysty. Jýrnalıster úshin uıymdastyrylǵan press-týr barysynda «AMANAT» partııasynyń Atqarýshy hatshysy Elnur Beısenbaev BAQ ókilderin kandıdattardyń úgit-nasıhat jáne úılestirý ortalyqtarynyń, qoǵamdyq qabyldaý bólmesiniń, medıa-shtabtyń, kovorkıng alańynyń, sondaı-aq shtabtaǵy jastar sektorynyń jumysymen tanystyrdy, dep habarlaıdy “Adyrna” ulttyq portaly.
Tarqata aıtsaq, saılaýaldy shtab «open space» qaǵıdaty boıynsha uıymdastyrylǵan. Iaǵnı, bul shtab – kópfýnkııaly saılaý naýqanyn basqarý ortalyǵy. Onyń quramynda kandıdattardyń úgit-nasıhat jáne úılestirý ortalyqtary, qoǵamdyq qabyldaý bólmesi, saılaýshylarmen kezdesýler ótetin kovorkıng ortalyǵy, úgit-nasıhat úshin kontent túsirý múmkindigine ıe birneshe lokaııaly baspasóz alańy, medıa-shtab, baqylaýshylar men senimdi tulǵalardy oqytý ortalyǵy bar, sondaı-aq jastar sektory jumys isteıdi.
«Shtabtyń negizgi qyzmeti – jumysymyzdyń durys júrýin qamtamasyz etý. Bul shtabtyń jańalyǵy retinde kúndelikti túrde jańa formattaǵy 4-5 kezdesý, oqytý sabaqtary ótip turatynyn aıtýǵa bolady. Shtab 24/7 rejıminde qyzmet etedi. Óńirdegi árbir shtab osy formatta jumys isteıdi. Ár bólim birlesip jáne jedel túrde belgili bir sheshimder qabyldaıdy. Munda kandıdattar men senimdi ókilderdiń qatysýymen kúndelikti túrli is-sharalar, arnaıy oqytýlar ótkiziledi», - dep atap ótti Elnur Beısenbaev.
Saılaýaldy shtabtyń baspasóz ortalyǵynda respýblıkalyq jáne óńirlik deńgeıdegi barlyq aqparattyq jumys ortalyqtandyrylǵan. Saılaýdaǵy mańyzdy baǵyt – aqparattyq jumys ekendigin eskersek, atqarylǵan sharýadan aqparattandyryp, júzege asqan bastamalardy kórsetý, qoǵamǵa jetkizý – asa mańyzdy. Sondyqtan 17 oblystyq jáne 3 qalalyq medıa-jospar men 1 respýblıkalyq medıa jospar ázirlengen. Onda ár kúnniń kestesi bekitilgen. Bul aqparattyq jumys osy medıa-shtab ortalyǵynda júzege asyrylady.
Saılaýaldy shtabtyń jastar sektorynyń da jumysy aýqymdy. Ol jerde belsendi jaqtastardyń qatysýymen kezdesýler ótedi. Onda saılaýaldy baǵdarlamasyn halyqqa jastardyń tilimen jetkizý úshin áleýmettik jelide kreatıvti ıdeıalardy toptastyrý jumystary júzege asyrylýda.
Press-týr barysynda partııanyń saılaýaldy saıty da tanystyryldy. «Qazir saıt saılaýaldy shtabqa qatysty jasaqtaldy. Halyqpen birge jazylǵan baǵdarlama 10 baǵyttan turady. Bul baǵdarlamany ázirleýde prezıdenttik saılaýdyń qorytyndysy boıynsha túsken 56 myńnan astam usynys ta eskerildi. Oǵan qosa, referendýmda jınalǵan usynys bar. Bir jyldyń ishinde qoǵamdyq qabyldaý 134 myńnan astam azamatty qabyldady. Osy usynys-tilekterdiń barlyǵyn qamtýǵa tyrystyq. Baǵdarlamanyń taǵy bir ereksheligi - onyń qorytyndysy boıynsha arnaıy jol kartasy ázirlendi. Qazirdiń ózinde onda 300-den astam pýnkt bar. 20 óńirde jol kartasy daıarlandy», - dedi Elnur Beısenbaev.
Kezdesý qorytyndysynda BAQ ókilderi úshin brıfıng ótkizildi. Onyń barysynda «AMANAT» Atqarýshy hatshysy Elnur Beısenbaev jýrnalısterdiń suraqtaryna jaýap berdi.
Elnur Beısenbaevtyń aıtýynsha, el aýmaǵynda barlyq óńirde aýdan, oblys jáne respýblıkalyq deńgeıde saılaýaldy shtabtar jumys istep jatyr. 226 óńirlik jáne aýmaqtyq saılaýaldy shtabtarynyń jumysyna 7,5 myńǵa jýyq adam jumyldyrylǵan.
Saılaý naýqany bastalǵannan beri el aýmaǵynda 3 myńnan astam is-shara ótti. Úgit-nasıhat naýqanynyń qorytyndysy boıynsha 1 mln. astam adamnyń qatysýymen 30 myń is-shara ótkizý josparlanýda.
Aıta keterligi, shtab quramyna partııanyń 486 belsendi jaqtastary kirdi. Saılaýshylarmen kezdesý kestesi daıyndaldy. Sondaı-aq, bul jumysqa úmitkerlerdiń 27 myńnan astam senimdi ókilderi de tartyldy.
Esterińizge sala ketsek, «AMANAT» partııasy atynan Májiliske 119 kandıdat usynylyp otyr. Onyń ishinde partııalyq tizim boıynsha 90 adam, birmandattyq saılaý okrýgterinen 29 adam usynylyp otyr.
