«Adal» پارتياسى مۇشەلەرىنىڭ قاتارى تاعى ءبىر تانىمال ازاماتپەن تولىقتى. ول – تاراز قالاسىنىڭ باس يمامى امانتاي ساديەۆ، دەپ حابارلايدى "ادىرنا" ۇلتتىق پورتالى zakon.kz-كە سىلتەمە جاساپ.
امانتاي ساديەۆ وڭتۇستىك قازاقستان وبلىسىندا دۇنيەگە كەلگەن، الماتىداعى يسلام ينستيتۋتىن ءبىتىرىپ، رۋحاني ءبىلىم العان. 23 جىلدان استام اتىراۋ وبلىسىنىڭ، اقتوبە قالاسىنىڭ، تاراز قالاسىنىڭ جانە باسقا دا ەلدى مەكەندەردىڭ باس يمامى قىزمەتىن اتقاردى. ول ءوزىنىڭ قىزمەتى جولىندا ادامداردىڭ قيىن ومىرلىك سىناقتاردان وتۋىنە جانە دەسترۋكتيۆتى ءدىني اعىمدارعا ىلەسپەۋىنە كومەكتەستى.
امانتاي ساديەۆ «Adal» پارتياسىنا كىرۋ تۋرالى شەشىمىن ءوزىنىڭ ءدىني قىزمەتى بارىسىندا ەل ازاماتتارىنىڭ كوپتەگەن وزەكتى ماسەلەلەرى تۋرالى بىلەتىندىگىمەن ءتۇسىندىردى. امانتاي ساديەۆ وسى ماسەلەلەردىڭ كوبىن ءوزىنىڭ مۇمكىندىكتەرىنە وراي شەشتى، بىراق قازىر ساياسي پارتيانىڭ قىزمەتى شەڭبەرىندە ءدىني قايراتكەردىڭ ەمەس، ەل ازاماتىنىڭ اتىنان شەشىم قابىلداۋدىڭ جاڭا دەڭگەيىنە ءوتتى.
«Adal» پارتياسىنا امانتاي ساديەۆ پارتيانىڭ باستامالارى مەن باعدارلاما جوباسىمەن تانىسقاننان كەيىن كىرۋگە شەشىم قابىلدادى.
– مەن باس يمام قىزمەتىن اتقارا وتىرىپ، ءتۇرلى سالالاردى كوردىم. ايماقتاردىڭ ماسەلەلەرىنەن حاباردارمىن. ولاردىڭ دامۋىنا ۇلەس قوسۋعا ارقاشان ءازىر بولدىم. مۇنداي مۇمكىندىكتى مەن «Adal» پارتياسىنىڭ باعدارلاماسىن جۇزەگە اسىرۋ ارقىلى كوردىم. ول باعدارلاما ءومىردىڭ كوپتەگەن باعىتتارىن قامتيدى: بارىنە بەلگىلى جانە وزەكتى ماسەلەلەردى شەشۋگە اتسالىسادى. سونىمەن قاتار، مەن پارتيانىڭ دەپۋتاتتىققا كانديداتتاردى زەرتتەپ، ولاردىڭ كوپشىلىگىمەن سويلەستىم. ماعان پارتيانىڭ باسىمدىقتارى مەن ونىڭ بەلسەندى مۇشەلەرى ۇنايدى. ولار ءار ءتۇرلى سالادا ۇلكەن تاجىريبەسى بار قۇرمەتتى ادامدار. «Adal» – مەملەكەتتى جاڭعىرتۋدىڭ تاماشا يدەيالارى بار جىگەرلى ادامداردىڭ پارتياسى. ماعان الەۋمەتتىك سالا، ءبىلىم بەرۋ جانە ايماقتىق دامۋ باعدارلاماسىنداعى باستامالار وتە ۇنادى. مۇنىڭ ءبارى مەنىڭ پارتياعا قوسىلۋ تۋرالى شەشىمىمە اسەر ەتتى. ەلىمىزدىڭ دامۋىنا ءوز ۇلەسىمدى قوسا الامىن دەپ ۇمىتتەنەمىن، – دەيدىامانتاي ساديەۆ.
كەزىندەگى يمام قازاقستان – ءدىن بيلىكتەن بولىنگەن زايىرلى مەملەكەت ەكەنىن ەسكە سالدى. سوندىقتان ول ساياسي قىزمەتپەن ءدىني جەتەكشى رەتىندە ەمەس، زايىرلى ەلدىڭ ازاماتى رەتىندە اينالىساتىنىن اتاپ ءوتتى.
«Adal» پارتياسى ساياسي كەڭەسىنىڭ مۇشەسى ەلدار جۇماعازيەۆ امانتاي ساديەۆتىڭ پارتيا قاتارىنا قوسىلۋىنا قاتىستى ءوز پىكىرىن ءبىلدىردى: «ارينە، پارتيا مۇشەلەرىنىڭ قاتارى حالىق اراسىندا تانىمال ازاماتتارمەن تولىعىپ جاتقانى قۋانتادى. ەگەر ءبىز ناقتى امانتاي ساديەۆ تۋرالى ايتاتىن بولساق، مەن بۇكىل ايماقتىڭ باس يمامى پارتيانىڭ باستامالارىن اعارتۋ ءۇشىن ءوز قىزمەتىن توقتاتقانىن ەستىگەن ەمەسپىن. ەل ءومىرىن جاقسى جاققا وزگەرتۋگە ۇلكەن ىقىلاسى بار ادامدار كەز كەلگەن پارتيا ءۇشىن ۇلكەن ماڭىزعا يە».
سونداي-اق، امانتاي ساديەۆ پارتيا لوگوتيپىنە قىزىعۋشىلىق تانىتقانىن ايتتى. «Adal» لوگوتيپى مەنى بىردەن قىزىقتىردى. سەبەبى ول ماڭىزدى قۇندىلىقتاردى بەينەلەيدى»، – دەپ تۇسىندىرەدى امانتاي ساديەۆ. مۇسىلمان سيمۆولى – 8 قىرلى فيگۋرا پارتيانىڭ پروگرەسسيۆتى دامۋىن، باسىمدىقتارى مەن باعىتتارىنىڭ امبەباپتىعىن بىلدىرەدى.
ورتاسىنداعى كىشىرەك ولشەمدەگى «جۇلدىز» ەلدىڭ ازاماتى – ادامدى، ونىڭ قۇندىلىقتارىن، قاجەتتىلىكتەرىنىڭ باسىمدىعىن بىلدىرەدى. گۇل – جاڭارۋدىڭ، جاسامپازدىق پەن وركەندەۋدىڭ سيمۆولى. كوكتەم مەن بالعىندىقتىڭ، جاڭانىڭ جارشىسى. جاسىل ءتۇس – ءوسۋ مەن وركەندەۋدىڭ، تۇراقتىلىق پەن جاڭا باستامالاردىڭ سيمۆولى. بۇل جاعىمسىز ەموتسيالار مەن اگرەسسيانى تۋدىرمايتىن ەڭ ۇيلەسىمدى، تەڭدەستىرىلگەن، تابيعي ءتۇس.
