Respublika partııasy jaqyn arada resmı túrde tirkelýi múmkin. Bul týraly partııa tóraǵasy Aıdarbek Qojanazarov óziniń feısbýk paraqshasynda habarlady, dep jazady "Adyrna" ulttyq portaly.
"Keshe, 2023 jyldyń 11 qańtarynda QR-nyń Ádilet mınıstrligine partııany tirkeý úshin qujattardyń sońǵy paketin tapsyrǵanymyzdy resmı túrde habarlaımyn. Daıyndyq barysynda bizdiń jaqtastarymyzdyń bes myń qoly jınaldy, elimizdiń túkpir-túkpirinen myńnan astam delegat jınalǵan quryltaı sezi ótti. Partııa baǵdarlamasy men jarǵy tanystyrylyp, elimizdiń qandaı jolmen júrýi kerektigi aıtyldy. Partııa baǵdarlamasy áleýmettik, ekonomıkalyq jáne basqa da ózekti máselelerdi sheshýde júıeli kózqaras qaǵıdattaryna negizdelip, Qazaqstannyń ózindik ereksheligin, mádenıeti men tilin barynsha saqtaı otyryp, el men bıznesti ıfrlandyrý qajettiligin túsinýge baǵyttalady. Partııa jarǵysy óz múshelerine resmı talaptar qoıyp qana qoımaı, sonymen qatar bizdiń qatarymyzdyń tazalyǵyn qamtamasyz etýde belgili bir moraldyq-etıkalyq normalardyń saqtalýyn belgileıdi. Bizdiń jaqtastarymyz "Álemdi jaqsy jaqqa ózgertkiń kelse, ózińnen basta" degen qarapaıym shyndyqty este saqtaı otyryp, partııanyń joǵary talaptaryn aqtaıtynyna senimdimin. Endi barlyq daıyndyq kezeńderinen ótkennen keıin biz partııanyń túpkilikti tirkelýin kútip otyrmyz. Bul bizge resmı túrde jumysqa kirisýge múmkindik beredi. Biz ár óńirge kelip, árbir azamattyń sózin tyńdaýǵa, eldiń barlyq irgeli máselelerine tereń úńilýge tyrysamyz. Durys sheshimderdi birge tabatynymyzǵa senimdimin. Alǵa Qazaqstan! Alǵa Respublika!", - dep jazdy Aıdarbek Qojanazarov.
"Adyrna" ulttyq portaly
