Túriktiń "Baıkar Makına" áskerı kompanııasy óz damýynda odan ary ketip jaqynda "Akınjı" atty ushqyshsyz basqarylatyn ushaqty qurastyryp shyǵardy. Bunyń qasynda Qarabaq aspanynda jasyndaı jarqyraǵan "baıraktar tb2" oıynshyq bop qalatyn tárizdi.
Myna najaǵaıdyń salmaǵy 5 jarym tonna.
Ózi 1350 keli salmaq qarý jaraǵyn kóteredi. Zymyrandarymen birge.
Bul shabýyldaýshy ushaq 250 shaqyrym aýmaǵynda kókte ushyp kele jatqan ushaqty, jerde júrip kele jatqan tehnıkany dáldep turyp atyp qaǵyp túsiredi. Ishi tolǵan elektronıkamen jabdyqtalǵan qarý - jaraq.
Anadoly túrikteriniń bunyń aldynda jasap shyǵarǵan "Aqsúńgir" degen bespılotnıgi barlaýshy bolatyn, al mynaý "Akınjı" 24 saǵat boıy tóbeden qadalyp qylt etkendi, shylt etkendi demde burq etkizip otqa oraıdy eken. Ózi kókte 12 myń metrge sheıin kóterile alatyn qabiletke ıe.
Bunyń qasynda túriktiń basqa pýlemetshe atqylaıtyn drondary týraly aıtýdyń qajeti de joq. Olar oınamaı qalady.
Túrik ınjenerleri jasap shyǵarǵan bul ushaq Túrkııany lezde álemdegi kókti bılegen úsh áskerı derjavanyń qataryna qosty. Iaǵnı, AQSh pen Izraıldiń qataryna.
Jalpy, Túrkııa bul temany jaqsy ustap aldy. Bular endi bul baǵyttan ajyraı qoımas.
Taǵy túrikter káristermen birigip "Altaı" degen tanki shyǵarady.... Óz jaıaý áskeriniń sany NATO daǵy AQSh tan keıingi sany mol ásker ekeni beseneden belgili. Qysqasy, Túrkııa áskerı salada ózge elderden oq boıy ozyq tur.
Bular ol jaǵynan jarady.
Al biz "Qarateńiz ben Sibirdiń arasy buryn bizdiń jer bolǵan, ol Túrki Qaǵanaty edi",
"Shyńǵyshan bizdiń babamyz" dep kúmpildegennen basqa dáneńe de bilmeıdi ekenbiz.
Sol ǵalamdy dúbirletken babalarymyzdyń óz zamanynda qandaı teńdessiz áskerı ınjener bolǵanyn,
olardyń sol zamanda eń ozyq, úzdik áskerı tehnologııalardy meńgergenin, sony soǵys alańynda sátti paıdalanǵanyn,
olardyń qandaı keremet áskerı strateg, taktık bolǵanyn,
olar ózderiniń sondaı qabiletteriniń arqasynda azǵantaı jaýynger halqymen tas qamaldardy talqandap mıllıondaǵan parsy, qytaı, úndi sııaqty halyqtardy soǵys alańynda op - ońaı jeńip, topalańyn shyǵaryp kete beretinin áli ózimiz de túsinbegen sııaqtymyz.
Bul týraly kezinde álemniń kóne zaman tarıhshylary, múıizderi qaraǵaıdaı jylnamashylary tamsana otyryp, jeńilgeni muńaıa otyryp ańyz qylyp talaı jazdy.
Qazir de batystyń "Eksplorer", "Neshonal Djegrafık"' sııaqty telearnalary Shyńǵyshannyń jaýyngerleriniń paıdalanǵan saýyt - saımanymen qarý jaraqtarynyń qandaı aǵashtan, sadaǵynyń oǵy qandaı materıaldan jasaǵanyn, naızasynyń ushyna ne salǵanyn, qandaı ot shashatyn qarý súıregenin,
olardyń soǵys alańynda qandaı áskerı taktıka qoldanǵanyn, biliktiligin, myqtylyǵyn, taǵy basqalaryn áli zerttep taýysa almaı jatyr..
Álemde zeńbirekti de tuńǵysh jasap shyǵarǵan osy Shyńǵystyń oǵlandary bolatyn.
Olar kezinde qytaıdyń ot shashatyn kúkirtin sarttyń arbasyna salyp búgingi zamanaýı zeńbirektiń alǵash nusqasyn jasap shyǵarǵan edi. Qamal talqandaıtyn katapýltalardy da eń alǵash súıretken sol kóshpendiler. Olardyń soǵys salasynda jetken jetistikteri - óz zamanynda sumdyq ınjenerlik ınnovaııa edi.
Olar sol zamanda úzdik soǵys tehnologııalaryn meńgermegende mynadaı ulanǵaıyr jerdi túrki jurtyna mura qyp tastap ketpes edi.
Ókinishke oraı buny keıin biz jalǵastyra almaı kóringenge jem boldyq, qor boldyq.
Menińshe, bizdiń sol ata joldy búginde osy túrikter shama - sharqynsha jalǵastyryp jatyr.
