Atyraudaǧy sapar aiaqtaldy. Būl joly qala qaŋyrap qalǧandai äser qaldyrdy. Köşede beisauat jürgen jan joq. Sapyrylysqan kölıkter de azaiǧan. Al, äuejai, vokzal, avtobeketterde qūjynaǧan halyq köp.
Jūrt jappai jan-jaqqa jansauǧalauda. Qalaǧa qarqyndy qyzyl su kele jatyr degen ürei bärın beijai küige tüsırıptı. Qūlsarydaǧy tasqyndy körgender beiqam emes. Bala-şaǧa, şal-şauqan men qyz-kelınşekterın Aqtau, Aqtöbe, Şymkent, Almatyǧa jıberıp jatyr. Tıptı keibırı otbasymen kölıkke mınıp, qauıpsız qalalarǧa aǧylyp jatyr. Ekı adamnyŋ basy qosylsa, “qalaǧa su kırer me eken?”-degen sūraqqa jauap ızdeidı.
Jaiyqtyŋ jaǧasy bekıtılıp, är mekeme ǧimaratynyŋ jan-jaǧyn qūm toltyrylǧan qappen qalap jatyr. Jer üide tūratyndar da baspanalaryn qorǧap qaludyŋ qamyn jasap, qabyrǧalaryna sellofanmen gidroizoliasiia jasauda. Tıptı teŋızdıŋ kömeiı tazalanyp, tabany tereŋdetılude. Qala ışındegı qūrǧap qalǧan kanaldardyŋ arnasy aşylyp, jüzdegen tehnika künı-tünı jūmys ıstep jatyr. Äskerde jürgen 1500 jauynger Atyrauǧa kelıp, Mahambet pen İnder audandaryna attanypty. Olar bögetter salyp, tasqyndy qalaǧa keltırmeudıŋ qamyn jasaidy.
Bır sözben aitqanda, Atyrauda alasapyran bolyp jatyr. 30 jylda jasalmaǧan jūmystar soŋǧy 15 künde atqaryluda. Äkımder, jany mūrnynyŋ ūşyna taqalǧanda typyrşyp jatyr. Qaiynjūrtqa tynyştyq tıleimın. Tasqyn bolmai-aq qoisyn. Atyrauǧa tek jaqsy dünie jazu üşın keleiık.
Dias Nūraqyn
Ūqsas jaŋalyqtar
