Biyl Qazaqstan käsıpodaqtarynyŋ qūrylǧanyna 30 jyl toldy. Būl qozǧalystyŋ jūmysy sonau HH ǧasyrda bolǧan jūmysşylar köterılısınen bastau alǧan edı. Qazırgı taŋda «Qazaqstan Respublikasy Käsıpodaqtar Federasiiasy» respublikalyq käsıpodaqtar bırlestıgı salalyq käsıptık odaqtardy jäne aumaqtyq käsıpodaqtar bırlestıkterın bırıktıretın kommersiialyq emes ūiym bolyp tabylady.
Zamanaui qoǧam qalyptastyruda
Käsıpodaqtyŋ negızgı maqsaty — eŋbek daularyn şeşıp, jūmyskerlerdıŋ müddelerın qorǧau, halyqtyŋ ömır süru deŋgeiın köterıp, äleumettık kepıldıktı qamtamasyz etu. Elbasymyzdyŋ özı «jūmysşylar özderın laiyqty sezınulerı üşın käsıpodaqtar qozǧalysy öz biıgınde boluy tiıs» dep aitqan bolatyn. Ūiym bügınde zamanaui qoǧamdy qalyptastyru jolynda qyzmet etıp keledı.
Ekı millionǧa juyq müşe bar
Qazırgı taŋda elımızde 22 salalyq käsıpodaq, 17 aumaqtyq käsıpodaq bırlestıkterı bar. Onyŋ qūramyna 2 millionǧa juyq müşe kıredı. Resmi statistika boiynşa, elımızdegı jaldamaly jūmysşylar sany 6 mln adam bolsa, sonyŋ 35 paiyzy käsıpodaq ūiymdaryna müşe. Jalpy käsıpodaq bırşama jūmystardy atqardy. Atap aitatyn bolsaq, Eŋbek kodeksın äzırleu kezınde Käsıpodaqtar federasiiasy 200-den astam özgerıs ūsynyp, onyŋ 117-sı zaŋǧa engızıldı. Qyzmetkerle eŋbek naryǧynyŋ tiımdılıgın qamtamasyz etuge tyrysuda. Sondai-aq, oblystyq käsıpodaq komitetınde käsıpodaq kadrlary men aktivın oqytuǧa erekşe köŋıl bölıp jatyr.
Respublikalyq käsıpodaqtar bırlestıgınıŋ negızgı funksiialary qandai?
Käsıpodaq bırlestıgı tömendegıdei qyzmetterdı atqarady:
1) özınıŋ müşelık ūiymdarynyŋ qūqyqtary men müddelerın bıldıru, qorǧau;
2) özınıŋ müşelık ūiymdary qyzmetınıŋ negızgı baǧyttaryn, strategiiasyn äzırleu jäne aiqyndau;
3) äleumettık ärıptestıktıŋ barlyq deŋgeilerınde äleumettık ärıptestık jüiesın damytuǧa järdemdesu;
4) respublikalyq jūmys beruşıler bırlestıkterımen jäne Qazaqstan Respublikasynyŋ Ükımetımen bas kelısım jasasu kezınde äleumettık ärıptestıktıŋ tarapy bolyp äreket etu, kelısım jobasyn daiyndau jäne ony jasasu jönındegı kelıssözderge qatysu;
5) äleumettık ärıptestık jäne äleumettık pen eŋbek qatynastaryn retteu jönındegı respublikalyq üşjaqty komissiianyŋ jūmysyna qatysu;
6) şeteldık, halyqaralyq käsıpodaqtar bırlestıkterımen jäne eŋbekşılerdıŋ qūqyqtary men bostandyqtaryn qorǧau salasynda jūmys ısteitın özge de ūiymdarmen yntymaqtastyq jasau jäne müşelık ūiymdardyŋ olarmen bailanystar ornatuyna järdem körsetu;
7) jarǧylyq maqsattardy ıske asyruǧa baǧyttalǧan özge de funksiialardy jüzege asyru.
Käsıpodaqqa qalai müşe boluǧa bolady?
«Käsıpodaqtar – eŋbek adamynyŋ qūqyqtaryn qorǧau, onyŋ laiyqty tūrmys sapasy men jūmys jaǧdaiyn qamtamasyz etu jolynda märtebelı missiia atqaratyn asa maŋyzdy zamanaui qoǧamdyq instituttyŋ bırı» dep QR Prezidentı Qasym-Jomart Toqaev atap ötkendei, bügıngı künı käsıpodaqtar qyzmetkerlerdıŋ eŋbek qauıpsızdıgı men qūqyqtarynyŋ saqtaluyn qamtamasyz etıp, jūmys beruşı men jūmysşylar arasynda altyn köpırdıŋ ornauyna ūiytqy bolatyn qozǧauşy küşke ainaldy.
Ūiym negızı erıktı türde qūrylady. Eger sız jūmys ısteitın mekemede käsıpodaq ūiymy bolmasa, ony öz betıŋızben qūruǧa mümkındıgıŋız bar. Al jūmys orynyŋyzda bastauyş käsıpodaq ūiymy bolsa, käsıpodaq komitetıne käsıpodaqqa müşelıkke qabyldau jäne müşelık käsıpodaq jarnasyn ūstau turaly ötınış jazu qajet. Aita keteiık, käsıpodaqtar öz qyzmetınde barlyq deŋgeidegı memlekettık organdardan, saiasi partiialardan, jūmys beruşıler men olardyŋ bırlestıkterınen täuelsız bolady, olardyŋ baqylauynda bolmaidy jäne olarǧa esep bermeidı.
Käsıpodaq qūqyqtyq kömek körsetuge daiyn
Käsıpodaqqa qatysty barlyq sūraqtar boiynşa 8(7172) 643481 jäne 643482 nömırlerıne habarlasa alasyz. Eger qūqyqtyq kömek alǧyŋyz kelse, elektrondy poştaǧa (legaldep@fprk.kz) hat joldaŋyz.
«Adyrna» ūlttyq portaly
