Türkıstan oblysy Tölebi audany Zaǧambar auylynda jasöspırım qyz zorlandy. Oblystyq polisiia departamentı oqiǧadan ekı kün ötken soŋ mälımdeme jasady, dep habarlaidy «Adyrna» tılşısı.
«24 säuırde kämeletke tolmaǧandy zorlau faktısı boiynşa qylmystyq ıs qozǧaldy. Kämeletke tolmaǧan küdıktı ūstalyp, qamauǧa alyndy. Saraptama taǧaiyndaldy jäne qylmystyq ıs sotqa joldanady.
Sonymen qatar 25 säuırde polisiiaǧa bötennıŋ mülkın örteu turaly habarlamalar tüstı. Atalǧan faktıler boiynşa qylmystyq ıster qozǧaldy. Zardap şekkender men qūrbandar joq.
Bötennıŋ mülkın örteu faktısıne qatysqandardyŋ barlyǧy anyqtalyp, ūstaldy jäne qamauǧa alyndy. Tergeu jalǧasuda»,—delıngen 26 säuır künı taratylǧan habarlamada.
Qūzyrly organ qazırgı uaqytta Zaǧambar auylynda jaǧdai tūraqty ekenın mälımdedı.
«Oblys äkımı jäne barlyq memlekettık organ basşylarynyŋ töraǧalyǧymen auyl tūrǧyndaryna jiyn ötkızılıp, tiıstı tüsındıru jūmystary jürgızıldı, zaŋ şeŋberınde şeşım qabyldanatyny eskertıldı»,—dedı PD-nyŋ baspasöz qyzmetı.
Polisiia departamentı internet jelısınde taralǧan "Bırneşe oquşy ūstaldy, jäbırlenuşı jüktı jäne bırqatar jıgıtter zorlady" degen aqparattardyŋ şyndyqqa janaspaitynyn aitty.
«Qazırgı taŋda jalǧan aqparat taratqan bırqatar avtorlar anyqtaldy, olarǧa qatysty äkımşılık jäne qylmystyq şaralar qabyldanuda. Barşa azamatqa resmi aqparat közderınen alynǧan aqparatqa senu qajettıgın, jalǧan aqparat taratqany üşın jauapkerşılık qarastyrylǧanyn eskertemın»,—dep pıkır bıldırdı Türkıstan oblystyq polisiia departamentınıŋ bastyǧy Mūrat Qabdenov.
