Bıylǵy jyldyń 3 maýsymynda «Adyrna» ulttyq portaly «Nefedova hanym páterin neshe teńgege jekeshelendirdi?!» atty maqala jarııalaǵan edi. Osy tusta Nefedova hanymnyń memlekettik qyzmetshiniń kelbetine qaıshy is-áreketine áý basta pavlodarlyq jáne ekibastuzdyq jurtshylyq nazaryn aýdarǵan osy maqala ekenin atap ótkimiz keledi.
Maqala shyǵa salysymen, tup-týra sol 3 maýsym kúni portalymyzda Ekibastuz qalasynyń ákimdiginen túsken teristeme hat jarq etti. Onda bylaı delingen:
«Resmı jaýap: Nefedova hanymnyń páteri jekeshelendirilmegen. 2020 jylǵy 3 maýsym kúni Asýan Taıjan avtorlyǵymen shyqqan «Nefedova hanym páterin neshe teńgege jekeshelendirdi?» atty jarııalanymda N.V.Nefedovanyń ar-namysyna, abyroıyna jáne iskerlik bedeline kir keltiretin ári dáıeksiz aqparat berilgen. «BAQ týraly» QR Zańynyń 19 babyna, sonymen qatar QR QK 13 babyna sáıkes, tómendegideı teristemeni jarııalaýyńyzdy suraımyz: Qala ákiminiń orynbasary N.V.Nefedova shynymen de Q.Sátbaev at. EITI-da qosymsha jumys júrgizedi. «Qazaqstan Respýblıkasyndaǵy memlekettik qyzmet týraly» QR Zańynyń 13 b. 1 t. 2 t. sáıkes, memlekettik qyzmetshi tólenetin pedagogtik, ǵylymı jáne ózge de shyǵarmashylyq qyzmetpen aınalysýǵa quqyly. Sol sebepti de, onyń atalǵan joǵarǵy oqý ornyndaǵy jumysy qoldanystaǵy zańnamaǵa qaıshy kelmeıtinin jetkizemiz. Buǵan qosa, ǵylymı dárejesi bar N.V.Nefedova RhD doktory bolyp tabylyp, stýdentterge qashyqtyqtan bilim berý tehnologııalaryn qoldanýmen 8 saǵat dáris beredi. Turǵyn úı suraǵyna qatysty. N.V.Nefedova osy qyzmetke taǵaıyndalǵanǵa deıin Pavlodar qalasynda oblystyq jastar saıasaty máseleleri jónindegi basqarma basshysy laýazymynda bolǵan. Qyzmet babymen Ekibastuz qalasyna kóship kelýine baılanysty, 28.08.19 j. №29 Jaldaý shartyna sáıkes, V.Nefedovaǵa memlekettik qyzmettik turǵyn úı qorynan páter berildi. Bul páter bolsa, jekeshelendirilmegen.
Qala ákiminiń orynbasary qyzmetindegi eki jyly ishinde N.V.Nefedovanyń eńbekke jaramsyzdyq paraǵy da joq, tártiptik jazaǵa da tartylmaǵan. Áleýmettik salaǵa tıesili Ekibastuz óńirindegi barlyq jobalar sátti júzege asyrylyp keledi».
Osydan soń biz «Adyrna» ulttyq portalynda «Nefedova hanymnyń qaı jumysy sátti?» degen maqala jarııalap, onda Nefedova hanym basqarǵan tusta jastar saıasatymen aınalysatyn oblystyq basqarma qyzmetkeriniń paramen ustalǵany jaıyna da toqtalyp ótkenbiz.
«Adyrnaǵa» Ekibastuz qalasy ákimdiginen kelgen teristeme hatta taǵy da mynadaı mátin bolǵan edi: «Qazaqstan Respýblıkasynyń zańnamasyna sáıkes, teristemeni jarııalaýyńyzdy suraımyz. Teristemeni jarııalaýdan bas tartylsa, N.V.Nefedova zańdy múddesin qorǵaý úshin sotqa jáne QR quqyq qorǵaý organdaryna habarlasý quqyǵyn ózine qaldyrady».
Portaldy sotpen qorqytqanda, Ekibastuz qalasynyń ákimdigi eń bolmasa istiń anyq-qanyǵyna jetip alsa etti?! Baspasóz qyzmetine mundaı teristemeni jazdyrtqan, árıne, Nefedovanyń ózi ekenine daý joq. Jazǵanda eń bolmasa quqyq qorǵaý organy týraly oılanyp jazbaǵany eldiń bárin aqymaq kórgeni bolyp tur ǵoı!
Endi, mine, «Adyrna» jazǵan jaıttyń jalǵan emestigin quqyq qorǵaýshylardyń óz aýyzdarynan da estip jatyrmyz.
24 tamyz kúni bul týraly KazTAG mynadaı aqparyn jarııa etti: «Zamestıtel akıma Ekıbastýza radı prıvatızaıı jılıa propısala v slýjebnoı kvartıre rossııanına. «V hode vneshnego analıza korrýpıonnyh rıskov raspredelenııa slýjebnogo jılıa ýstanovleny narýshenııa v Ekıbastýze. Zamestıtel akıma goroda Ekıbastýza po soıalnym voprosam s elıý polýchenııa slýjebnogo jılıa bolsheı ploadıý ı dalneısheı ee prıvatızaıı propısala v nem svoego ota – grajdanına Rossııskoı Federaıı. Fakt byl sovershen v etom godý», - soobıl v ponedelnık rýkovodıtel departamenta agentstva po protıvodeıstvııý korrýpıı po Pavlodarskoı oblastı Aıdar Tastemırov».
Al endi qazaq saıttary bir aýyz syn jazsa, er-toqymyn baýyryna alyp týlaı ketetin Ekibastuz qalasynyń ákimdigi buǵan neǵyp úndemeı otyr eken? Álde ákimniń baspasóz qyzmeti qazaqtildi portaldarǵa ǵana myqty ma?!
Nazar aýdarsaq, mátinde «s elıý dalneısheı prıvatızaıeı» degen tirkes bar. Iaǵnı, quzyrly organdar tergeý kezinde Nefedovanyń qalaı bolǵanda da páterdi jekeshelendirmek bolǵanyn anyqtaǵan! Qazaqstannyń zańyn aıaqtasty etip, Reseı azamaty bolyp tabylatyn ákesin tirkeýge qoıǵany – tipti jeke talqylaıtyn taqyryp!
Al ázirge páter máselesine alyp-qosarymyz: OLX habarlandyrýlar saıtynan Nefedova hanymnyń satýǵa qoıǵan jıhaz-buıymdaryn kózimiz shalǵanyn aıtpaı ketýge bolmas. Habarlandyrý sońynda Nefedova hanymnyń baılanys telefony kórsetilgen. Saıtta jarııa etilgen sýretterden baıqaǵanymyz, jıhazdyń bári satylý ýaqytynan alty aı buryn ǵana satyp alynypty. Sondaı-aq, páterde júrgizilgen jóndeý jumystary da óte sapaly. Bálkim, ıesi baspananyń ózinde qalatynyna birjola senimdi bolyp, jóndeý júrgizgen bolar? Áıtpese qyzmettik páterdiń olaısha úlde men búldege bólenip turǵanyn kim kórgen? Aıtpaqshy, Nefedovanyń jıhazynyń birin arzandatylǵan baǵaǵa «nurotandyq» qyzmetkerlerdiń biri satyp alypty dep júr jurt. «Búlingennen búldirgi alma» degendi bilmeıtin bireý bolar dep topshyladyq. Al qalǵan jıhazdy satýmen «eks-zamákimniń» depýtat qurbysy aınalysyp ketipti. Bir kezde dúrildep turǵan qurbysynyń qoldaýymen alǵan nagradalaryn aqtaıyn degeni bolsa kerek.
Jaraıdy, Nefedovanyń boıyn ashkózdik bıledi delik. Al sonda osy páterdiń ıesi bolyp tabylatyn Ekibastuz qalasy qarjy bóliminiń basshysy Álııa Qajybekova qaıda qaraǵan? Eki bólmeli páterdi jekeshelendirýge umtylǵan memqyzmetkerdiń jeteginde ketkeni onyń da sybaılas jemqorlyqqa jol bere jazdaǵanyn bildiredi emes pe? Osydan soń nege ondaı adamdar tutas bir qalanyń qarjy mekemesin basqaryp otyra bermek?!
Endigi aıtarymyz, Qazaqstannyń zańnamasyn belinen basqan Nefedova hanym qazir túk bolmaǵandaı, typ-tynysh oblys ákimdiginiń aryz-shaǵymdar bólimin basqaryp otyr eken. Sonda oblys ákimi Ábilqaıyr Sqaqov Nefedovanyń ne búldirip kelgenin bilmeı me? Mańaıyndaǵylaı aıtpaı ma? Jemqorlyq jasaı jazdaǵan adamǵa bildeı bir bólim tizginin ustatqan aımaq basshysynyń ne oıy bar? Osyny bilgimiz keledi!
Asýan TAIJAN,
Pavlodar oblysy
