Qazaqstandyq bloger Aıbar Tóleýbek Baıqońyrǵa baryp, qalanyń turmysymen tanysty, dep habarlaıdy “Adyrna” ulttyq portaly.
«Baıqońyrǵa kelip, ózimdi Reseı jerinde turǵandaı sezindim», - dep jazylǵan blogerdiń vıdeosynda.
2 kún buryn jelige júktelgen blog 900 myńnan astam qaralym jınap, jurtty eleńdetti. Beınede kósheler men eskertkishterde tek orys jazýlarymen aqparat berilgenin kórýge bolady. Odan bólek, bloger halyqtyń teńgeniń ornyna rýbl qoldanatynyn kórsetken. Qabyrǵalarda Qazaqstan men Reseı týy qatar ilingenin de baıqaýǵa bolady.
Aıta keteıik, Baıqońyr kesheni Qazaqstan tarapynan Reseıge 1994 jyly jalǵa berildi, keıin kelisim 2050 jylǵa deıin uzartyldy.
