Tik-tok jelısınde Dosbol Aliakbar esımdı jas jıgıttıŋ Qazaqstannyŋ bügıngı hal-ahualyna qatysty tüsırgen videosy qyzu talqyǧa tüsude. Ol Almaty qalasynyŋ äkımı Baqytjan Saǧyntaevqa ündeu joldady, dep habarlaidy "Adyrna" tılşısı.
Dosbol videoda Almaty qalasynyŋ Timiriazev-Jandosov köşelerınıŋ qiylysynyŋ boiymen jüre otyryp, bar joǧy 2,5 km araqaşyqtyqta kezdestırgen 17 lombard dükenın jäne Timiriazev köşesınıŋ sau tamtyǧy qalmaǧan jolynyŋ lailanyp, adam jüruge kelmeitının aitty.
"Körıp tūrǧandaryŋyzdai būl köşenıŋ sūlulyǧy, tıptı mūnda balyq aulauǧa bolatyn siiaqty" deidı ol. "Barlyǧymyz jaqsy bıletındei, Timiriazev köşesınde negızınde studentter öte köp tūrady. Qūrmettı Saǧyntaev myrza, qala äkımşılıgı! İä, men tüsınem lombard ta käsıpke jatatynyn. Bıraq ta, ekı-üş lombard bolsa jaraidy, bıraq ne üşın onyŋ sany 17? Tek Timiriazev köşesınde. Lombard degen qoǧamǧa paidasyn alyp keletın käsıp emes. Soŋǧy uaqytta, lombard, zaim, qaryzǧa aqşa beru degen närseler qaptap ketıptı. Sol mäselenı şeşseŋızder jaqsy bolar edı" deidı Dosbol videonyŋ soŋynda.https://youtu.be/5lw04cjn47o
"Adyrna" ūlttyq portaly
Ūqsas jaŋalyqtar
