Pavlodar oblysynda äleumettık jelıde bır er adamnyŋ qyzǧa fizikalyq küş qoldanǧan sätı beinelengen video jariialandy, dep habarlaidy "Adyrna" ūlttyq portaly Tengrinews.kz-ke sıltep.
Videoda jäbırlenuşınıŋ bet-auzy qan bolyp, er adamnyŋ dausy estıletını körınedı. Ol qyzdyŋ bıreudı aldaǧanyn aitqan. Būl derekke polisiia pıkır bıldırdı.
Polisiia mälımetınşe, videony tekseru barysynda oqiǧaǧa qatysy bar tūlǧalar anyqtalyp, polisiia bölımşesıne jetkızıldı. Aldyn ala mälımet boiynşa, videony jäbırlenuşı öz tanystarymen kelısıp, ūiymdastyrǧan boluy mümkın. Degenmen "qoiylym" kezınde naqty zaŋǧa qaişy äreketter oryn alǧany belgılı boldy.
Oqiǧaǧa qatysqan ekı er adamǧa ūsaq būzaqylyq boiynşa äkımşılık hattama toltyrylyp, sot şeşımı şyqqanǧa deiın uaqytşa ūstau izoliatoryna qamaldy.
Sonymen qatar, jäbırlenuşınıŋ būǧan deiın sottalǧany, onyŋ ışınde alaiaqtyq boiynşa jauapqa tartylǧany anyqtaldy.
Degenmen, videony tüsıru sebepterı men onyŋ qoiylym ekendıgıne qaramastan, densaulyqqa qasaqana ziian keltıru deregı boiynşa qylmystyq ıs qozǧaldy. Tergeu barysynda oqiǧanyŋ naqty sebepterı, keltırılgen ziiannyŋ deŋgeiı jäne är qatysuşynyŋ rölı anyqtalatyn bolady. Oqiǧaǧa qatysuşylardyŋ, sondai-aq videony taratqan tūlǧalardyŋ äreketterıne qūqyqtyq baǧa berıledı.
