زاڭ بۇزعان ادام جايلى ورىندا وتىرا بەرە مە؟!

692

بيىلعى جىلدىڭ 3 ماۋسىمىندا «ادىرنا» ۇلتتىق پورتالى «نەفەدوۆا حانىم پاتەرىن نەشە تەڭگەگە جەكەشەلەندىردى؟!» اتتى ماقالا جاريالاعان ەدى. وسى تۇستا نەفەدوۆا حانىمنىڭ مەملەكەتتىك قىزمەتشىنىڭ كەلبەتىنە قايشى ءىس-ارەكەتىنە ءاۋ باستا پاۆلودارلىق جانە ەكىباستۇزدىق جۇرتشىلىق نازارىن اۋدارعان وسى ماقالا ەكەنىن اتاپ وتكىمىز كەلەدى.

ماقالا شىعا سالىسىمەن، تۇپ-تۋرا سول 3 ماۋسىم كۇنى پورتالىمىزدا ەكىباستۇز قالاسىنىڭ اكىمدىگىنەن تۇسكەن تەرىستەمە حات جارق ەتتى. وندا بىلاي دەلىنگەن:

«رەسمي جاۋاپ: نەفەدوۆا حانىمنىڭ پاتەرى جەكەشەلەندىرىلمەگەن. 2020 جىلعى 3 ماۋسىم كۇنى اسۋان تايجان اۆتورلىعىمەن شىققان «نەفەدوۆا حانىم پاتەرىن نەشە تەڭگەگە جەكەشەلەندىردى؟» اتتى جاريالانىمدا ن.ۆ.نەفەدوۆانىڭ ار-نامىسىنا، ابىرويىنا جانە ىسكەرلىك بەدەلىنە كىر كەلتىرەتىن ءارى دايەكسىز اقپارات بەرىلگەن. «باق تۋرالى» قر زاڭىنىڭ 19 بابىنا، سونىمەن قاتار قر قك 13 بابىنا سايكەس، تومەندەگىدەي تەرىستەمەنى جاريالاۋىڭىزدى سۇرايمىز: قالا اكىمىنىڭ ورىنباسارى ن.ۆ.نەفەدوۆا شىنىمەن دە ق.ساتباەۆ ات. ەيتي-دا قوسىمشا جۇمىس جۇرگىزەدى. «قازاقستان رەسپۋبليكاسىنداعى مەملەكەتتىك قىزمەت تۋرالى» قر زاڭىنىڭ 13 ب. 1 ت. 2 ت. سايكەس، مەملەكەتتىك قىزمەتشى تولەنەتىن پەداگوگتiك، عىلىمي جانە وزگە دە شىعارماشىلىق قىزمەتپەن اينالىسۋعا قۇقىلى. سول سەبەپتى دە، ونىڭ اتالعان جوعارعى وقۋ ورنىنداعى جۇمىسى قولدانىستاعى زاڭناماعا قايشى كەلمەيتىنىن جەتكىزەمىز. بۇعان قوسا، عىلىمي دارەجەسى بار ن.ۆ.نەفەدوۆا رhD دوكتورى بولىپ تابىلىپ، ستۋدەنتتەرگە قاشىقتىقتان ءبىلىم بەرۋ تەحنولوگيالارىن قولدانۋمەن 8 ساعات ءدارىس بەرەدى. تۇرعىن ءۇي سۇراعىنا قاتىستى. ن.ۆ.نەفەدوۆا وسى قىزمەتكە تاعايىندالعانعا دەيىن پاۆلودار قالاسىندا وبلىستىق جاستار ساياساتى ماسەلەلەرى جونىندەگى باسقارما باسشىسى لاۋازىمىندا بولعان. قىزمەت بابىمەن ەكىباستۇز قالاسىنا كوشىپ كەلۋىنە بايلانىستى، 28.08.19 ج. №29 جالداۋ شارتىنا سايكەس، ۆ.نەفەدوۆاعا مەملەكەتتىك قىزمەتتىك تۇرعىن ءۇي قورىنان پاتەر بەرىلدى. بۇل پاتەر بولسا، جەكەشەلەندىرىلمەگەن.

قالا اكىمىنىڭ ورىنباسارى قىزمەتىندەگى ەكى جىلى ىشىندە ن.ۆ.نەفەدوۆانىڭ ەڭبەككە جارامسىزدىق پاراعى دا جوق، تارتىپتىك جازاعا دا تارتىلماعان. الەۋمەتتىك سالاعا تيەسىلى ەكىباستۇز وڭىرىندەگى بارلىق جوبالار ءساتتى جۇزەگە اسىرىلىپ كەلەدى».

وسىدان سوڭ ءبىز «ادىرنا» ۇلتتىق پورتالىندا «نەفەدوۆا حانىمنىڭ قاي جۇمىسى ءساتتى؟» دەگەن ماقالا جاريالاپ، وندا نەفەدوۆا حانىم باسقارعان تۇستا جاستار ساياساتىمەن اينالىساتىن وبلىستىق باسقارما قىزمەتكەرىنىڭ پارامەن ۇستالعانى جايىنا دا توقتالىپ وتكەنبىز.

«ادىرناعا» ەكىباستۇز قالاسى اكىمدىگىنەن كەلگەن تەرىستەمە حاتتا تاعى دا مىناداي ءماتىن بولعان ەدى: «قازاقستان رەسپۋبليكاسىنىڭ زاڭناماسىنا سايكەس، تەرىستەمەنى جاريالاۋىڭىزدى سۇرايمىز. تەرىستەمەنى جاريالاۋدان باس تارتىلسا، ن.ۆ.نەفەدوۆا زاڭدى مۇددەسىن قورعاۋ ءۇشىن سوتقا جانە قر قۇقىق قورعاۋ ورگاندارىنا حابارلاسۋ قۇقىعىن وزىنە قالدىرادى».

پورتالدى سوتپەن قورقىتقاندا، ەكىباستۇز قالاسىنىڭ اكىمدىگى ەڭ بولماسا ءىستىڭ انىق-قانىعىنا جەتىپ السا ەتتى؟! ءباسپاسوز قىزمەتىنە مۇنداي تەرىستەمەنى جازدىرتقان، ارينە، نەفەدوۆانىڭ ءوزى ەكەنىنە داۋ جوق. جازعاندا ەڭ بولماسا قۇقىق قورعاۋ ورگانى تۋرالى ويلانىپ جازباعانى ەلدىڭ ءبارىن اقىماق كورگەنى بولىپ تۇر عوي!

ەندى، مىنە، «ادىرنا» جازعان جايتتىڭ جالعان ەمەستىگىن قۇقىق قورعاۋشىلاردىڭ ءوز اۋىزدارىنان دا ەستىپ جاتىرمىز.

24 تامىز كۇنى بۇل تۋرالى كازتاگ مىناداي اقپارىن جاريا ەتتى: «زامەستيتەل اكيما ەكيباستۋزا رادي پريۆاتيزاتسي جيليا پروپيسالا ۆ سلۋجەبنوي كۆارتيرە روسسيانينا. «ۆ حودە ۆنەشنەگو اناليزا كوررۋپتسيوننىح ريسكوۆ راسپرەدەلەنيا سلۋجەبنوگو جيليا ۋستانوۆلەنى نارۋشەنيا ۆ ەكيباستۋزە. زامەستيتەل اكيما گورودا ەكيباستۋزا پو سوتسيالنىم ۆوپروسام س تسەليۋ پولۋچەنيا سلۋجەبنوگو جيليا بولشەي پلوششاديۋ ي دالنەيشەي ەە پريۆاتيزاتسي پروپيسالا ۆ نەم سۆوەگو وتتسا – گراجدانينا روسسيسكوي فەدەراتسي. فاكت بىل سوۆەرشەن ۆ ەتوم گودۋ»، - سووبششيل ۆ پونەدەلنيك رۋكوۆوديتەل دەپارتامەنتا اگەنتستۆا پو پروتيۆودەيستۆيۋ كوررۋپتسي پو پاۆلودارسكوي وبلاستي ايدار تاستەميروۆ».

ال ەندى قازاق سايتتارى ءبىر اۋىز سىن جازسا، ەر-توقىمىن باۋىرىنا الىپ تۋلاي كەتەتىن ەكىباستۇز قالاسىنىڭ اكىمدىگى بۇعان نەعىپ ۇندەمەي وتىر ەكەن؟ الدە اكىمنىڭ ءباسپاسوز قىزمەتى قازاقتىلدى پورتالدارعا عانا مىقتى ما؟!

نازار اۋدارساق، ماتىندە «س تسەليۋ دالنەيشەي پريۆاتيزاتسيەي» دەگەن تىركەس بار. ياعني، قۇزىرلى ورگاندار تەرگەۋ كەزىندە نەفەدوۆانىڭ قالاي بولعاندا دا پاتەردى جەكەشەلەندىرمەك بولعانىن انىقتاعان! قازاقستاننىڭ زاڭىن اياقتاستى ەتىپ، رەسەي ازاماتى بولىپ تابىلاتىن اكەسىن تىركەۋگە قويعانى – ءتىپتى جەكە تالقىلايتىن تاقىرىپ!

ال ازىرگە پاتەر ماسەلەسىنە الىپ-قوسارىمىز: OLX حابارلاندىرۋلار سايتىنان نەفەدوۆا حانىمنىڭ ساتۋعا قويعان جيھاز-بۇيىمدارىن كوزىمىز شالعانىن ايتپاي كەتۋگە بولماس. حابارلاندىرۋ سوڭىندا نەفەدوۆا حانىمنىڭ بايلانىس تەلەفونى كورسەتىلگەن. سايتتا جاريا ەتىلگەن سۋرەتتەردەن بايقاعانىمىز، جيھازدىڭ ءبارى ساتىلۋ ۋاقىتىنان التى اي بۇرىن عانا ساتىپ الىنىپتى. سونداي-اق، پاتەردە جۇرگىزىلگەن جوندەۋ جۇمىستارى دا وتە ساپالى. بالكىم، يەسى باسپانانىڭ وزىندە قالاتىنىنا ءبىرجولا سەنىمدى بولىپ، جوندەۋ جۇرگىزگەن بولار؟ ايتپەسە قىزمەتتىك پاتەردىڭ ولايشا ۇلدە مەن بۇلدەگە بولەنىپ تۇرعانىن كىم كورگەن؟ ايتپاقشى، نەفەدوۆانىڭ جيھازىنىڭ ءبىرىن ارزانداتىلعان باعاعا «نۇروتاندىق» قىزمەتكەرلەردىڭ ءبىرى ساتىپ الىپتى دەپ ءجۇر جۇرت. «بۇلىنگەننەن بۇلدىرگى الما» دەگەندى بىلمەيتىن بىرەۋ بولار دەپ توپشىلادىق. ال قالعان جيھازدى ساتۋمەن «ەكس-زاماكىمنىڭ» دەپۋتات قۇربىسى اينالىسىپ كەتىپتى. ءبىر كەزدە دۇرىلدەپ تۇرعان قۇربىسىنىڭ قولداۋىمەن العان ناگرادالارىن اقتايىن دەگەنى بولسا كەرەك.

جارايدى، نەفەدوۆانىڭ بويىن اشكوزدىك بيلەدى دەلىك. ال سوندا وسى پاتەردىڭ يەسى بولىپ تابىلاتىن ەكىباستۇز قالاسى قارجى ءبولىمىنىڭ باسشىسى ءاليا قاجىبەكوۆا قايدا قاراعان؟ ەكى بولمەلى پاتەردى جەكەشەلەندىرۋگە ۇمتىلعان مەمقىزمەتكەردىڭ جەتەگىندە كەتكەنى ونىڭ دا سىبايلاس جەمقورلىققا جول بەرە جازداعانىن بىلدىرەدى ەمەس پە؟ وسىدان سوڭ نەگە ونداي ادامدار تۇتاس ءبىر قالانىڭ قارجى مەكەمەسىن باسقارىپ وتىرا بەرمەك؟!

ەندىگى ايتارىمىز، قازاقستاننىڭ زاڭناماسىن بەلىنەن باسقان نەفەدوۆا حانىم قازىر تۇك بولماعانداي، تىپ-تىنىش وبلىس اكىمدىگىنىڭ ارىز-شاعىمدار ءبولىمىن باسقارىپ وتىر ەكەن. سوندا وبلىس اكىمى ابىلقايىر سقاقوۆ نەفەدوۆانىڭ نە ءبۇلدىرىپ كەلگەنىن بىلمەي مە؟ ماڭايىنداعىلاي ايتپاي ما؟ جەمقورلىق جاساي جازداعان ادامعا بىلدەي ءبىر ءبولىم تىزگىنىن ۇستاتقان ايماق باسشىسىنىڭ نە ويى بار؟ وسىنى بىلگىمىز كەلەدى!

اسۋان تايجان،

پاۆلودار وبلىسى

پىكىرلەر