Elorda - elımızdıŋ bırlıgı, Elbasynyŋ erlıgı

Sonau 1994 jyldyŋ 6 şılde künı Qazaqstan Respublikasynyŋ Prezidentı Nūrsūltan Nazarbaev Joǧarǧy Keŋestıŋ sessiiasynda memleket astanasyn Arqa tösıne, atap aitqanda, Aqmola qalasyna köşıru turaly ūsynysyn ortaǧa sal­­dy. Būl ūsynystyŋ tarihi şeşım bolatynyn däl sol kez­de köpşılık tereŋınen ūǧyna qoi­maǧany sözsız. Degenmen, Elbasynyŋ köregendıgı men tabandylyǧy el müddesımen ündesıp jatqanyn tüisıngender qatary köp keşıkpei köbeie berdı. Söitıp 1997 jyldyŋ 10 jeltoqsany künı aq tüienıŋ qarny jarylǧandai oqiǧaǧa kuä boldyq. Sol kezdegı memleket basşysy Nūrsūltan Nazarbaevtyŋ eldıktıŋ keleşegıne jasaǧan tarihi şeşımı, iaǧni, memlekettıŋ astanasyn köşıru turaly bastamasy däl osy künnen bastap resmi jaǧdaida jüzege asa bastady. Saryarqanyŋ saryşūnaq aiazy buyp tūrǧan sätte Memlekettık tu, Eltaŋba etalondary, Prezident ştandarty jaŋa astanaǧa äkelındı. Nūrsūltan Nazarbaev osy bır tarihi sättıŋ üstınde eljırep, tolqyp söiledı. Osy sätten bas­tap täuelsız Qazaqstannyŋ astanasy resmi türde Aqmola qalasy bolatynyn jariia ettı. Osylaişa qala tūrǧynda­ry üşın ǧana emes, barşa qazaq­stan­dyqtar üşın tarihtyŋ ja­ŋa betı aşyldy. Ūlt ruhyn sıl­­kındırgen ūly köş bastaldy. Taǧy bır aitarymyz, ekı ǧasyrdyŋ toǧysynda oryn alǧan qiyndyqtarǧa qaramastan memlekettıŋ jaŋa astanasyn aiqyndaǧan Qazaqstanǧa sol kezde bükıl älem qauymdastyǧy türlı qözqaraspen qaraǧany da jasyryn emes. Bıraq jas memlekettıŋ kemel keleşegı, ūlttyŋ baiandy bolaşaǧy üşın osyndai qadam jasauǧa bekıngen Nūrsūltan Nazarbaev alǧan baǧytynan ainymady. Täuekelge bel buyp, jaŋa astanany, jas qalany saluǧa kırısıp kettı. Allaǧa şükır, kezınde bıreuge jalǧan bolǧan, bıreuge arman bolǧan Nūr-Sūltan qalasy bügıngı taŋda halyqaralyq qauymdastyq tanyǧan, moiyndaǧan qalaǧa ainaldy. Elbasymyzdyŋ asqaq maqsaty oryndaldy. Astanamyz jyl ötken saiyn säuletı men däuletı örkendep, barşa qazaqstandyqtardyŋ bas ordasyna ainaldy. Osylaişa, Qazaqstannyŋ damuyna serpın bergen jaŋa elordamyzdyŋ avtoryna rizaşylyq sezımmen «Elorda – elımızdıŋ bırlıgı, Elbasynyŋ erlıgı» dep bılemın. Olai bolsa, elımızdıŋ jüregıne ainalǧan elordamyzdyŋ mereiı ärqaşan üstem bola bergei!

Äbılqasym Dosbolov, Şymkent qalasynyŋ qūrmettı azamaty