Künı keşe orys qyzy Qazaqstanda tūratyn öz ūltynyŋ ökılderıne arnap, "Qazaqstan - menıŋ Jerūiyǧym" atty fleşmobty bastaǧan bolatyn. Bügınde jan-jaqtan qoldau tauyp, ūlty orys qazaqstandyqtar paraqşalaryna beineündeulerın jariialap jatyr.
Bügın Jastar assambleiasynyŋ müşesı, «Obereg» ukraindar qoǧamy jastar qanaty töraǧasynyŋ orynbasary Iýliia Lugatkina Facebook paraqşasyna qazaq tılınde beinejazbasyn jariialady.
“Sälemetsızder me?! Menıŋ esımım-Iýliia Lagutkina. Täuelsız Qazaqstannyŋ jas azamatşasymyn. Ūltym orys bolsa da, qazaq tılı, qazaq halqynyŋ salt-dästürlerı, mädenietı jäne tarihy jüregımde erekşe oryn alady. Bız Qazaqstan Respublikasynyŋ bırtūtas halqymyz. Sondyqtan elımızde eşqandai etnosaralyq jäne ūltaralyq alauyzdyqqa jol bermeimız. Bız bırgemız!”, -dedı beinejazbada.
Sondai-aq, jazbasy arqyly köptı süisındırıp, jelı qoldanuşylarynyŋ yqylasyna bölenude.
“Ūlty, dını, dästürı aiyrmaşylyǧyna qaramastan, bärımızdı bır Qazaqstan halqy ekenımız bırıktıredı! Mıne, 30 jyldan berı orystar, qazaqtar, belorustar, ukraindar, nemıster, tatarlar jäne basqa da ūlttar bır şaŋyraq astynda tatu-tättı ömır sürıp jatyrmyz. Barşa qazaqstandyqtardy arandatuşylyqqa män bermeuge şaqyramyn. Bız ūlttyq jäne ūltaralyq alauyzdyqqa jol bermeimız, öitkenı basty bailyǧymyz – bırlık, küşımız – san aluandyq!” ,-dedı Iýliia jazbasynda.
“Adyrna” ūlttyq portaly
