Şymkentte «Shymkent AI Forum – 2026» öŋırlık forumy ötıp jatyr⁣⁣⠀

298
Adyrna.kz Telegram
https://adyrna.kz/storage/uploads/9Wi62Fwma5ubqjjDgsdWVqxCx2v1jDp1hJ8PN9ov.jpg

Sifrlandyru jäne aqparattyq tehnologiialar qyzmetkerlerı künıne orai «Körme» ortalyǧynda «Shymkent AI Forum – 2026» öŋırlık forumy bastaldy.⁣⁣⠀
⁣⁣⠀
Auqymdy jiynnyŋ negızgı maqsaty — öŋırde jasandy intellekt pen sifrlyq tehnologiialardy ılgerıletu, tyŋ jobalardy köpşılıkke tanystyru, IT-kompaniialar men startaptar arasyndaǧy ärıptestıktı arttyru jäne tehnologiialyq käsıpkerlıkke serpın beru.⁣⁣⠀
⁣⁣⠀
Forumǧa memlekettık organdardyŋ ökılderı, IT salasynyŋ mamandary, käsıpkerler, startap ökılderı, sala sarapşylary, joǧary oqu oryndarynyŋ oqytuşylary men studentterı — barlyǧy 500-ge juyq adam jinaldy.⁣⁣⠀
⁣⁣⠀
Baǧdarlama aiasynda sifrlandyru men jasandy intellekttıŋ özektı mäselelerın qamtityn tört paneldık otyrys ötedı. Qatysuşylar «Sifrlyq Şymkent: syn-qaterler jäne aldaǧy mındetter», «AI däuırındegı startaptar», «Why MedTech?» jäne «AI & ML. Erteŋ ne ısteimız?» taqyryptaryn talqylaidy. Talqylaularǧa 14 baiandamaşy men 4 moderator qatysady.⁣⁣⠀

⁣⁣⠀
Körme aimaǧynda tehnologiialyq jobalar keŋınen tanystyryldy. Startup Alley alaŋynda startaptar öz äzırlemelerın ūsynsa, özge kompaniialar tehnologiialyq şeşımderın jeke stendterde körsetıp otyr.⁣⁣⠀
⁣⁣⠀
Sonymen qatar qatysuşylar üşın medisinalyq tehnologiialar salasyndaǧy jaŋaşyl jobalardy ūsynǧan 10 komanda synǧa tüsetın «MedTech Startup Battle» baiqauy ūiymdastyryldy. Baiqaudyŋ jülde qory — 1 million teŋge.⁣⁣⠀
⁣⁣⠀
Forum aiasynda robototehnikaǧa arnalǧan Robo Zone men Game Zone interaktivtı alaŋdary da jūmys ısteidı. Mūnda keluşıler zamanaui tehnologiialarmen jäne jaŋa sifrlyq şeşımdermen täjıribe jüzınde tanysa alady.⁣⁣⠀
⁣⁣⠀
«Shymkent AI Forum – 2026» — memlekettık sektordy, IT-biznestı, joǧary oqu oryndaryn jäne startap-qauymdastyqty toǧystyrǧan maŋyzdy tehnologiialyq alaŋ. Forum qorytyndysy öŋırdıŋ sifrlyq jäne innovasiialyq äleuetın arttyruǧa, tehnologiialyq jobalardy damytuǧa jäne sala ökılderı arasyndaǧy ärıptestıktı keŋeituge jaŋa mümkındıkter aşady dep kütılude.

Pıkırler