Mamandyq taŋdauda jynysqa qatysty şekteu bolmauy kerek.
Osy ūstanymdy därıpteu maqsatynda Şymkent qalasyndaǧy Dostyq üiınde «Mamandyqqa şekteu joq – mümkındık bärıne ortaq» atty körme ūiymdastyryldy. Tūran audany äkımı apparatynyŋ Äleumettık qorǧauǧa qoldau körsetu bölımınıŋ basşysy Talǧat Sälınnıŋ aituynşa, körmenıŋ negızgı maqsaty – genderlık teŋdıktı nasihattau, jastarǧa mamandyq taŋdauda är adamnyŋ qabıletı men qyzyǧuşylyǧy basty orynda ekenın körsetu. Sonymen qatar käsıpkerlık pen zamanaui tehnologiialardy därıpteu, erekşe bılım berudı qajet etetın balalardy qoldau közdelgen.
Tūran audany äkımınıŋ apparatynyŋ bastamasymen ötken körmege audan aumaǧynda ornalasqan tört kolledjdıŋ studentterı qatysyp, käsıbi daǧdylary men şyǧarmaşylyq jūmystaryn köpşılık nazaryna ūsyndy. Atap aitsaq, Ä. Qasteev atyndaǧy öner jäne dizain kolledjınıŋ jastary kartinalar, sändık būiymdar men dekorativtı kompozisiialaryn tanystyrsa, Miras kolledjınıŋ studentterı turizm, sän jäne sūlulyq salalaryndaǧy jūmystaryn körsettı.
Tehnikalyq baǧytta Jol-kölık kolledjınıŋ studentterı maşinist jäne tehnik-elektromehanik mamandyqtaryna qatysty qūral-jabdyqtardy tanystyrdy. Kolledjdıŋ jol qozǧalysyn ūiymdastyru mamandyǧynyŋ ekınşı kurs studentı Dinara Ospan avtomatty bölşektep, qaita jinau arqyly käsıbi şeberlıgın körsettı. Dinara avtomatty közın jūmyp 45 sekundta şaşyp, qaita jinai alady. Al közı aşyq kezde 9 sekundta bölşektep, 20 sekundta qaita qūrastyrady.
– Köpşılık būl mamandyqty er balalarǧa tän dep oilaidy. Men būl pıkırmen kelıspeimın. Qyz balalardyŋ da osy salada jūmys ıstei alatynyn däleldegım keledı. Bolaşaqta joǧary bılım alyp, mamandyǧym boiynşa elıme qyzmet etkım keledı, – deidı Dinara.
İndustrialdy-tehnikalyq kolledjdıŋ studentterı qūraldardy qoldanu täsılderın tüsındırıp, dänekerleu tehnologiiasymen jasalǧan būiymdaryn körsettı. Tokar stanogynda daiyndalǧan jūmystar da körmege qoiyldy.
Qūtqaru jäne qauıpsızdık salalarynyŋ mümkındıkterı de nazardan tys qalmady. Tötenşe jaǧdailar departamentınıŋ ökılderı qūtqaruşylardyŋ arnaiy kiımderı men qūral-jabdyqtaryn tanystyrdy. Qūtqaruşy boludy maqsat etken jastar arnaiy ekipirovkany kiiu tärtıbın körsetıp, tötenşe jaǧdai kezınde halyqqa psihologiialyq jäne emosionaldyq tūrǧyda qoldau körsetudıŋ maŋyzyn tüsındırdı.
Körmede erekşe bılım berudı qajet etetın balalardyŋ şyǧarmaşylyǧyna da oryn berıldı. Qalalyq estu qabıletı būzylǧan balalarǧa arnalǧan №1 arnaiy mektep-internatynyŋ 10-synyp oquşysy Käusar Orynbasar özı jasaǧan qolöner būiymdaryn ūsyndy. Ol jetı jasynan bastap qolönermen ainalysady. Epoksidtı şaiyrdan ūlttyq oiu-örnek pışınındegı tüireuışter jasaityn jas şeber bolaşaqta dizainer boludy armandaidy.
Körme baǧdarlamasy sän körsetılımderımen jalǧasty. Jiyn soŋynda studentter arnaiy alǧys hattarmen marapattaldy. 
