Qazaqstan Qyrǧyzstanda şipajai salyp jatyr. Būl turaly premer-ministr Oljas Bektenov mälımdep, Qyrǧyzstandaǧy qazaqstandyq şipajailardyŋ qūrylys barysymen tanysty, dep hvbarlaidy “Adyrna”.
Şolpan-Ata qalasynda premer-ministr «Qazaqstan» şipajaiynyŋ jaŋa ǧimaratynyŋ qūrylys alaŋynda boldy. Şipajaidyŋ demontajdau jäne qūrylys orynyn daiyndau jūmystary aiaqtalǧan, negızgı korpustardyŋ, kottedjder men şaruaşylyq bloktardyŋ ırgetasy men monolittı qaŋqasyn salu jalǧasyp jatyr.
Sondai-aq 500 oryndyq «Samal» demalys üiıne jaŋǧyrtu jūmystaryn jürgızu josparlanǧan. Qazırdıŋ özınde investor anyqtalyp, investisiialyq kelısımnıŋ jobasy daiyndalyp, jyl boiy jūmys ısteitın 3-4 jūldyzdy zamanaui qonaq üi salu üşın jobalau-smetalyq qūjattama äzırlenıp jatyr.
Bosteri (Ystyqköl oblysy) auylyndaǧy «Universitet» sporttyq-sauyqtyru lagerı boiynşa kurorttyq-rekreasiialyq aimaqty damytu tūjyrymdamasy äzırlenıp, nysandy rekonstruksiialau boiynşa investorlarmen kelıssözder jürgızılıp jatyr. Būl nysan bazasynda qazaqstandyq sportşylardy jattyqtyruǧa arnalǧan sporttyq infraqūrylym – sport zaldary, basseinder jäne taǧy basqa nysandar salynady.
Sondai-aq qazaqstandyq investormen bırlesıp «Olimp» sporttyq-sauyqtyru ortalyǧyn jöndeu, jūmys ıstep tūrǧan nysandardy rekonstruksiialau jäne qosymşa sport ǧimarattaryn salu mäselesı pysyqtalyp jatyr.
