Auezov University-de öŋır ǧylymyn damytuǧa baǧyttalǧan forsait ortalyǧy aşyldy

221
Adyrna.kz Telegram
https://adyrna.kz/storage/uploads/2AbIaOA2LOyVgsrz85c3wSpDjdz0HQnUUWYv8TpT.jpg

Ǧylym men öndırıs arasyndaǧy bailanysty nyǧaityp, aimaqtyŋ ǧylymi äleuetın arttyruǧa baǧyttalǧan maŋyzdy bastama jüzege asty. Auezov University-de Qazaqstan Respublikasy Prezidentınıŋ janyndaǧy Ūlttyq ǧylym akademiiasynyŋ bastamasymen jäne Şymkent qalasy äkımdıgımen bırlesıp qūrylǧan Forsait ortalyǧynyŋ saltanatty aşyluy öttı. Jaŋa qūrylym ǧalymdar men öndırıs ökılderınıŋ özara yntymaqtastyǧyn jolǧa qoiyp, öŋırdıŋ özektı mäselelerıne ǧylymi tūrǧydan şeşım tabuǧa mümkındık beredı.

Ortalyqtyŋ aşyluyna orai aimaq ǧylymynyŋ basym baǧyttaryn aiqyndauǧa arnalǧan forsait sessiiasy ūiymdastyryldy. Basqosuǧa Ūlttyq ǧylym akademiiasynyŋ ökılderı, joǧary oqu oryndarynyŋ basşylary, zertteuşıler men öndırıs salasynyŋ mamandary qatysty.

Sessiia barysynda universitettıŋ Basqarma töraǧasy – rektory Mūhtar Tölegen Memleket basşysynyŋ 28 qazandaǧy Joldauynda belgılengen önerkäsıptı tehnologiialyq jaŋǧyrtu, su resurstaryn tiımdı paidalanu jäne jasandy intellektını engızu mındetterıne toqtaldy.

«Öŋırımızde osy mındetterdı jüzege asyru üşın käsıporyndardyŋ naqty sūranysyn talqylap, ony ǧylymi zertteu taqyrybyna ainaldyru – ortaq mındetımız», - dedı rektor.

Öz kezegınde Ūlttyq ǧylym akademiiasynyŋ vise-prezidentı Elena Şevchenko öŋırdıŋ ǧylymi äleuetın köterumen qatar, otandyq önım öndırısın örkendetuge jäne ǧylymi äzırlemelerdı täjıribege engızuge basymdyq beru qajettıgın atap öttı.

Forsait sessiiasy aiasynda kömırdı tereŋ öŋdeu, öndırıstık qaldyqtardan inelı koks alu, ekologiialyq qauıp-qaterlerdı baǧalau, jürek-qan tamyrlary aurularynyŋ aldyn alu, sondai-aq medisina salasynda jasandy intellektını qoldanu baǧytyndaǧy jobalar tanystyryldy.

Jaŋa ortalyq öŋır käsıporyndarynyŋ ökılderıne, joǧary oqu oryndarynyŋ ǧalymdaryna, medisina qyzmetkerlerı men basqa da zertteuşılerge bırlesıp jūmys ısteuge arnalǧan ortaq alaŋ ūsynady. Mūnda ärtürlı sala mamandary öz ūsynystaryn ortaǧa salyp, özektı mäselelerdı talqylap, bırlesken bastamalar men praktikalyq şeşımder äzırlei alady. Būl ǧylymi ızdenısterdı aimaqtyŋ naqty qajettılıkterımen ūştastyryp, zertteu nätijelerın öndırıske engızuge jol aşady.

Saltanatty räsım aiasynda Mūhtar Äuezov atyndaǧy Oŋtüstık Qazaqstan zertteu universitetı men Ūlttyq ǧylym akademiiasy arasynda yntymaqtastyq turaly memorandumǧa qol qoiyldy. Atalǧan qūjat bırlesken ǧylymi ızdenıster men innovasiialyq jobalardy jüzege asyruǧa negız qalaidy.

Is-şara universitet janynan qūrylǧan AUEZOV AI MEDIA STUDIO interaktivtı bılım beru mediastudiiasynyŋ aşyluymen jalǧasty. Zamanaui tehnologiialarmen jabdyqtalǧan būl keŋıstık oqytuşylar men studentterge jasandy intellekt qūraldarynyŋ kömegımen beinesabaqtar men sifrlyq oqu resurstaryn äzırleuge jaǧdai jasaidy. Bastama bılım beru üderısın jetıldırıp, joǧary oqu ornynyŋ sifrlyq infraqūrylymyn odan ärı damytuǧa baǧyttalǧan.

Pıkırler