Qazaqstandyq Türkiia tülekterınıŋ kezektı kezdesuı osy jyly Almaty qalasynda öttı. Atauly ıs-şaraǧa Türkiianyŋ Qazaqstandaǧy Elşısı Mustafa Kapudju, Türkiianyŋ Almaty qalasyndaǧy Bas konsuly Evren Muderrisoglu, Qazaqstan jäne Türkiianyŋ memlekettık qyzmetkerlerı, käsıpkerler jäne 300-ge juyq Türkiia tülekterı qatysty.
Baǧdarlamada «Türkiia tülekterınıŋ Altyn kıtaby» jobasy aiasynda öz salasynda erekşe jetıstıkke qol jetkızgen tülekterımızdıŋ marapattau räsımı jüzege asty.«Būl bıregei joba qazaqstandyq tülekter arasynda alǧaş ret ūiymdastyrylyp, aldaǧy uaqyttarda jyl saiyn ötkızıletın bolady. Sonymen qatar Turkish Airlines äue kompaniiasynyŋ qoldauymen Türkiiaǧa joldama ūtys oiyny öttı. Osy oraida ıs-şaraǧa qatysqan barşa qonaqtarǧa jäne ıs-şaranyŋ ötuıne arnaiy qoldau bıldırgen YTB basşylyǧyna, «Sine Midas Stroi» kompaniiasynyŋ Basqarma Töraǧasy Ahmet Budan Myrzaǧa, Turkish Airlines äue kompaniiasynyŋ Almaty jäne Türkıstan qalalary bas direktory Ugur Jantimur Myrzaǧa alǧysymyzdy bıldıremız», - dep jetkızedı Türkiia tülekterı assosiasiiasy.
Türkiia tülekterınıŋ altyn kıtaby
Qazaqstandyq Türkiia tülekterı assosiasiiasynyŋ ūiymdastyruymen öz salasynda erekşe jetıstıkke jetken tülekterdı anyqtap, olardy qoǧamǧa tanytu maqsatynda qazaqstandyq «Türkiia tülekterınıŋ Altyn kıtaby» jobasy jüzege asty. Nominasiialar bılım jäne ǧylym, sport, medisina, jurnalistika, memlekettık qyzmet, käsıpkerlık, mädeniet jäne öner, qoǧamdyq jūmystar siiaqty salalar boiynşa belgılendı. Osy oraida Memlekettık qyzmet salasynda jetken jetıstıkterı üşın QR SIM qarasty «Otandastar Qorynyŋ» prezidentı Abzal Saparbekūly, Mädeniet jäne öner salasynda jetken jetıstıkterı üşın Qazaqstan Respublikasy Parlamentı Senatynyŋ deputaty Qydyrälı Darhan Quandyqūly, Bılım jäne ǧylym salasynda jetken jetıstıkterı üşın Qoja Ahmet Iаsaui atyndaǧy Halyqaralyq qazaq-türık universitetınıŋ rektory Temırbekova Janar Amangeldıqyzy, Käsıpkerlık salasynda jetken jetıstıkterı üşın «ADK Index» JŞS Direktory Tūrabaev Quanyş Äueshanūly, Erekşe qoǧamdyq belsendılıgı üşın KAZ Minerals kompaniiasy, Qarjy departamentı qyzmetkerı Şyrynbaev Marat Amangeldıūly, Jurnalistika salasynda jetken jetıstıkterı üşın 31 arnanyŋ Informburo aqparattyq baǧdarlamalar departamentınıŋ direktory Jünısov Erjan Qoşqarälıūly, Densaulyq saqtau salasynda jetken jetıstıkterı üşın Orhun Medical Center Bas därıgerı Syikymbaev Aidos Jeksenbaiūly, Sport salasynda jetken jetıstıkterı üşın “Deştı Qypşaq” dästülı sadaq atu federasiiasynyŋ Vise-Prezidentı Turuspekov Bahtiiar Makfuzovich marapattalyp, Türkiia tülekterınıŋ Altyn kıtabyna endı. Assosiasiia Töraǧasy Asylbek Razakov jäne Assosiasiianyŋ Bas hatşysy İslambek Şapenov atap ötkendei, būl bıregei joba qazaqstandyq tülekter arasynda alǧaş ret ūiymdastyrylyp jyl saiyn ötkızıletın bolady.«Adyrna» ūlttyq portaly
Ūqsas jaŋalyqtar
