Şymkent qalasyndaǧy «Qyzǧaldaq» saraiynda mektep bıtıruşı tülekterge arnalǧan «BILIM. BAǦDAR. BOLAŞAQ» atty aqparattyq-motivasiialyq kezdesu öttı.
Mūhtar Äuezov atyndaǧy Oŋtüstık Qazaqstan zertteu universitetınıŋ ūiymdastyruymen ötken şaraǧa 2 150 oquşy qatysty. Onyŋ 500-ı – «Altyn belgı» iegerı men «Üzdık» attestatqa ümıtker tülekter. Qazaqstan Respublikasy Täuelsızdıgınıŋ 35 jyldyǧyna orai ūiymdastyrylǧan kezdesudıŋ negızgı maqsaty – jas tülekterge mamandyq taŋdauda baǧyt-baǧdar berıp, joǧary bılım alu mümkındıkterın keŋınen tanystyru. Kezdesu aiasynda universitettıŋ türlı bılım beru baǧdarlamalary men mamandyqtary ūsynylǧan körme ūiymdastyrylyp, oquşylar oqu ornynyŋ tynys-tırşılıgımen tanysty.
Odan keiın kezdesudıŋ resmi bölımıne kezek berıldı. Saltanatty jiyndy Şymkent qalasy äkımınıŋ orynbasary Särsen Qūranbek aşyp, bıtıruşı synyp oquşylaryna aldaǧy synaqtarda sättılık tılep, bolaşaqtaryna senım bıldırdı.
– Mamandyq taŋdauda qatelespeu kerek. Kez kelgen mamandyqty taŋdai salmai, adamnyŋ öz qyzyǧuşylyǧy men qabıletıne qarai şeşım qabyldaǧany dūrys. Öitkenı eŋ bastysy – grantqa tüsu emes, taŋdaǧan mamandyǧy boiynşa sapaly bılım alyp, erteŋ bılıktı maman retınde elge qyzmet etu, qoǧamnyŋ damuyna öz ülesın qosu, – dedı ol.
Kezdesu barysynda «Auezov Quiz» ziiatkerlık saiysynyŋ qorytyndysy jariialanyp, üzdık komandalarǧa aqşalai sertifikattar tabystaldy. Bırınşı oryndy ielengen T. Täjıbaev atyndaǧy №47 mektep-gimnaziiasynyŋ «Farabi» komandasy 500 myŋ teŋgenıŋ sertifikatymen marapattaldy. Ekınşı orynǧa jaiǧasqan N. Oŋdasynov atyndaǧy №38 mektep-gimnaziiasynyŋ «Sana» komandasyna 300 myŋ teŋge, al üşınşı oryn alǧan Q. Sypataev atyndaǧy №7 IT mektep-liseiınıŋ «Alau» jäne A.S. Puşkin atyndaǧy №1 mektep-gimnaziiasynyŋ «Oxygen» komandalaryna 100 myŋ teŋgeden sertifikat berıldı.

Jiynda tülekterdı tolǧandyrǧan negızgı mäselelerdıŋ bırı – memlekettık bılım granttaryn ielenu jäne sūranysqa ie mamandyqtardy dūrys taŋdau boldy. Osy baǧytta QR Ǧylym jäne joǧary bılım ministrınıŋ keŋesşısı Ruslan Emelbaev joǧary bılım beru jüiesındegı jaŋalyqtar men Ūlttyq bıryŋǧai testıleudıŋ aldaǧy özgerısterı turaly baiandady. Onyŋ aituynşa, elımızde jyl saiyn bakalavriat baǧyty boiynşa 70 myŋnan astam memlekettık bılım granty bölınedı. Onyŋ 60 paiyzynan astamy injenerlık-tehnikalyq baǧyttarǧa tiesılı. Byltyr pedagogikalyq mamandyqtarǧa şamamen 15 myŋ, al aqparattyq tehnologiialar salasyna 11 myŋǧa juyq grant bölıngen.
Spiker talapkerler arasynda halyqaralyq qatynastar, qūqyq, medisina jäne pedagogika baǧyttaryna sūranystyŋ joǧary ekenın atap öttı. Sonymen qatar mamandyqty tek grantqa tüsu mümkındıgıne qarap taŋdaudyŋ dūrys emestıgın jetkızdı.
– Köp jaǧdaida oquşylar grantty ǧana oilaidy. Bastysy – grantqa tüssem deidı. Al keiın sol mamandyqty oqi ala ma, joq pa degen mäsele ekınşı orynǧa qalyp jatady. Sondyqtan talapkerler eŋ aldymen öz qyzyǧuşylyǧy men qabıletıne sai mamandyq taŋdauy kerek. Taǧy bır aita ketetın jaŋalyq 2027 jyly testıleudıŋ qazırgı formaty özgerıssız qalady. Al jaŋa format 2027 jyly pilottyq joba retınde engızılıp, jospar boiynşa 2029 jyly jalpyūlttyq deŋgeide qoldanysqa engızıluı mümkın, –dedı R.Emelbaev.

Al Mūhtar Äuezov atyndaǧy Oŋtüstık Qazaqstan zertteu universitetınıŋ rektory Mūhtar Tölegen jiynnyŋ tülekter üşın maŋyzdylyǧyna toqtalyp, oqu ornynyŋ mümkındıkterı men jaŋalyqtaryn tanystyrdy. Onyŋ sözınşe, biyl Şymkent qalasynda 17 645 oquşy mektep bıtıredı. Universitet talapkerlerge jan-jaqty qoldau körsetıp, bılımdı jastardy yntalandyrudy közdeidı.
– Bızdıŋ universitette bılım beru baǧyttary öte keŋ. Mūnda gumanitarlyq ǧylymdardan bastap, ädebiet pen mädeniet, himiia, tehnologiia, qūqyq, injeneriia jäne basqa da köptegen sala boiynşa bılım aluǧa mümkındık bar. Iаǧni, talapkerler öz qyzyǧuşylyǧy men taŋdaǧan baǧytyna säikes mamandyq taba alady. Sonymen qatar biylǧy jyldyŋ basty jaŋalyqtarynyŋ bırı – universitet tarapynan talapkerlerge arnap 300 bılım grantyn bölu josparlanyp otyr. Būl – joǧary bılım aluǧa ūmtylǧan jastarǧa jasalyp otyrǧan ülken mümkındık. Bızdıŋ maqsatymyz – bılımdı, ızdenımpaz jastardy qoldap, olardyŋ sapaly bılım alyp, bolaşaqta bılıktı maman bolyp qalyptasuyna jaǧdai jasau, – dedı universitet rektory Mūhtar Tölegen.
Kezdesu odan ärı universitettıŋ şyǧarmaşylyq ūjymdarynyŋ önerımen jalǧasty. «Qaragöz» bi ansamblı äsem biımen körermenderge erekşe äser syilasa, «Madmuazel» jaidarman komandasy äzılge toly qoiylymymen köpşılıktıŋ köŋılın köterdı.

