QR Bilim jáne ǵylym mınıstri Ashat Aımaǵambetovtiń
jáne
Sybaılas jemqorlyqqa qarsy is-qımyl agenttiginiń nazaryna!
Abaı Qunanbaevtyń týǵanyna 175 jyl tolý mereıtoıy, ókinishke qaraı, elimizdi jaılaǵan indettiń tasasynda qalyńqyrap tur. Biraq álemdi jaılaǵan COVID – 19 indetinen góri Abaıdyń atyn paıdalanyp kózi ashyq, kókiregi oıaý sanalatyn, qolynda bıligi bar «zııalylardyń» qolymen jasalǵan «indet» janǵa batady. Taqyrypqa kósheıik...
2019 jyly Ekibastuz qalasyna qarasty Solnechnyı kentinde jańa mektep ashyldy. Ile, sol jyldyń qazan aıynda, Abaı esimine ıe bolǵan osynaý mektepte uly aqynnyń (2020 jyly atalyp ótýge tıis) mereıtoıyna arnalǵan halyqaralyq konferenııa ótti. Bul ózi aty «halyqaralyq» bolǵanymen, zaty beımálim shara boldy. Beımálim deıtinimiz, Ekibastuz qalalyq bilim bóliminiń resmı paraqshalarynda bul shara birese «festıval», birese «halyqaralyq konferenııa» bolyp jazyldy. Festıval men konferenııa ekeýi eki túrli nárse. Konferenııanyń uıymdastyrýshylary: Ekibastuz qalalyq bilim bólimi, Innovaııalyq Eýrazııa ýnıversıtetiniń pedagog kadrlar bilimin jetildirý ınstıtýty (Hovda memlekettik ýnıversıtetimen birlesip), QR Kishi ǵylym akademııasy.
Biz eki-úsh kúnge sozylǵan aýqymdy sharanyń mazmuny týraly pálen deı almaımyz. Birqatar salmaqty tulǵa qatysty, ustazdar oı bólisti, shákirtter júlde aldy... Qysqasy, meıli festıval bolsyn, meıli konferenııa bolsyn, áıteýir paıdasyz bolmaǵany anyq. Bizdiń aıtpaǵymyz basqa nárse.
Osy sharaǵa qatysý úshin muǵalimder qaýymynan, anyqtasaq, muǵalim basynan 15 myń teńgeden jarna jınaldy. Jáne bilgenimiz, Ekibastuz óńirinen (basqa aımaqtan kelgenderdi aıtpaǵanda) konferenııaǵa qatyspaı, jarna tólemeı qalǵan muǵalim kemde-kem. Qatysý jarnasy nege osynshama kóp, ondaı aqyny kim belgiledi – álde Bilim jáne ǵylym mınıstrligi me eken? Biz osyny bilgimiz keledi.
Jergilikti muǵalimderdiń aıtýynsha, ár qatysýshyǵa (on bes myńdy tóleýshige) bes túrli sertıfıkat beriledi dep ýáde etilipti. Biraq beseý turmaq bireýine de qoly jetpeı, aqshasy dalaǵa ketkender kóp. Olar konferenııaǵa qatysqan-qatyspaǵanyn nemen dáleldeıtinin bilmeı dal.
Jalpy, kez kelgen esi durys konferenııa óter aldynda aqparattyq hat taratylady. Onda jarnanyń somasy kórsetilip, tóleıtin rekvızıtteri jazylady. Sodan soń qatysýshynyń qolyna ne beriletini jazylady. Ádette múıizi qaraǵaıdaı ýnıversıtetter uıymdastyratyn halyqaralyq konferenııaǵa qatysý jarnasy 5 myń teńgeden aspaıdy. Óıtkeni muǵalimderdiń mıllıoner emes ekeni jalpaq jurtqa beseneden belgili. Jarna qatań túrde bank arqyly qabyldanyp, sońynan qatysýshyǵa mindetti túrde Alǵys hat (nemese sertıfıkat) beriledi. Sonymen qatar, qaǵaz nemese elektrondy túrde jınaq shyǵýy kerek. Halyqaralyq dep «en» taǵylǵan konferenııada ondaı jınaq mindetti túrde bolýy kerek.
Barlyq oqý oryndary 5 myń teńgeden asyrmaıtyn konferenııa jarnasyna 15 myń teńge degen baǵany ekibastuzdyq pysyqaılar qaıdan aldy? Bizdi sol qyzyqtyrady. Bilgenimiz, jarna aqshasy qoldan-qolǵa qabyldanǵan. Iaǵnı, qatysýshylar ony bank arqyly aýdarmaǵan, Solnechnyı mektebiniń aldynda (ishinde) ornalasqan ústelde otyrǵan tirkeýshilerge bere salǵan. Qabyldaýshylar olardy dápterge tirkegen. Álbette, túbirtek degen atymen bolmaǵan. Kóp adam artynan sertıfıkattaryn ala almaǵan. Qyryq syltaý aıtylǵan, uıymdastyrýshylar bir-birine siltegen. Kitap túrindegi jınaq turmaq, konferenııanyń elektrondyq jınaǵyn da kórgen adam joq.
Qatysqandardyń aıtýynsha, konferenııaǵa qatysqan, aqsha tólegen adam sany 300-den aspasa, kem emes. Tipti odan da kóp bolypty. Olaı bolsa, olardan túsken aqshany sharanyń basy-qasynda júrgen bilim bólimi basshysynyń «bas aqylshysy» Natalıa Nefedova (Ekibastuz qalasy ákiminiń orynbasary), Ekibastuz qalalyq bilim bóliminiń basshysy Jazıra Hamzabaeva jáne Innovaııalyq Eýrazııa ýnıversıtetine qarasty pedagog mamandar biliktiligin arttyrý ortalyǵynyń dırektory Maıjan Shakarmanova qaıda jiberdi eken? Uıymdastyrýshylar tiziminde turǵan QR Kishi ǵylym akademııasynyń enshisine neshe teńge jumsaldy? Qatysýshylarynyń basym kópshiligin ekibastuzdyq ustazdar quraǵan bul sharaǵa «halyqaralyq» dep aıdar taǵýdyń ne qajeti bar edi?!
Jaraıdy, qonaqtardy kútýge jumsaǵan shyǵar, olardyń jolaqylaryn tólegen shyǵar. Gonorar bergen bolar. Biraq ne istese de esebi bolýy kerek qoı? Sol esep qaıda? Kórgimiz, tanysqymyz keledi.
Uıymdastyrýshylardyń biri retinde atalǵan Innovaııalyq Eýrazııa ýnıversıtetiniń resmı saıtynan osy konferenııa týraly tolyqqandy aqparat nazarymyzǵa ilikpedi. Qaıta uıymdastyrýshy tarap ony el nazaryna túsirmeýge, jyldam umyttyryp jiberýge tyrysqandaı kórindi...
Taǵy bir baıqap qalǵanymyz, osy ýnıversıtetke qarasty pedagog mamandar biliktiligin arttyrý ortalyǵynyń dırektory Maıjan Shakarmanova anda-mynda jyltyńdap aqyly semınar ótkizýge daǵdylanǵan eken... Biraq bir konferenııa úshin bir muǵalimnen on bes myń teńge alyp «qanap» ne kórindi?!
Jaraıdy, ózge uıymdastyrýshylar jarnanyń 15 myń teńge bolýyn talap etken shyǵar, dese de ekibastuzdyq basshylardyń: «Joq, negizgi qatysýshylar – bizdiń qarapaıym muǵalimder. Olarǵa salmaq sala almaımyz», - deýine bireý tyıym saldy ma? Ánsheıinde bilgish Nefedova tólemderdiń bank arqyly júrgizilýin qadaǵalasa qaıda qaldy?!
Muǵalimderdiń mańdaı terimen tapqan aqysyn «sypyryp alyp», onysynyń óteýin durys bere almaǵan osy sharadan sybaılas jemqorlyqtyń ısi murnymyzǵa keledi. Sol ıis-qońys joıylýy úshin resmı tulǵalardan anyqtama suraımyz!
Tek bizge budan burynǵydaı «óıtti-búıtti» degen syldyr sózben jazylǵan jaýap emes, bank anyqtamalary, túbirtekter, tirkeý jýrnaly, shyqqan jınaqtyń fotosy, uıymdastyrýshy taraptyń jarnany 15 myń teńge etip belgileý sebebin aıǵaqtaıtyn hattama, kelgen-ketken qonaqtardyń bıletteri, as-sýynyń shyǵynyna jumsalǵan qarajat anyqtamalary sııaqty nyq qujattardyń kóshirmeleri kerek!
Asýan Taıjan,
Pavlodar oblysy
