"Alaş qairatkerlerı jäne aşarşylyq" onlain konferensiiasy öttı

31 mamyr künı Almaty qalasy Qoǧamdyq Damu basqarmasynyŋ qoldauymen "Adyrna" ūlttyq-etnografiialyq bırlestıgı "Tarihtan taǧylym" jobasy boiynşa Saiasi quǧyn-sürgın qūrbandaryn eske alu künıne orai "Alaş qairatkerlerı jäne aşarşylyq" atty respublikalyq ǧylymi-täjıribelık konferensiia ötkızdı. Tarihi dataǧa bailanysty özektı mäseleler aitylǧan konferensiiaǧa belgılı tarihşy, ädebietşı ǧalymdar qatysyp, oi bölıstı. Tarih ǧylymdarynyŋ doktory, professor Hangeldı Äbjanov ǧylymnyŋ ūzaq jyldar boiy tabandy eŋbek etudı qajet etetındıgın aitty. Sonymen qatar Prezident Qasym-Jomart Toqaevtyŋ jasaǧan ündeuıne bailanysty ǧylymi ortalyq qūru qajettıgın de naqtylap öttı.                                                                             «Arys» qorynyŋ prezidentı, filologiia ǧylymdarynyŋ doktory Ǧarifolla Änes «Ündeuge ün qosaiyn» degen ataumen öz ūsynystaryn bıldırdı. Tarih ǧylymdarynyŋ doktory, professor Svetlana Smaǧūlova «Aştyq pen quǧyn-sürgındı zertteu mäselelerı» taqyryby boiynşa söz qozǧady. Ahmet Baitūrsynūly mūrajai-üiınıŋ ǧylymi jetekşısı, Äl-Farabi atyndaǧy QazŪU dosentı, ahmettanuşy Raihan İmahanbet «Alaştyŋ Ahaŋy: derek pen däiek» atauymen negızgı ūsynystaryn bıldırıp, ǧylymǧa bet būryp jatqan qazaq jastarynyŋ arhivtık derektı däiekke ainaldyrǧanda saq boluyn atap öttı. Ädebiet jäne Öner institutynyŋ bas ǧylymi qyzmetkerı, filologiia ǧylymdarynyŋ doktory Güljahan Orda «Quǧyn –sürgın qūrbandary men aşarşylyqtyŋ qazaq ädebietınde beinelenuıne» köptegen mysaldar keltırıp, qazaq ädebietındegı orynynyŋ maŋyzdy ekendıgın bıldırdı. Alaş arysy Qoşke Kemeŋgerdıŋ ūrpaǧy, alaştanuşy, filologiia ǧylymdarynyŋ kandidaty Qaiyrbek Kemeŋger «Alaştanu: perzenttık paryzdan – ömırlık mūratqa» taqyrybynda baiandama jasap, Alaşqa qatysty tūlǧalar esımı älı de tolyq ūlyqtalmai jatqanyna bırneşe mysal keltırıp öttı. Keŋestık türmenıŋ aşy dämın tatqan, ESEP partiiasyn damytqan, "Jas qazaq" ūiymyn qūrǧan, jazuşy, ölketanuşy Kämel Jünıstegı «Jas qazaq» ūiymy taqyryby töŋıregınde taǧylymdy oi örbıttı.                                                                             M.Ötemısov atyndaǧy Batys Qazaqstan memlekettık universitetınıŋ dosentı, t.ǧ.k. Baqtyly Sansyzbaiqyzy Boranbaeva «Batys Qazaqstan oblystyq arhiv qoryndaǧy quǧyn-sürgın jəne aşarşylyq turaly derekter», M.Ötemısov atyndaǧy Batys qazaqstan memlekettık universitetınıŋ dosentı, tarih ǧylymdarynyŋ kandidaty, Qazaqstan respublikasy tarihy kafedrasynyŋ meŋgeruşısı Baibulsinova Alfiia Sabyrǧaliqyzy «Alaş qairatkerı, därıger Däuletşah Kusepqaliev» taqyrybynda arhivtık qūjattardy körsete otyryp, öz ūsynystaryn da bıldırdı. Tarihşy, zertteuşı Ädılet Jaǧypar «Otandyq tarihta jastardyŋ astyrtyn saiasi ūiymy ESEP (Elın süigen erler partiiasy) mänı men maŋyzy» taqyrybynda baiandama jasap, öz ūsynysyn atap körsettı. Respublikalyq onlain konferensiiaǧa Aqtau qalasynan Janat Nūrmahanova, Nūr-Sūltan qalasy, KAZGIýU Universitetınen Medeşeva İzat Belǧojaqyzy, T.Jürgenov atyndaǧy Qazaq ūlttyq öner akademiiasynyŋ magistranty Bekaidarova Monşaq, Qazaq Ūlttyq agrarlyq universitetındegı aǧa oqytuşy Akimjan Nazym Altynbekqyzy, Alpamys Äbu, Meiırbol Mutaliev syndy körermender jan-jaqtan qatysyp, taqyryp töŋıregınde ūsynys aityp, konferensiiaǧa bailanysty  alǧysyn bıldırdı. Konferensiia soŋynda "Adyrna" ūlttyq-etnografiialyq bırlestıgınıŋ prezidentı Arman Äubäkır qatysqan barşa adamdarǧa alǧys aitty. 2 saǧattan astam uaqytqa sozylǧan konferensiianyŋ materialdary, qysqartylǧan nūsqalary Adyrna ūlttyq portalynyŋ You Tube kanalynda, Feisbuk, İnstagram paraqşasynda jariialanatyn bolady.

Jansaia Sman,

"Adyrna" ūlttyq portaly