31 mamyr kúni Almaty qalasy Qoǵamdyq Damý basqarmasynyń qoldaýymen "Adyrna" ulttyq-etnografııalyq birlestigi "Tarıhtan taǵylym" jobasy boıynsha Saıası qýǵyn-súrgin qurbandaryn eske alý kúnine oraı "Alash qaıratkerleri jáne asharshylyq" atty respýblıkalyq ǵylymı-tájirıbelik konferenııa ótkizdi. Tarıhı dataǵa baılanysty ózekti máseleler aıtylǵan konferenııaǵa belgili tarıhshy, ádebıetshi ǵalymdar qatysyp, oı bólisti.
Tarıh ǵylymdarynyń doktory, professor Hangeldi Ábjanov ǵylymnyń uzaq jyldar boıy tabandy eńbek etýdi qajet etetindigin aıtty. Sonymen qatar Prezıdent Qasym-Jomart Toqaevtyń jasaǵan úndeýine baılanysty ǵylymı ortalyq qurý qajettigin de naqtylap ótti.
«Arys» qorynyń prezıdenti, fılologııa ǵylymdarynyń doktory Ǵarıfolla Ánes «Úndeýge ún qosaıyn» degen ataýmen óz usynystaryn bildirdi.
Tarıh ǵylymdarynyń doktory, professor Svetlana Smaǵulova «Ashtyq pen qýǵyn-súrgindi zertteý máseleleri» taqyryby boıynsha sóz qozǵady.
Ahmet Baıtursynuly murajaı-úıiniń ǵylymı jetekshisi, Ál-Farabı atyndaǵy QazUÝ doenti, ahmettanýshy Raıhan Imahanbet «Alashtyń Ahańy: derek pen dáıek» ataýymen negizgi usynystaryn bildirip, ǵylymǵa bet buryp jatqan qazaq jastarynyń arhıvtik derekti dáıekke aınaldyrǵanda saq bolýyn atap ótti. Ádebıet jáne Óner ınstıtýtynyń bas ǵylymı qyzmetkeri, fılologııa ǵylymdarynyń doktory Gúljahan Orda «Qýǵyn –súrgin qurbandary men asharshylyqtyń qazaq ádebıetinde beınelenýine» kóptegen mysaldar keltirip, qazaq ádebıetindegi orynynyń mańyzdy ekendigin bildirdi.
Alash arysy Qoshke Kemeńgerdiń urpaǵy, alashtanýshy, fılologııa ǵylymdarynyń kandıdaty Qaıyrbek Kemeńger «Alashtaný: perzenttik paryzdan – ómirlik muratqa» taqyrybynda baıandama jasap, Alashqa qatysty tulǵalar esimi áli de tolyq ulyqtalmaı jatqanyna birneshe mysal keltirip ótti.
Keńestik túrmeniń ay dámin tatqan, ESEP partııasyn damytqan, "Jas qazaq" uıymyn qurǵan, jazýshy, ólketanýshy Kámel
Júnistegi «Jas qazaq» uıymy taqyryby tóńireginde taǵylymdy oı órbitti.
M.Ótemisov atyndaǵy Batys Qazaqstan memlekettik ýnıversıtetiniń doenti, t.ǵ.k. Baqtyly Sansyzbaıqyzy Boranbaeva «Batys Qazaqstan oblystyq arhıv qoryndaǵy qýǵyn-súrgin jəne asharshylyq týraly derekter»,
M.Ótemisov atyndaǵy Batys qazaqstan memlekettik ýnıversıtetiniń doenti, tarıh ǵylymdarynyń kandıdaty, Qazaqstan respýblıkasy tarıhy kafedrasynyń meńgerýshisi Baıbýlsınova Alfııa Sabyrǵalıqyzy «Alash qaıratkeri, dáriger Dáýletshah Kýsepqalıev» taqyrybynda arhıvtik qujattardy kórsete otyryp, óz usynystaryn da bildirdi. Tarıhshy, zertteýshi Ádilet Jaǵypar «Otandyq tarıhta jastardyń astyrtyn saıası uıymy ESEP (Elin súıgen erler partııasy) máni men mańyzy» taqyrybynda baıandama jasap, óz usynysyn atap kórsetti.
Respýblıkalyq onlaın konferenııaǵa Aqtaý qalasynan Janat Nurmahanova, Nur-Sultan qalasy, KAZGIýÝ Ýnıversıtetinen Medesheva Izat Belǵojaqyzy, T.Júrgenov atyndaǵy Qazaq ulttyq óner akademııasynyń magıstranty Bekaıdarova Monshaq, Qazaq Ulttyq agrarlyq ýnıversıtetindegi aǵa oqytýshy Akımjan Nazym Altynbekqyzy, Alpamys Ábý, Meıirbol Mýtalıev syndy kórermender jan-jaqtan qatysyp, taqyryp tóńireginde usynys aıtyp, konferenııaǵa baılanysty alǵysyn bildirdi.
Konferenııa sońynda "Adyrna" ulttyq-etnografııalyq birlestiginiń prezıdenti Arman Áýbákir qatysqan barsha adamdarǵa alǵys aıtty.
2 saǵattan astam ýaqytqa sozylǵan konferenııanyń materıaldary, qysqartylǵan nusqalary Adyrna ulttyq portalynyń You Tube kanalynda, Feısbýk, Instagram paraqshasynda jarııalanatyn bolady.
Jansaıa Sman,
"Adyrna" ulttyq portaly
