Memleket basşysy Qasym-Jomart Toqaev «Bılım beru jüiesındegı ötkır problemanyŋ bırı- mektepterdegı oryn tapşylyǧy», degen edı. Prezident atalǧan mäselenı şeşuge şūǧyl şara qabyldamasaq, 2025 jylǧa qarai oryn tapşylyǧy 1 millionǧa jetetındıgın aitqan bolatyn, dep jazdy « Adyrna» tılşısı.
«Men 2025 jylǧa deiın kemınde 800 mektep salu turaly tapsyrma bergen bolatynmyn. Bügın onyŋ sanyn bır myŋǧa jetkızudı mındetteimın», - dedı Prezident Qasym-Jomart Kemelūly.
Bügıngı künı Memleket basşysynyŋ mektepterdegı oryn sanynnyŋ azdyǧyn azaitu turaly tapsyrmasyn oryndau ısı Almaty qalasynda qarqyn alǧan. Būl turaly şahar äkımı Erbolat Dosaev Nauryzbai audany halqymen kezdesuı barysynda aitty.
Almaty qalasyna qaratsy audanda oquşy oryndarynyŋ tapşylyǧyn azaitu maqsatynda bırqatar jūmystar atqaryluda.
Mäselen, jaŋa oqu jylyna 2 mektep, onyŋ ışınde: Qalqaman şaǧynaudanynda 1 800 oryndyq jäne Qarǧaly şaǧynaudanynda 600 oryndyq jeke menşık mektep aşyldy.
"Jyl soŋyna deiın taǧy 2 mektep aşylady. Atap aitqanda, qaraşa aiynda Qalqaman şaǧynaudanynda 1 500 oryndyq jäne jeltoqsanda «Alma Siti – 5» aumaǧynda 1 200 oryndyq mektep aşylady", - dep mälımdedı äkım.Sonymen qatar Şūǧyla şaǧynaudanynda Qazaq Stroy kompaniiasy «Älem Siti» (daiyndyǧy - 60%) jäne «Alma Siti – 4» (10%) aumaǧynda 2 400 oryndyq 2 mektep salyp jatyr. Qūrylys 2023 jyldyŋ III-toqsanynda aiaqtalady.
"Jyl soŋyna deiın Şūǧyla şaǧynaudanynda № 174 mektepke 375 oryndyq qosymşa qūrylystyŋ jobalau-smetalyq qūjattamasy aiaqtalyp, memlekettık saraptamaǧa jıberıletın bolady. Saraptama qorytyndysy şyǧyp, konkurstyq proseduralar aiaqtalǧannan keiın 2023 jyldyŋ II-toqsanynda qūrylysyn bastau josparlanǧan", - dedı megapolis basşysy.Qūramys şaǧynaudanyndaǧy 1 500 oryndyq jäne Şūǧyla şaǧynaudanyndaǧy 2 000 oryndyq 2 mekteptıŋ jobalau-smetalyq qūjattamasy äzırlenıp, 2023 jyldyŋ I-toqsanynda memlekettık saraptamaǧa jıberıledı. Qūrylysy 2023 jyldyŋ III-toqsanynda bastalady. Sondai-aq Şūǧyla şaǧynaudanyndaǧy eskı №15 mektep-internat jäne «Nūrly dala» tūrǧyn üi keşenınıŋ aumaǧyndaǧy 2 mekteptıŋ jobalau-smetalyq qūjattamasyn äzırleuge konkurs jariialau üşın qūjattama daiyndalyp jatyr.
Ūqsas jaŋalyqtar
