Májilis depýtaty Aıdos Sarym Qazaqstandaǵy eń úzdik ákimderdi atady, dep habarlaıdy “Adyrna” ulttyq portaly Ulysmedia-ǵa siltep.
Ulysmedıa málimetinshe, depýtat:
«Meniń oıymsha, eń úzdik ákim – Almaty qalasynyń ákimi. Sebebi sońǵy bes jylda qalanyń bıýdjeti eki ese artty. Bul – kásipkerler sany kóbeıgeniniń belgisi. Bilgenimshe, Qyzylorda oblysynda da jaqsy kórsetkishter bar. Jalpy, Ońtústik Qazaqstanda damý qarqyny jaman emes, biraq energetıkalyq qýat jetispeıdi. Sol sebepti qazir keıbir kásipkerler basqa jaqqa ketip jatyr. Al Astana boıynsha kórsetkishter jaman emes», – deıdi Sarym.
Al keıinnen BAQ-ta jarııalanǵan málimette bul pikir Almaty qalasyndaǵy qurylys qarqyny men qalanyń kelbetiniń ózgerýine baılanysty turǵyndardyń syn-pikirleri kóbeıgen tusta aıtyldy.
Ulysmedıa analıtık Rasýl Rysmambetovtyń da sózin jarııalaǵan. Ol Almatyny Aýǵanstan astanasy Kabýlmen salystyryp kórsetken. Analıtık sózinshe, Aýǵanstanǵa alpaýyt elder shabýyl jasasa, ońtústik astanaǵa qoldan shabýyldar jasalýda.
“Al Almatyǵa – ákimder men jemqor aǵalar ǵana shabýyldaıdy. Olar Ál-Farabı dańǵylynyń joǵary jaǵynda qurylys salǵysy keledi”, – dep jazdy ol.
