Almaty qalasyndaǧy etnomädeni bırlestıkterdıŋ ökılderı megapolis tūrǧyndaryna ündeu jasap, maŋyzdy qoǧamdyq-saiasi nauqannan şet qalmauǧa şaqyrdy. Olar belsendı azamattyq ūstanym, sanaly taŋdau jäne ärbır adamnyŋ qatysuy myqty, tūraqty ärı bırtūtas memlekettıŋ negızın qalaitynyn atap öttı.
Bırlestık ökılderınıŋ aituynşa, Qazaqstan ärdaiym etnosaralyq kelısım men özara qūrmettıŋ ülgısı bolyp keledı. Elımızde türlı ūlt ökılderı beibıt ömır sürıp, öz dästürlerın saqtai otyryp, ortaq bolaşaqty bırge qalyptastyruda. Olardyŋ pıkırınşe, aldaǧy sailau qoǧamnyŋ bırlıgı men azamattardyŋ el damuyna belsendı atsalysuǧa daiyn ekendıgınıŋ taǧy bır dälelı bolmaq.
Almaty qalalyq Orys mädeni ortalyǧynyŋ töraǧasy Vsevolod Lukaşev sailaudyŋ memleket üşın de, ärbır azamat üşın de maŋyzdy kezeŋ ekenın atap öttı.
«Barşamyzdy sailau kütıp tūr. 23 tamyz künı bärımız bırge sailauǧa baramyz. Öitkenı bız Jaŋa Qazaqstan üşın taŋdau jasaimyz», – dedı Vsevolod Lukaşev.
Ündeuge qatysuşylar Qazaqstannyŋ basty küşı halyqtyŋ bırlıgınde ekenıne senımdı. Ūltyna, jasyna, mamandyǧyna nemese dıni senımıne qaramastan, el tūrǧyndarynyŋ barlyǧyn memleketımızdıŋ odan ärı damuyna degen ortaq jauapkerşılık bırıktıredı. Olardyŋ aituynşa, ärbır dauys maŋyzdy, al sailauǧa qatysu – öz elıne, onyŋ tarihyna jäne keler ūrpaqqa degen qūrmettıŋ körınısı.
Etnomädeni bırlestıkterdıŋ ökılderı bügınde qoǧamdyq kelısım, senım jäne özara qoldau ahualyn saqtau asa maŋyzdy ekenın aitty. Olar joǧary azamattyq belsendılık qazaqstandyq qoǧamnyŋ kemeldıgın, demokratiialyq qūndylyqtarǧa adaldyǧyn jäne tūraqtylyqty, beibıtşılıktı ärı jasampaz damudy nyǧaituǧa degen ūmtylysyn körsetetınıne senım bıldırdı.
Ündeu soŋynda olar Almaty tūrǧyndaryn 23 tamyz künı sailau uchaskelerıne kelıp, sanaly taŋdau jasap, el bolaşaǧyna öz ülesın qosuǧa şaqyrdy. Olardyŋ pıkırınşe, ärbır azamattyŋ qatysuy äl-auqat, bırlık jäne jauapkerşılık basty qūndylyqtar sanalatyn quatty memlekettıŋ negızın qalaidy.
