Osydan 95 jyl buryn, 1930 jyldyń 27 naýryzynda Jetisýdyń Aqsý aımaǵynda qazaqtar Keńes ókimetiniń ujymdastyrý saıasatyna qarsy kóteriliske shyqty, dep habarlaıdy "Adyrna" ulttyq portaly.
Resmı derekterge súıensek, kóteriliske qatysýshylar sany 1000 adamǵa deıin jetken. Olar Egeýbek Janbaıuly, Qaldybaı Qylıuly jáne Ǵalı Satyrbaıulynyń basshylyǵymen áreket etti.
1930 jyly 27 naýryz kúni kóterilisshiler Aqsý eldi mekenin basyp aldy. Alaıda qarý-jaraqtyń jetkiliksizdigi saldarynan ókimet áskerine tótep bere almady. Jeńiliske ushyraǵan kóterilisshiler Balqash mańyndaǵy Jaman Jamal, Kúshikjan syndy qumdy aımaqtardy panalady. Alaıda olardyń izderine túsken atty ásker kóterilisshilerdi qum ishinde qyrǵynǵa ushyratty.
Bul kóterilis Keńes ókimetiniń kúshtep ujymdastyrý saıasatyna qarsy qazaq halqynyń ashý-yzasyn bildirgen tarıhı oqıǵalardyń biri boldy.
