Foto: Reuters
Resei Ukrainadaǧy soǧysty toqtatu jönındegı kelıssözderde Batys elderınen NATO elderınıŋ Ortalyq Aziiadaǧy kez kelgen äskeri qyzmetten bas tartuyn talap etken. Būl turaly The New York Times basylymy 13 qaraşada jariialaǧan materialynda jazdy, dep habarlaidy “Adyrna”.
Basylymnyŋ mälımetınşe, Resei ökılderı Abu-Dabide AQŞ jäne Ukraina delegasiialarymen ötken kelıssözderde öz talaptary körsetılgen beiresmi qūjat taratqan. Mäskeu NATO-nyŋ Ukrainada, Şyǧys Europanyŋ özge memleketterınde, Oŋtüstık Kavkazda jäne Ortalyq Aziiada äskeri qyzmet jürgızuıne şekteu qoiudy közdeidı. Sonymen qatar alianstyŋ odan ärı keŋeiuıne qarsy talap qoiǧan.
Reseidıŋ būl ūstanymy 2021 jyly jariialanǧan ūsynystarymen de säikes keledı. Sol kezdegı kelısım jobasynda NATO memleketterıne Ukrainada, Şyǧys Europada, Zakavkazede jäne Ortalyq Aziiada kez kelgen äskeri qyzmetten bas tartu ūsynylǧan bolatyn.
Būdan bölek, Mäskeu NATO äskerlerı men äskeri bazalaryn 1997 jylǧy ornalasu şekaralaryna qaitarudy jäne Batys elderınıŋ Ukrainaǧa qaru-jaraq jetkızuın toqtatudy talap etıp otyr. Sondai-aq Ukrainanyŋ Europalyq odaqtyŋ ortaq qorǧanys saiasatyna qatyspaǧan jaǧdaida ǧana ūiymǧa qosyluyna kelısım beruge daiyn ekenın bıldırgen. Ūlybritaniia men Fransiianyŋ iadrolyq qaruyn Europanyŋ basqa memleketterın qorǧau üşın paidalanu mümkındıgın de şekteudı közdeidı.
The New York Times derekközderınıŋ habarlauynşa, Resei ökılderı būl talaptardyŋ kelıssözderdegı bastapqy ūstanym ekenın jäne Vladimir Putinnıŋ belgılı bır mäseleler boiynşa ikemdılık tanytuy mümkın ekenın aitqan.
Al AQŞ ökılderı Stiv Uitkoff pen Djared Kuşner Resei tarapynyŋ ūsynystaryna qatysty 2021 jyldan berı halyqaralyq jaǧdaidyŋ özgergenın atap ötken. Olar Mäskeu şielenıstı tömendetuge baǧyttalǧan naqty qadamdar ūsynǧan jaǧdaida, jaŋa talaptardy qarastyruǧa daiyn ekenın jetkızgen.
Aita keteiık, Resei taratqan qūjat 10 qaraşada äzırlengen. Onda resmi qol men memlekettık blank joq. Basylymnyŋ jazuynşa, būl qūjat kelısılgen jospar emes, Mäskeudıŋ kelıssözderdegı ūstanymyn bıldıretın beiresmi material.
