وسىدان 95 جىل بۇرىن، 1930 جىلدىڭ 27 ناۋرىزىندا جەتىسۋدىڭ اقسۋ ايماعىندا قازاقتار كەڭەس وكىمەتىنىڭ ۇجىمداستىرۋ ساياساتىنا قارسى كوتەرىلىسكە شىقتى، دەپ حابارلايدى "ادىرنا" ۇلتتىق پورتالى.
رەسمي دەرەكتەرگە سۇيەنسەك، كوتەرىلىسكە قاتىسۋشىلار سانى 1000 ادامعا دەيىن جەتكەن. ولار ەگەۋبەك جانبايۇلى، قالدىباي قىليۇلى جانە عالي ساتىربايۇلىنىڭ باسشىلىعىمەن ارەكەت ەتتى.
1930 جىلى 27 ناۋرىز كۇنى كوتەرىلىسشىلەر اقسۋ ەلدى مەكەنىن باسىپ الدى. الايدا قارۋ-جاراقتىڭ جەتكىلىكسىزدىگى سالدارىنان وكىمەت اسكەرىنە توتەپ بەرە المادى. جەڭىلىسكە ۇشىراعان كوتەرىلىسشىلەر بالقاش ماڭىنداعى جامان جامال، كۇشىكجان سىندى قۇمدى ايماقتاردى پانالادى. الايدا ولاردىڭ ىزدەرىنە تۇسكەن اتتى اسكەر كوتەرىلىسشىلەردى قۇم ىشىندە قىرعىنعا ۇشىراتتى.
بۇل كوتەرىلىس كەڭەس وكىمەتىنىڭ كۇشتەپ ۇجىمداستىرۋ ساياساتىنا قارسى قازاق حالقىنىڭ اشۋ-ىزاسىن بىلدىرگەن تاريحي وقيعالاردىڭ ءبىرى بولدى.
