Áleýmettik jelide ótkir jazbalary, tereń paıymy jáne jankeshtiligimen kózge túsken qoǵam belsendisi Serik Hasenov Mońǵolııada bolǵan kóterilisti taldap, Qazaq eliniń saıası jaǵdaıymen salystyrdy. Qazaq elinde jıi aıtylatyn "Eki alyp ımperııanyń ortasyndamyz" túsiniginiń tozǵanyn, qazaqty jalǵan uranǵa sendirip, urshyqsha ıirip otyrǵanyn jazdy. Bul jaıly "Adyrna" ulttyq portaly habarlady.
Óziniń feısbýk paraqshasynda Serik Hasenov "Mońǵolııanyń artymyzdy ashqanyn" jazdy.
- Osy kúnge deıin revolıýııa ne mıtıng týraly aıtsań, talap etý týraly aıtsań "Eki alyp ımperııanyń ortasyndamyz" degen jeleýdi sóz etetinder kóp boldy. Parlamenttik basqarý júıesine tez ótý kerek, talap etý kerek desek "Biz az halyqpyz, kúte turaıyq" degen suńǵylalar kóp boldy... Basyńyzdy kúnshyǵys jaqqa bursańyz Mońǵolııa degen el bar. Parlamenttik basqarý júıesindegi el. Jer kólemi jarty Qazaqstannan sál úlkendeý. Halqy bizden alty ese az... Qyzyǵy, sol elde Qytaı men Reseıdiń ortasynda ornalasqan. Jaqynda halqy úkimet úıine kúshpen kirip, kinálilerdi jazalaýdy talap etti. Úkimetti otstavkaǵa ketýin talap etti... Sonda oǵan Qytaı óz tarapynan jemqorlyqqa qatysy bar degen sheneýnikterdi atý jazasyna keskenin aıtty. Úsh jarym mıllıon ǵana halqy bar Mońǵolııaǵa shabýyl jasamapty... mynalar bıligine qarsy kóterilip jatqandy paıdalanaıyq demepti... saý, dıplomatııalyq araqanastaǵy memlekettiń áreketin jasapty... - dedi Serik Hasenov.
Avtor Qytaı men mońǵol qarym-qatynasyn sóz ete kele, qazirgi Reseıdiń saıası kúrdeli ahýalyn taldaýǵa oıysady. Qazaqty jıi bastylmalaýǵa tyrysatyn "Eki alyp ımperııanyń ortasyndamyz" túsiniginiń esh qısynǵa kelmeıtindigin dáleldep, kórsetedi.
- Reseıge qazir Mońǵolııa emes, ózindegi Saha, Tatarstan t.b. sııaqty elderdi ustap qalý álde qaıda mańyzdyraq... Mońǵolııa naqty "Eki alyp ımperııa" degen ertegige núkte qoıǵan sııaqty... bul bizdegi polıttehnologııanyń ıdeıalyq sandyraǵy ǵana degen sóz... halyqty tipti soǵan sendirip qoıǵan... Biz kóshege shyǵyp talap etpeıtinimiz, buryn senip kelgendeı egemendikti baǵalaýymyzda emes, qorqaqtyǵymyzda eken... Sanymyz Mońǵolııa halqynan kóp pa? Kóp! Sol sekildi Reseı men Qytaıdyń ortasyndamyz ba? Ortasyndamyz! Endi neni syltaý qylamyz? - dedi qoǵam belsendisi.
Esterińizge sala keteıik, ótkende Mońǵolııada el qazynasyn qanaǵan jemqorlarǵa qarsy sherý ótip, halyq óz qamsyz bıligin bir silkip alǵan edi.
"Adyrna" ulttyq portaly
