İlon Mask bastaǧan 150 myŋǧa juyq adam Huangty qyzmetıne qaitarudy talap ettı

291
Adyrna.kz Telegram
https://adyrna.kz/storage/uploads/O3a7HNvmvoRUA0kuJWi0AJvwOiV268xWpB28SjbM.png

Suret Jİ-men jasalǧan

Nvidia kompaniiasynyŋ bas direktory qyzmetıne Djensen Huangty qaitarudy talap etken petisiiaǧa 150 myŋǧa juyq adam qol qoiǧan. Olardyŋ qatarynda milliarder İlon Mask pen Replit baǧdarlamalyq jasaqtama äzırleu platformasynyŋ basşysy Amdjad Masad bar. Būl turaly Business Insider basylymy jazdy, dep habarlaidy «Adyrna» tılşısı.
 

Ekeuı de petisiiany X äleumettık jelısınde qoldap, köpşılıkke taratuǧa atsalysqan.

Nauqannyŋ resmi saityndaǧy mälımetke säikes, petisiiaǧa 58 myŋnan astam aksioner, Nvidia kompaniiasynyŋ qazırgı 5,6 myŋnan astam qyzmetkerı jäne būrynǧy 1 myŋǧa juyq qyzmetker qol qoiǧan. Qol qoiuşylar arasynda Boom Supersonic aeroǧaryş kompaniiasynyŋ basşysy Bleik Şoll men Y Combinator venchurlyq kompaniiasynyŋ jetekşısı Gerri Tan da bar.

Sonymen qatar ūiymdastyruşylar qol jinauşylar tızımınde jalǧan qoltaŋbalardyŋ bar ekenın moiyndap, olardy joiu jūmystaryn jürgızıp jatqanyn mälımdegen.

Osy aptada Nvidia direktorlar keŋesı Huangtyŋ «şeteldık arnaiy qyzmetterdıŋ nysanasyna ainalǧan-ainalmaǧanyn» tekseretının habarlaǧan. Būǧan kompaniia basşysynyŋ qyzmetkerlerge jazǧan hatynda nekeden tys qarym-qatynasy bolǧanyn moiyndauy sebep bolǧan.

Keiın onyŋ kompaniianyŋ joǧary lauazymdy menedjerlerınıŋ bırımen taǧy bır bailanysy bolǧany turaly aqparat taraǧan soŋ, Huang qyzmetınen kettı. Al bas direktordyŋ mındetın uaqytşa atqaruşy bolyp kompaniianyŋ atqaruşy vise-prezidentı ärı qarjy direktory Kolett Kress taǧaiyndaldy.

Pıkırler