Qańtar oqıǵasynda qaýyrt baıandama jasap, halyqtyń kárine ushyraǵan Energetıka mınıstri Maǵqum Myrzaǵalıeviń burynǵy shtattan tys keńesshisi Oljas Baıdildınov esh etıkalyq jaýapqa tartylǵan joq. Qoǵam belsendisi Asan Anarbaıdyń aıtýynsha, mınıstr keńesshisi el ishindegi máselege bas aýyrtpaǵan. Qaıta onyń jalań kekesini halyqtyń ashýyna tıip, odan saıyn jalpaq jurtty yzalandyrǵan, dep habarlaıdy "Adyrna" ulttyq portaly.
Qoǵam belsendisi, jýrnalıst óziniń bir jyl burynǵy jazbasyn tike tartyp, atqaqonarlardyń el turmysy, halyq tirliginen múldem beıhabar, irgesin aýlaq salǵan óz aldyna bólek bir top ekendigin jetkizdi.
- Jańaózendegi narazylyqtyń jalpyhalyqtyq tolqýǵa ulasýyna kommýnıkaııadan jurdaı mınıstr men onyń oılanbaı sóılegen keńesshisiniń de úlesi bar. Qańtardyń basy batys jurty bas kóterdi. Búlikqumarlyqtan emes, qos búıirden qysqan qymbatshylyqtan. Munaı-gazdyń ústinde otyryp arba otyny aspandaǵannan. 3 qańtar kúni ańdatpasy yryń-jyryńdap, aqyry OrtKom Ortalyq Kommýnıkaııalar Qyzmeti alańynda ótken brıfıngke energetıka mınıstri Maǵqum Myrzaǵalıev pen onyń bir top nókeri shyqty. Brıfıngte jýrnalıstiń úshten birine ǵana suraq qoıdyrdy. enzýranyń aýy keńinen túrildi. Mınıstrdiń sózi belgili, baǵa 90-85 teńgeden túspeıdi, ózindik qunynyń ózi 70 teńgeden joǵary dep turyp aldy. Al onyń keńesshisi Oljas Baıdildınov munaı salasynda sarapshy bolǵanymen, ony óndiretin munaıshylardyń eńbegi men turmysynan múlde beıhabar, halyqtan alystyǵyn kórsetti. Onyń sózi narazylar men jańaózendikterdi ábden ashyndyrdy. Bir apta Jańaózende júrip osyǵan kózim jetti, - dep jazdy jýrnalıst.
Avtor keıinnen halyqqa qyzmet etip, el múddesine eńbek sińirsem degen azamattyń bolmysy, tulǵalyq bıiktigi qandaı bolýy tıis degen suraqtyń tóńireginde sóz qozǵaıdy. Onyń aıtýynsha, mınıstr keńesshileriniń oıqaıtaı otyryp, oılanbaı sóıleýi halyqty qatty ashyndyryp, kóterilisti órshelendirgen. Óz oıyn ótkir, paıymyn batyl jetkizgen jýrnalıst:
- 37 jastaǵy shtattan tys keńesshiniń Jańaózen týraly oqyrańdana aıtqan paıymy qate. Sarapshyǵa laıyq shyndap zerttemeı sóıledi. Jurtty ashyndyrdy. Narazylyqqa adekvat jaýap bolar degende el qaraǵan aýyzdan osyndaı sóz shyqty. Narazylyqtyń jalpyhalyqtyq tolqýǵa ulasýyna sebep bolǵan alǵysharttyń ishinde Myrzaǵalıev pen Baıdildınovtiń oılanbaı sóılegen sózi de obal arqalady dep esepteımin. Osylaısha, órt sóndirmese de lebin báseńdeter tusta ózimshildikpen órshelendirip aldy. Sóıtip, qańtardyń 4-nen keıin bútin el turdy, arty áldebir kúshter paıdalanyp eldi oıranǵa ushyratty.Bul halyq aldyna shyǵatyn memlekettik qyzmetkerlerdiń azamattardyń áleýmettik ómirinen tym alshaqtaı túskenin, sheneýnik pen buqara arajiginiń alystap-sýynyp ketkenin kórsetedi. Krızısti sheshýdiń ornyna, ústine maı tógip alatyndardy Bolashaq túlekteri, ózge de bilimdi ári bilikti mamandar aýystyrsa eken. Kadrlyq rezervtiń iske jarar kúni týdy degen osy bolar. Myna keńesshiniń kóp múddesine túkire qaraǵany úshin ony qaıta jasaqtalatyn Úkimetke jýytpaýdy talap etemin (Jeke sýbektıvti pikirim), - dep jazdy.
