5-synyp oqulyǧynan dau tuyp, ministrlık jaǧdaiǧa qatysty pıkır bıldırdı, dep habarlaidy "Adyrna" ūlttyq portaly Ūlysmediaǧa sıltep.
Facebook jelısınde orys mektepterıne arnalǧan orys tılı men ädebietı oqulyǧy turaly pıkır jariialandy.
"Orys tılı men ädebietı oqulyǧy. 5 synyp. Avtory Janpeisova U.A. 2-bölım, 16-bet. Qazaq halyq ertegısın oqiyq! Bızde Joşy emes Husain degen han bolypty, oǧan balasynyŋ qazasyn jetkızgen Ketbūǧa emes, Ali degen küişı bolypty-mys. Qalai būl?" - dedı ol.
Respublikalyq ǧylymi-praktikalyq bılım mazmūnyn saraptau ortalyǧy jaǧdaiǧa qatysty pıkır bıldırdı.
"5-synypqa arnalǧan «Atamūra» baspasynyŋ «Orys tılı men ädebietı» oqulyǧy 5-9 synyptarǧa arnalǧan «Orys tılı men ädebietı» Ülgılık oqu baǧdarlamasyna säikes äzırlengen. Baǧdarlamanyŋ mazmūnyna säikes, oquşylardyŋ mındettı türde oquy tiıs şyǧarmalar tızımı anyqtalǧan, olardyŋ ışınde qazaq halyq ertegısı «Master Ali» de bar. Osy talapty oryndau maqsatynda, atalǧan şyǧarma qazırgı qoldanystaǧy oqulyqqa engızılgen.
«Master Ali» – oidan şyǧarylǧan oqiǧalar men keiıpkerlerge negızdelgen qazaq halyq ertegısı. Būl şyǧarmanyŋ mazmūnynda naqty tarihi tūlǧalar – Joşy han men Ketbūǧa kezdespeidı. Degenmen, basylym avtorlary «Master Ali» ertegısın «Aqsaq qūlan» aŋyzy siiaqty naqty tarihi oqiǧalar mazmūnyna ūqsatyp, şyǧarma retınde qarastyrǧan. Sondai-aq, 5-synyptyŋ oqu baǧdarlamasynda aŋyzdardy folklordyŋ jeke janry retınde oqytu qarastyrylmaǧanyn eskeru qajet.
«Master Ali» ertegısı «Zolotoi kuvşin» (1952), «Muzyka-kudesnisa» (1987) siiaqty jinaqtarda basylyp şyqqan", - delıngen resmi jauapta.
Al ministrlık ökılderı būl oqulyq orta bılım berudıŋ 5-9 synyptaryna arnalǧan «Orys tılı men ädebietı» pänı boiynşa ülgılık oqu baǧdarlamasynyŋ talaptaryna säikes äzırlengenın aitady.
"Būl baǧdarlama orys tılı oqytylmaityn mektepter üşın jasalǧan jäne onda mındettı türde oqylatyn şyǧarmalardyŋ tızımı bekıtılgen. Osy tızımge «Äli şeber» (Master Ali) atty qazaq halyq ertegısı de kıredı. Sondyqtan būl şyǧarma atalǧan oqulyqqa engızılgen. «Äli şeber» – qazaq halyq ertegısı, auyz ädebietınıŋ janryna jatatyn şyǧarma. Ertegınıŋ siujetı oidan şyǧarylǧan keiıpkerler men oqiǧalarǧa negızdelgen. Būl ertegıde Joşy han men Ketbūqa siiaqty naqty tarihi tūlǧalar kezdespeidı. Jariialanǧan syn maqalalardyŋ avtorlary «Äli şeber» ertegısı men naqty tarihi oqiǧalar men tūlǧalar turaly baiandaityn «Aqsaq qūlan» aŋyzyn şatastyrǧan. Aita ketu kerek, 5-synyptyŋ oqu baǧdarlamasynda aŋyzdardy folklordyŋ jeke janry retınde oqytu qarastyrylmaǧan", - dedı.
Ūqsas jaŋalyqtar
