Ishki naryqta janar-jaǵar maı tapshylyǵyn boldyrmaý maqsatynda energetıka mınıstrligi jasyryn áketilýi múmkin munaı ónimderin temirjol kóligimen eksporttaýǵa tyıym salýdy josparlap otyr. Bul týraly mınıstrliktiń baspasóz qyzmeti jarııalady, dep habarlaıdy “Adyrna” ulttyq portaly.
"Energetıka mınıstrligi "Qazaqstan Respýblıkasy aýmaǵynan munaı ónimderin áketýdiń keıbir máseleleri týraly" birlesken buıryqtyń Qazaqstan Respýblıkasynyń aýmaǵynan, onyń ishinde Eýrazııalyq ekonomıkalyq odaqqa múshe memleketterge munaı ónimderin avtomobıl jáne temirjol kóligimen áketýge tyıym salýdy kózdeıtin alty aı merzimge tyıym salýdy belgileý týraly tıisti jobasyn ázirledi", - delingen mınıstrlik taratqan habarlamada.
Qazirgi tańda janar-jaǵar maı tutynýdyń ulǵaıýy jáne ishki naryqtaǵy qordyń azaıýy baıqalady. Atap aıtqanda, Qazaqstannyń ońtústik shekaralas aımaqtarynda aıtarlyqtaı ósim baıqalady.
Bul jaǵdaı Qazaqstan jáne shekaralas elderdegi munaı ónimderi baǵasynyń qazirgi aıyrmashylyǵymen baılanysty.
