«Bız dostas elderdıŋ mektepterı üşın oqulyqtardy öz qarajatymyzǧa basyp şyǧaramyz. Mysaly, Täjıkstannyŋ Bohtar qalasyndaǧy Mihail Lomonosov atyndaǧy orys-täjık mektebınde «Täjık halqynyŋ tarihy» pänı oqytylady. Būl oqulyq Resei biudjetınen qarjylandyryldy. Alaida, onyŋ ışınde «Reseidıŋ Orta Aziiany okkupasiialauynyŋ aiaqtaluy» jäne «Okkupasiiadan keiıngı jaǧdai» degen taqyryptar bar. Mūndai mazmūndy qalaişa qabyldauǧa bolady?» – dep sūrady Mironov.Mäskeudegı memlekettık dumada ötken otyrysta deputat būl mäselenı şeşudı ūsyndy. Onyŋ aituynşa, şet memleketterdegı mektep baǧdarlamalary mūqiiat baqylanuy kerek. Sondai-aq, Bohtar qalasynda laŋkestık äreketke qatysy bar dep tanylǧan adam düniege kelgenı habarlandy. Ol Reseidegı teraktıge qatysy bar degen küdıkpen ūstalǧan bolatyn. Būl jaǧdai orys-täjık mektebınıŋ maŋyzdylyǧyn arttyrǧanymen, onyŋ mazmūnyna degen sūraqtardy küşeitude. Resei men Täjıkstan qarym-qatynastaryn nyǧaituǧa baǧyttalǧan Mihail Lomonosov atyndaǧy būl mektep reseilık bılım beru standarttaryna säikes jūmys ısteidı. Mälımetterge süiensek, oqulyqtarda Reseidıŋ Ortalyq Aziiaǧa basyp kıruı, okkupasiia jäne antikoloniialyq küres turaly aqparat qamtylǧan. Būl mälımdeme reseilık deputattardyŋ narazylyǧyn tudyrdy. Mironovtyŋ aituynşa, mūndai jaǧdai Reseidıŋ halyqaralyq bedelıne nūqsan keltıruı mümkın. Būl mäselenı şeşu üşın Mäskeu jaŋa şaralardy qolǧa aludy josparlap otyr. Bohtar qalasyndaǧy M.V.Lomonosov atyndaǧy jekelegen pänderdı tereŋdetıp oqytatyn orta jalpy bılım beretın mektep 2009 jyldan berı jūmys ısteidı. Mektep Resei-Täjıkstan memlekettık biudjetınen qarjylandyrylady. Aita keteiık, ötken jyldyŋ qaraşasynda Resei Qazaqstanmen bırge bırlesken tarihşylar tobyn qūrudy közdep otyrǧanyn habarlaǧan bolatynbyz. "Resei men Qazaqstanda bızdıŋ ortaq tarihi jolmen ötkenımızben jäne qazırgı tarihymen bailanysty taqyryptar ara-tūra tuyndap otyrady. Osy rette, bırlesken tarihşylar tobyn qūru turaly oŋ kelısımge qol jetkızılgenın atap ötkım keledı", - dep mälımdegen Resei syrtqy ıster ministrı Sergei Lavrov Astanadaǧy Memlekettık basqaru akademiiasynyŋ Diplomatiia institutynda. Ministr mūndai qadamnyŋ ekı elge de paidaly ekenın jäne qoǧamnyŋ kei bölıgınde paida bolatyn pıkırtalastardy bäseŋdetuge kömektesetının atap öttı. Onyŋ sözınşe, būl bastama özara kelısım negızınde jüzege asyrylyp jatqany aitylǧan. Al Erlan Qarin qaraşada Resei syrtqy ıster ministrı Sergei Lavrov eldıŋ Qazaqstanmen ortaq tarihşylar tobyn qūruyna qatysty pıkır bıldırgen bolatyn.
«Būl eşqandai da jaŋalyq emes. Būryn da ondai jūmystar atqaryldy, alaida pandemiia kezınde uaqytşa toqtatylǧan bolatyn. Būndai kelısım Reseimen ǧana emes, basqa eldermen de bar. Bylaişa aitqanda, baiaǧydan qoldanylyp kele jatqan praktika ǧoi. Bızde tarihşylardyŋ türlı assosiasiiasy bar. Negızgı maqsat — bır-bırımen pıkır jäne qūjat almasuyna jaǧdai jasau. Europa elderınıŋ tarihşylarymen de jekelegen jūmys toptary bar. Būl elımızdıŋ tarihyn özge eldıŋ ǧalymdary jazady degen söz emes. Keibıreuler ädeiı araŋdatu maqsatynda osyndai pıkır qaldyrady. Bız öz tarihymyzben özımız ainalysyp jatyrmyz, ony aşyq aitu kerek. Prezident tapsyrmasy boiynşa Qazaqstan tarihynyŋ 7 tomdyǧy daiyndala bastady. Oǧan 250 otandyq tarihşy jūmyldyryldy. Biyl ol jūmystyŋ negızgı bölıgı aiaqtaldy», - degen Erlan Qarin.
