Qazaqstanda 5 qyrkúıekte «Adam saýdasyna qarsy is-qımyl týraly» zań kúshine endi. Qylmystyq kodekske «seksýaldyq sıpattaǵy ózge de qyzmetter», onyń ishinde qashyqtan, «naqty ýaqyt rejıminde ınternet arqyly» degen jańa uǵym engizildi. Bul týraly BQO PD UQQKB jedel ýákili polıııa aǵa leıtenanty Ádil Smaǵulov aıtyp berdi.
Endi adamdardy, onyń ishinde kámeletke tolmaǵandardy seksýaldyq sıpattaǵy ózge de qyzmetter kórsetýge tartý, jeńgetaı bolý, jeńgetaılyq maqsatynda jezókshelikti, seksýaldyq sıpattaǵy ózge de qyzmetterdi nasıhattaý jáne jarnamalaý, jynystyq sıpattaǵy tuǵyrlardy uıymdastyrý nemese ustaý, telekommýnıkaııa jelilerin, onyń ishinde ınternetti paıdalaný arqyly jezókshelikpen aınalysý, jynystyq sıpattaǵy ózge de qyzmetter kórsetkenderge qylmystyq jaýapkershilik engizildi. Budan basqa, kámeletke tolmaǵan adam kórsetken jezókshelik qyzmetin, ózge de jynystyq sıpattaǵy qyzmetti alǵany úshin qylmystyq jaýapkershilik bar. Adam saýdasyna baılanysty qylmystar boıynsha tatýlasýǵa baılanysty qylmystyq jaýaptylyqtan bosatý alynyp tastaldy.
Ádil Smaǵulovtyń aıtýynsha, Batys Qazaqstan polıııasy basqarmasynyń uıymdasqan qylmysqa qarsy kúres basqarmasy Oral qalasyndaǵy saýnalar men jaldamaly páterlerge jedel-profılaktıkalyq is-sharalar men reıd júrgizdi. – Ótken jyldyń qarasha aıynda Oral qalasynyń 1988 jyly týǵan turǵyny ustaldy, ol birneshe aı boıy qaladaǵy ártúrli jaldamaly páterlerde turyp, 2006 jyly týǵan kámelettik jasqa tolmaǵan qyzdy ınternet-saıt arqyly jezókshelikke tartyp kelgen. Kúdiktiniń áreketi aldaý jáne qorqytý túrinde bolǵan. Aǵymdaǵy jyly Batys Qazaqstan oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynyń úkimimen kúdikti 134-baptyń 2-bóligimen, Qazaqstan Respýblıkasy Qylmystyq kodeksiniń 191-baby 1-bóligimen 7 jylǵa bas bostandyǵynan aıyryldy, – deıdi aǵa leıtenant.
Sondaı-aq aǵymdaǵy jyly 26 adam QR ÁQBtK-niń 450-baby «jezókshelik nemese sýtenerlik úshin kórineý úı-jaı berý» boıynsha ákimshilik jaýapkershilikke tartylǵan. Polıeıler mundaı faktilerdi, sondaı-aq adam saýdasyna qatysty basqa da qylmystardy anyqtaý boıynsha turaqty túrde sharalar qabyldaýda. Eger siz osyndaı quqyq buzýshylyqtardyń kýágeri bolsańyz beıjaı qalmaýyńyz kerek. 102 nemese «116 16» senim telefonyna dereý qońyraý shala alasyz. Sonymen birge, ár oblysta zardap shekkenderge tegin kómek kórsetýge jáne qujattaryn qalpyna keltirýge, ýaqytsha turýǵa jáne basqa da arnaýly áleýmettik qyzmetterdi kórsetýge kómektesýge daıyn úkimettik emes uıymdar bar ekenin eske salamyz.
Káýsar Baıǵalıeva
