Almaty qalasynda azamattyq belsendıler men qūqyq qorǧauşylardyŋ qatysuymen «Ūltqa balta şabar LGBT ūiymdardyŋ nasihatyna jol joq!» atty baspasöz konferensiiasy öttı. Şaranyŋ maqsaty - Qazaqstan Respublikasy Parlamentı Mäjılısı deputattary ūsynǧan dästürlı emes jynystyq qatynastardy nasihattauǧa tyiym salu turaly zaŋ jobasyn qoldau jäne qoǧamdy aqparattandyru.
Baspasöz jiynyn qoǧam belsendısı ärı qūqyq qorǧauşy Baǧila Baltabaeva ūiymdastyrdy. Onyŋ aituynşa, būl bastamaǧa qazaqstandyqtardyŋ basym bölıgı qoldau bıldırıp otyr.
«2019 jyldan berı qarai bırjynysty qarym-qatynasty qoldauşylar öz belsendılıkterın küşeitıp, türlı alaŋdarda jalaularyn köterıp jür. Būl bızdı beijai qaldyrmady. Men qoǧam belsendısı ärı ana retınde mūndai nasihatqa qarsy äreket etuge mäjbür boldym. Jastardyŋ osyndai ūiymdardyŋ jiyndarynda jürgenın körıp, ünsız qala almadym. Sol sebeptı dästürlı emes qatynastardy nasihattauǧa tolyq tyiym salu maqsatynda petisiia jariialadyq. Nätijesınde 50 myŋnan astam qol jinalyp, ūsynys Ükımetke jetkızıldı. Qazır ol Senattyŋ qarauynda. Memleket basşysy qol qoisa, zaŋ tolyq küşıne enedı», – dedı Baǧila Baltabaeva.
Konferensiiaǧa belgılı qoǧam qairatkerlerı men şyǧarmaşyl tūlǧalar qatysyp, öz pıkırlerın bıldırdı. Olardyŋ arasynda jazuşy, Qazaqstan Jazuşylar Odaǧynyŋ müşesı Marat Toqaşbaev ta bar.
«Bız eŋ aldymen keleşek ūrpaq üşın alaŋdaimyz. Menıŋ 12-13 nemerem bar. Sol balalardyŋ ūlttyq bolmysqa jat, arsyz dünielerdıŋ yqpalyna tüskenın qalamaimyn. Bırjynysty ūiymdar halyqtyŋ nebärı 1 paiyzyn qūraidy. Sol azşylyq üşın qalǧan 99 paiyz halyq zardap şekpeuge tiıs», – dedı ol.
Belsendı, qoǧam qairatkerı Şolpan Bostanqyzy da zaŋnyŋ şyǧuyn qoldap, būl keleşek ūrpaq üşın maŋyzdy tüitkıl ekenın basa aitty.
«LGBT ökılderı öz qūqyqtary taptaldy dep jiı mälımdeme jasaidy. Bıraq bız olardyŋ jeke ömırıne aralasyp jatqan joqpyz. Bız tek olardyŋ aşyq türde nasihat jürgızuıne, keleşek ūrpaqtyŋ sanasyn ulauyna qarsymyz. Osyny dūrys tüsıngen jö», – dep atap öttı ol.
Jiyn barysynda qatysuşylar äleumettık zertteulerdıŋ nätijelerın de ūsyndy. Zertteuler qazaqstandyqtardyŋ basym bölıgı dästürlı emes qatynastarǧa qarsy ekenın körsettı. «Qazaqstandyq qoǧamdy damytu institutynyŋ» deregınşe, respondentterdıŋ 90,5 paiyzy gomoseksualdyq qatynastardy öz balalaryna qabyldauǧa daiyn emes ekenın aitqan. Al halyqaralyq zertteulerde mūndai qatynastardyŋ «aqtalu deŋgeiı» nebärı 2,2 ball bolǧan.
Baǧila Baltabaevanyŋ aituynşa, zaŋ jobasy söz bostandyǧyna şekteu emes, qoǧam men jastardyŋ psihikalyq jäne ruhani densaulyǧyn qorǧauǧa baǧyttalǧan.
«Būl bastama ūlttyŋ ruhani qauıpsızdıgın qorǧauǧa baǧyttalǧan. Maqsat – bıreudı qudalau emes, jastardyŋ sanasyn terıs nasihattan saqtau, – dedı ol jiyndy qorytyndylai kele.
Dästürlı emes jynystyq qatynastardy nasihattauǧa tyiym salu turaly zaŋ jobasy qazırgı taŋda Senat qarauynda. Zaŋ qabyldanǧan jaǧdaida, ol «Bala qūqyqtary turaly», «Jarnama turaly», «Mass-media turaly» jäne basqa da bırqatar zaŋdarǧa engızılmek.
