Baızaq aýdany Jambyl oblysyna eń jaqyn aýdandardyń biri bolyp sanalady. Sondyqtan da bul artyqshylyq aýdannyń áleýmettik-ekonomıkalyq turǵydan damýyna qolaıly bolyp otyr. Óıtkeni basqa aýdanmen salystyrǵanda aýyl sharýashylyq ónimderin oblys ortalyǵy Taraz qalasyna ákelip satý, yńǵaıly. Budan bólek aýdanda ortalyq aýrýhanamen birneshe balabaqsha kúrdeli jóndeýden ótip, sý jańa mektep paıdalanýǵa berildi.
Baızaq aýdandyq ortalyq aýrýhanasy. 1976 jyly salynǵan aýrýhana ǵımaratyna aǵymdy jáne kúrdeli jóndeý jumystary jasalyp jatyr Atalǵan jóndeý jumystaryna respýblıkalyq bıýdjetten berilgen transfertter esebinen 71 mln. 475 myń teńge, al jergilikti bıýdjet qarajatynan 7 mln. 942 myń teńge bólingen. Kúrdeli jóndeý jumystary shildeniń 26-i kúni bastalyp, aǵymdaǵy jyldyń 26 qyrkúıeginde aıaqtalady.
Aqsholaq orta mektebi. Úsh aýysymda oqıtyn Aqsholaq orta mektebiniń problemasy sheshilip, 120 oryndyq mektep qurylysy 1 qyrkúıekten bastap paıdalanýǵa beriledi. Búginde munda ǵımarat aınalasyn abattandyrý, kógerishtendirý jumystary júrgizildi. Sondaı-aq, mektep ishine qajetti qural-jabdyqtar qamtamasyz etildi.
Jaqsylyq Úshkempirov atyndaǵy sport saraıy. Sarykemer aýylynda 948,0 mln teńgege 29 joba iriktelinip alynyp, onyń 24-i boıynsha jumystar júrgizilýde. Solardyń biri J.Úshkempirov atyndaǵy №1 balalar-jasóspirimder sport mektebi aǵymdaǵy kúrdeli jóndeý jumysy qyzý júrgizilýde. Búginde aýdan turǵyndarynyń sany 106 253 adamdy qurasa, onyń ishinde, turaqty túrde dene shynyqtyrý jáne sportpen aınalysatyn azamattar sany 31670 adam nemese halyqtyń 29,8 paıyzyn quraıdy.
Shaǵyn fýtbol alańshasy men basketbol alańynyń bastyrmasy. Sarykemer aýylynyń ortalyq stadıony aýmaǵynan halyqaralyq standartqa saı keletin shaǵyn fýtbol alańshasynyń qurylysy júrgizilýde. Shaǵyn fýtbol alańshasynyń quny – 7,1 mln. teńgeni quraıdy. Sondaı-aq osy jerde basketbol alańynyń bastyrmasyna aǵymdaǵy jóndeý jumystaryn júrgizilip jatyr. Aldaǵy ýaqytta quramdastyrylǵan sport alańy retinde qaıta jańǵyryp, el ıgiligine 2019 jyldyń 1 qyrkúıek kúni beriletin bolady.
"Baldyrǵan" jáne "Teremok" balabaqshasy. "Aýyl - el besigi" jobasy aıasynda "Baldyrǵan" balabaqshasy da aǵymdaǵy jóndeýden ótkizilýde. Munda balabaqsha ishi qaıta jańǵyrtylyp,syrtqy jumystar júrgizilýde. Sondaı-aq Báıterek aýyldyq okrýgindegi "Teremok" balabaqshasy da kúrdeli jóndeýden ótkizilip jatyr. Jalpy quny 164 mıllıon 475 myń teńgege baǵalanǵan balabaqshadaǵy kúrdeli jóndeý jumystary qazan aıynyń sońynda paıdalanýǵa beriledi.
«Esenbaev B.M.» ósimdik maıyn qaıta óńdeý ehy. Býryl jáne Kóktal aýyldyq okrýgterinde ornalasqan «Esenbaev B.M.» ósimdik maıyn qaıta óńdeý ehynnyń jobalyq quny 200 mln teńge. Qural-jabdyqtary 75 mln teńge bolǵan maı ehynyń qýattylyǵy táýligine 50 tonna maı syǵady. 50 tonna maqsarydan 10 tonna, al 50 tonna semishkeden 20 tonnaǵa deıin maı shyǵady. Qazirgi tańda eh aýyldyń 10 turǵynyn jumyspen qamtyp otyr.
«Dýlat» sharýa qojalyǵy. Kóktal aýyldyq okrýginde ornalasqan «Dýlat» sharýa qojalyǵy 2014 jyldan beri 3 myń bas MIQ malyn bordaqylaýmen aınalysyp keledi. Táýligine 100 bas mal soıýǵa arnalǵan bul keshenniń joba quny 497 mln. teńgeni quraıdy. Sharýashylyq 75000 aılyqpen 15 adamdy jumyspen qamtyp otyr.
«Mıka» sharýa qojalyǵy. Qostóbe aýyldyq okrýginde ornalasqan «Mıka» sharýa qojalyǵynyń jalpy quny 100 mln teńge bolatyn jylyjaı keshenin salǵan. Qojalyqtyń jalpy jeri 2,0 ga, al jylyjaı 0,8 ga kamtıdy. 2019 jyldyń birinshi maýsymynda 102,0 tonna qııar óndirip, ekinshi jarty jyldyqqa qııar daqylyn ekken. Sharýaqojalyq 10 adam turaqty jáne 10 adam maýsymdy jumyspen qamtyp, 75 myń teńge kóleminde jalaqy tólep otyr.
«Nurly jaı» sharýa qojalyǵy. «Sybaǵa» baǵdarlamasy boıynsha Baızaq aýdanynyń «Nurly jaı» sharýa qojalyǵy Chehııadan et baǵytyndaǵy 90 sıyr alyp keldi. Bir sıyrdyń quny 544 myń 500 teńge. Ótkende Sybaǵa baǵdarlamasy boıynsha 90 bas asyl tuqymdy sıyr alǵa "Nurly jaı" ShQ sýretteri. ShQ basshysy Seıtkadyrova Asel Týlepergenova
